Yakobo 1:2 - IBAYIBOLO 2024

² Mwee bakamu bane, musekelaye bo mukukomana ni njelo izyakulekanalekana,

Ulufingo Ulupya

² Mwee bakamu bane, musekelaye bo mukukomana ni njelo izyakulekanalekana,

Yakobo 1:2 Iomraidhean Croise

Imbombo 5:41

Bo abatumiwa bepapo pamaso pa balongi, bakahoboka pakuti u Chala akinong'ona ukuti babaghiye pakuyimba pachifukwa icha Yesu.

Aba Loma 5:3

Loli ukuchilapo pazinizi, zagha tusekelaye sona pachifukwa icha mayimba ghitu pakuti tuzimenye ukuti amayimba ghakumumanyisya umuntu pakuba mufisalyoyo,

Aba Filipi 1:29

Pakuti mupeghiwe ulusako ulwa kumubombela u Kilisitu, te kumusubila kwene, awe, loli nukuyimba bulo pachifukwa icha yuyo.

Aba Filipi 2:17

Loli napapo ibanda lyane likwiza pakukupuliwa pachakwiyipa chicho ulwitiko lwinyu lukupa kwa Chala. Polelo nkuhoboka nkani, sona nkusekela poka namwe.

Aba Filipi 2:18

Umwakuyana bulo, namwe mubaghiye pakuhoboka, sona musekelaye poka nane.

Aba Kolosi 1:24

Ilelo ane nemwene nahoboka nkani nukuyimba kwane pachifukwa icha mwemwe. Pakuti ukuvwimiwa kuchili kukwendelela ukuyana namumo u Kilisitu akavwimiliwa. Nane bulo nkusendapo ichigaba mukuvwimiwa kuko u Kilisitu akakomana nako pachifukwa icha mubili wache, chicho chipanga.

Aba Hebeli 10:34

Pakuti mukabapasikizyanga abantu babo bakaba mujele. Bo bafyula ivintu vyinyu, amwe mukitikizya nu buhobosu, pachifukwa ichakuti amwe mwebene mumenye ukuti muli navyo ivyizapo nkani vivyo vikwiza pakubangako bwila na bwila.

Yakobo 1:12

Musayiwa umuntu yuyo akujimba nkani munjelo, pakuti nanti ajimba, akwiza pakupokela impumpu iyabumi yiyo u Chala akabalayizya abantu bache babo bamughanite.

Yakobo 1:16

Mwee bakamu bane abaghaniwa mutakazimbuliwanje.

Yakobo 1:19

Mwee bakamu bane abaghaniwa, muchimanye ichi: Umuntu wesi ateghelezyanje tasi, loli atakachimbililaye pakunena, sona atakakalalaye mwalwe.

Yakobo 5:11

Abantu banaba tukubitizya ukuti bahobosu pachifukwa ichakuti bakajimba mumayimba. Kumbuka namumo u Yobu akajimbila mumayimba, sona namumo u Mwene akamwamulila pabumalilo. Pakuti u Mwene wachisa, sona walupazikizyo.

2 Pitala 2:9

Po u Mwene amenye namumo akubapokela munjelo abantu babo bakumunyila nukubafunda abantu babo batakumunyila mupaka pisiku lilyo u Chala akwiza pakubalonga abantu.

Ubuvumbuli 2:10

Utakanyilaye amayimba ghagho uli papipi pakukomana nagho. Naloli nkubabuzya ukuti u Satana akwiza pakubayela pakubasumbila bamo mumwinyu mujele, sona mukwiza pakuvwimiwa amasiku teni. Mwendelele pakuba basubiliwa mupaka kubufwe, po nkwiza pakubapa impumpu iyabumi.