Yakobo 1:25 - IBAYIBOLO 2024

²⁵ Loli nanti umuntu akuzyenelezya indaghilo izyakufikapo izya Chala, zizyo zikumusatula umuntu nukubomba zizyo amazyu ghakunena, sona atakuluvya zizyo akwivwa, naloli u Chala akwiza pakumusaya muvyosi vivyo akubomba.

Ulufingo Ulupya

²⁵ Loli nanti umuntu akuzyenelezya indaghilo izyakufikapo izya Chala, zizyo zikumusatula umuntu nukubomba zizyo amazyu ghakunena, sona atakuluvya zizyo akwivwa, naloli u Chala akwiza pakumusaya muvyosi vivyo akubomba.

Yakobo 1:25 Iomraidhean Croise

Masalimo 106:3

Basayiwa babo bakubombela mubwanaloli, babo akabalilo kosi bakubomba ingolosu.

Masalimo 119:32

Nkwiza pakuchimbilagha mumalamulo ghako, pakuti waghusatula umoyo wane.

Masalimo 119:45

Nkwiza pakwenda ne mwabuke, pakuti naghasunga amalamulo ghako.

Ivyili 14:15

Umupunganu akusubilagha vyosi bulo, loli umuntu uwamahala achebite na kendele kache.

Yesaya 8:20

Ululaghilo nu lusimikizyo nanti vitakunena amazyu ghanagha vite nulukozyo nalumo.

Luka 11:28

Loli u Yesu akamula akati, “Awe, basayiwa babo bakwivwa amazyu agha Chala nukughivwila.”

Yohani 13:17

Pakuti ilelo muzimenye zinizi, mwe basayiwa nanti mukuzibomba.

Yohani 8:36

Nanti u Mwana akubasatula, po naloli mukwiza pakuba mwe babuke.

Imbombo 13:43

Bo abantu bepapo palukomano lula, aba Yuda na bantu babo bate ba Yuda abinji babo bakapindukila ku Chiyuda bakamukonka u Pabuli nu Balanabasi. Abatumiwa bakababuzya nukubakazya ukuti bendelele pakwikala ukuyana ni chisa icha Chala.

Imbombo 2:42

Bakabika umoyo wabo pa vimanyisyo vivyo abatumiwa bakamanyisyanga, bakaba mubupoka nukumenyannya ichibama pakumukumbuka u Mwene, sona bakaba poka munyiputo.

Imbombo 26:22

Loli mupaka ni siku ili u Chala anyavwanga. Po nimiliye pano pakubikila ubwakaboni pamaso pa mwebosi, na bana na pamaso pa basongo. Zizyo nkunena ziyanite bulo na zizyo abalaghuzi nu Mozesi bakanena ukuti zikwiza pakubombiwa,

Aba Loma 11:22

Panapa mungachennya ichisa icha Chala, sona nu bukali bwache. Abakalaliye abantu babo bawiye, loli ali ni chisa namwe, nanti mukwendelela pakubomba vivyo vikumuhobosya. Loli nanti mutakubomba bunubu, namwe bulo mukwiza pakupalantiwa.

Aba Loma 2:13

Pakuti, bate bo babo bakwivwa bulo Indaghilo babo u Chala akubanena ukuti bantu bagholosu pamaso papache, loli babo bakubomba zizyo Indaghilo zikunena, bo babo u Chala akubanena ukuti bantu bagholosu pamaso pa Chala.

Aba Loma 7:12

Polelo Indaghilo izya Mozesi zelu, sona ilamulo lyosi lizelu, ligholosu, sona lyiza.

Aba Loma 8:15

Pakuti u Muzimu yuyo mukapokela ate wakuti abapele pakuba bazya pakunyila. Loli u Muzimu yula akubapela pakuba bana aba Chala, sona ukwendela mumaka ghache, aswe tukulila kwa Chala ukuti, “Tata, we Tata wane!”

Aba Loma 8:2

Pakuti indaghilo izya Muzimu Umuzelu zizyo zikutupa aswe ubumi ukwendela mwa Kilisitu u Yesu, zinyabuye ku ndaghilo izya mbibi na kubufwe bulo.

1 Aba Kolinti 15:58

Polelo bakamu bane baghaniwa mwimaye nkani, sona mutakayinganaye. Akabalilo kosi mwikolezannyanje nkani pakumubombela u Mwene pakuti muzimenye ukuti imbombo zizyo mukumubombela u Mwene zite izya bulo, awe.

2 Aba Kolinti 13:5

Mwipime mwebene nanti mukulusunga ulwitiko lwinyu. Mwilonge mwebene. Nkimba mutakuzyaghannya ukuti u Kilisitu u Yesu ali mumwinyu? Nanti zite bunubu, kokuti naloli mwapotwa!

Aba Galatiya 2:4

Ifundo iyi yikanda pachifukwa icha bakamu bamo abamyasi, babo bakaba palapala. Abene bakinjila mubusyefu mukabukatila kitu ukuti batendele ubusatuke, bubo tuli nabo mwa Kilisitu Yesu, pakuti bakalondagha ukuti tubanje bazya.

Aba Galatiya 5:1

U Kilisitu akatusatula ukuti tubanje babuke. Mwimaye nkani, po mutakanyamule sona ikoli ilya buzya.

Aba Galatiya 6:2

Munyamulilanaye ukatundu, sona pakubomba bunubu mukwiza pakukwanilisya indaghilo izya Kilisitu.

Aba Kolosi 1:23

Loli mubaghiye mwendelele pakwikalana nkani palwalo ulwa lwitiko lwinyu, ukusita ukuyingana mulusubilo lwinyu, lulo lukufuma ku Mazyu Amiza, ghagho mukivwa. Amazyu Amiza agha ghakalumbililiwa pakasi pabantu bosi aba muchisu ichapasi. Po u Chala weyuyo akampa ane ne Pabuli, imbombo iyakuti ingalumbilile.

1 Timoti 2:15

Loli umukolo akwiza pakupokiwa ukwendela pakupapa abana nanti akwendelela pakuba nu lwitiko nu lughano nu moyo umuzelu, sona nu wakwichindika.

1 Timoti 4:16

Wiyenelezye akiza wemwenecho nubumi bwako, sona ni chimanyisyo chako. Endelela pakubomba ivintu vinivi, pakuti pakubomba bunubu, u Chala akwiza pakukupoka, sona na bantu babo bakuteghelezya amazyu ghako.

Aba Hebeli 12:15

Mubanje maso ukuti atakabepo nayumo umuntu yuyo akwiza pakupotwa pakupokela ichisa icha Chala. Patakabepo nachimo ichimelwa ichakubaba, chicho chingamela pakasi papitu nukubapelela abantu abinji intamyo nukubaba kwache.

Yakobo 2:12

Po munenaye nukubomba pakuti muzimenye ukuti mukwiza ukulongiwa pakukonka Indaghilo zizyo zikutwabula.

1 Pitala 2:16

Amwe mwe basatuke, loli ubusatuke bwinyu butakabanje chintu chimo ichakukupikila ububibi, po mubanje ngati po mwe bazya aba Chala.

1 Yohani 2:24

Polelo mwendelele pakughasunga amazyu ghagho mukivwa ukwandila ko kubwandilo. Nanti mukughasunga amazyu ghagho mukivwa ukwandila ko kubwandilo, kokuti mukwiza pakwikala pakumamatilana poka nu Mwana nu Tata bulo.

Ubuvumbuli 14:13

Po nkivwa izyu kumwanya likuti, “Simba uti: Basayiwa abantu babo ukwandila pakabalilo aka bakufwila pambombo iya Mwene.” U Muzimu Umuzelu akuti, “Eee momumo! Bakwiza pakutuzya pambombo zyabo inkafu, pakuti imbombo zyabo inyiza zikubakonka.”

Ubuvumbuli 22:14

“Basayiwa abantu babo bakuchapa inkazo zyabo umwakuti babanje nu bulaghili ubwakulyela ivikomwa ivya mwikwi ilya bumi nukwinjila mukaya akakulu nkani ukwendela pamilyango.

1 Samuweli 12:14

Nanti mukumunyila u Mwene, nukumubombela nukumwivwila, ukusita ukukana amalamulo ghache, sona nanti amwe, poka nu mwene winyu yuyo akubalaghila mukumwivwila u Mwene u Chala winyu, chiza bulo.