Yakobo 1:4 - IBAYIBOLO 2024

⁴ Loli ubufisalyoyo bwinyu bubombaye imbombo yache umwakuti mubanje bantu abakuzi mubuzimu, na bakufikapo, sona na basita ukusobelwapo nakamokamo.

Ulufingo Ulupya

⁴ Loli ubufisalyoyo bwinyu bubombaye imbombo yache umwakuti mubanje bantu abakuzi mubuzimu, na bakufikapo, sona na basita ukusobelwapo nakamokamo.

Yakobo 1:4 Iomraidhean Croise

Yobu 17:9

Pope bulo, abagholosu bakwenda muzila zyabo, po yuyo musita chifukwa akukula wamaka.

Masalimo 37:7

Banga bulo myee pamaso pa Mwene, sona umulindililaye yuyo nu bufisalyoyo. Utakapasyanje nanti abanji ivintu vikubendela akiza, sona nanti bakubomba imbombo zyabo imbibi.

Masalimo 40:1

Nkamulindilila u Mwene nu lusubilo, po akanteghelezya nukwivwa ulwiputo lwane ukuti anyavwe.

Ivyili 4:8

Bika umoyo wako pa mahala, po ghakwiza pakukukwezya. Ughafukatilaye, po ghakwiza pakukuchindika.

Habakuku 2:3

Pakuti ubuvumbuli bukulindilila akabalilo kache, bukunena nizya bumalilo, sona butakwiza pakusimikiziwa ukuti bumyasi. Napapo bungakaba, pope bulo ubulindililaye, naloliloli bukwiza pakwiza, sona butakwiza pakukabila.

Matayi 10:22

Abantu bosi bakwiza pakubabenga pachifukwa ichakuti mwe bakonki bane. Loli umuntu wesi yuyo ajimba mupaka pabumalilo akwiza pakupokiwa.

Matayi 19:20

Umulumendo yula akamula akati, “Nkonkite amalamulo ghosi ghanagha. Nkimba imbombe ichoni sona?”

Matayi 5:48

Po mubanje bantu abiza muvintu vyosi ukuyana namumo Ughuso uwakumwanya abeleye!

Maliko 10:21

U Yesu akamwenelezya nu lughano nukumubuzya ukuti, “Ukusobelwa ichintu choka bulo: Kaghulizye vyosi vivyo uli navyo nukubapa abapina indalama, po ukwiza pakuba nu bukabi kumwanya, po wize nukunkonka.”

Luka 18:22

Bo u Yesu ivwa zinizi, akamubuzya akati, “Ukusobelwa ichintu choka bulo: Kaghulizye vyosi vivyo uli navyo nukubapa abapina indalama, po ukwiza pakuba nu bukabi kumwanya, po wize nukunkonka.”

Luka 21:19

Wime nkani, po ukwiza pakupokela ubumi.

Luka 8:15

Imbeyu zizyo zikawila pitope ilyiza zikwimilila abantu babo bakwivwa amazyu nukughasunga mumoyo umwiza nu bwanaloli. Sona bakujimba mupaka bape ivikomwa.”

Yohani 17:23

Ane mumwabo, awe mumwane, umwakuti babanje weka umwakufikapo ukuti abantu aba muchisu ichapasi bazimenye ukuti awe wewe ukantuma, sona ukuti ubaghanite ukuyana namumo unganiye.

1 Aba Kolinti 2:6

Loli tukunena amazyu aghamahala na bantu babo bamaka mubuzimu, napapo amahala agha ghate mahala agha masiku agha, pamo agha balaghili aba muchisu ichapasi, babo amaka ghabo ghakumala.

Aba Galatiya 6:9

Po mutakalitaye pakubomba ivyiza, pakuti pakabalilo kache akiza tukwiza pakwinula nanti tutakuwa amaka.

Aba Kolosi 4:12

U Epafula yuyo weka uwa amwe, sona mubombi uwa Kilisitu u Yesu akubalamuka. Akubiputila nkani akabalilo kosi ukumulaba u Chala ukuti mwimaye nkani, nukuba bantu abazelu, sona nukuti mwiyulaye nkani pakubomba vyosi vivyo u Chala akulonda.

1 Aba Tesalonika 5:23

U Chala umwenecho uwa mutende abapelaye pakuba bazelu muvintu vyosi. Umuzimu winyu ghosi nu moyo winyu ghosi, sona nu mubili winyu ghosi, vitakabanje ni chilema nachimochimo pakwiza ukwa Mwene witu u Yesu Kilisitu.

2 Timoti 3:17

umwakuti umubombi uwa Chala abanje wakufikapo, sona wakwiyannya pakubomba imbombo zyosi inyiza izyakulekanalekana.

Aba Hebeli 13:21

U Chala abape amwe ivyiza vyosi ukuti mubombaye ubwighane bwache nukubomba mumwitu ukwendela mwa Yesu Kilisitu zizyo zikumuhobosya. Po u Kilisitu achindikiwanje bwila na bwila! Ameni!

Yakobo 1:5

Nanti yumo mumwinyu akusobelwa amahala aghakubombela ichintu chimo, amulabe u Chala, po akwiza pakughapokela, pakuti u Chala akumupa umuntu wesi umwakusita ukumamilizya, sona umwakusita ukwilumbusya.

Yakobo 3:2

Pakuti twebosi tukupuvya muvintu ivyinji. Loli nanti umuntu yumo atakupuvya pazizyo akunena, kokuti umuntu yunuyu wakufikapo, sona amenye pakulaghila umubili wache ghosi.

1 Pitala 5:10

Loli bo mwayimbapo panandi, u Chala uwachisa, yuyo akubitizya pakugabana ubuchindamu ubwa bwila na bwila poka nu Kilisitu, akwiza pakubapyanizikizya papo, nukubavwa nukubakazya, sona nukubikazya palwalo ulukafu.

2 Pitala 1:9

Loli nanti umuntu ate navyo ivintu vinivi, kokuti mufwamaso nukuti atangennya pabutali, sona aluvizye ukuti imbibi zyache izyakale zikaswefiwa.