Yakobo 1:19 - IBAYIBOLO 2024

¹⁹ Mwee bakamu bane abaghaniwa, muchimanye ichi: Umuntu wesi ateghelezyanje tasi, loli atakachimbililaye pakunena, sona atakakalalaye mwalwe.

Ulufingo Ulupya

¹⁹ Mwee bakamu bane abaghaniwa, muchimanye ichi: Umuntu wesi ateghelezyanje tasi, loli atakachimbililaye pakunena, sona atakakalalaye mwalwe.

Yakobo 1:19 Iomraidhean Croise

Nehemiya 8:18

Isiku ni siku, ukwanda pisiku ilyakwanda mupaka ilyabumalilo, u Ezila akabelengagha Ibuku ilya Ndaghilo izya Chala. Bakaba nu lusekelo amasiku seveni, po pisiku ilya eyiti bakaba nulukomano ukuyana nu lulaghilo lwache.

Nehemiya 9:17

Batakivwila sona bakaluvya ivyika vivyo ukabomba pakasi papabo. Bakaba na moyo amakafu nkani sona bakasambuka pakusala abalongozi ukuti banyokele kubukayidi mu Ijiputi. Loli awe we Chala, we waluhobokelo, we wachisa, sona we wachililizi, utakukalala lubilolubilo, sona we walughano nkani. Po utakabakana,

Nehemiya 9:3

Abantu bakimilila papo bakaba, po ama awala matatu bakateghelezyanga bo Ibuku ilya Ndaghilo izya Mwene likubelengiwa. Ama awala aghanji matatu abantu bala bakilatagha imbimbi zyabo nukumwiputa u Mwene u Chala wabo.

Yobu 32:16

Nkimba indindililaye pachifukwa ichakuti batakunenapo, chifukwa imiliye bulo myee palapala?

Ivyili 10:19

Nanti amazyu ghaba minji, imbibi zyope zikuba palapala, loli muntu uwamahala akuchefya ukunenanena.

Ivyili 13:3

Umuntu yuyo akwilema mukanenele kache akubusungilila ubumi bwache, loli yuyo akunenagha mwalwemwalwe, akwinanga mwene.

Ivyili 14:17

Umuntu yuyo akukalala mwalwemwalwe akubomba izya bupunganu, loli umuzimbuli abantu bakumubengagha.

Ivyili 14:29

Umuntu umufisalyoyo weyuyo akwivwisya ivintu, loli yuyo akukalala mwalwemwalwe akulanjizya pabuzelu ubupunganu bwache.

Ivyili 15:18

Umuntu uwakukalala mwalwemwalwe akunyamusyanga ivyongo, loli umufisalyoyo akupela umutende.

Ivyili 15:2

Amazyu agha muntu uwamahala ghakumupanga umuntu amahala, loli umulomo uwa mupunganu ghukunenagha zyo ntuko.

Ivyili 16:32

Chizapo pakuba mufisalyoyo nukuchila pakuba musilikali uwamaka, yuyo akukafyula akaya akakulu nkani nukuchila umusilikali yuyo akukafyula akaya akakulu nkani.

Ivyili 17:14

Ukunyamusya ivyongo kuli ngati ko kwighula amizi pachiziba, po chiza pakukanizya ivyongo bo vichili nukusata.

Ivyili 17:27

Umuntu uwamahala atakunena ivintu mwalwemwalwe, sona umuntu uwakwivwisya ivintu atakukalala mwalwemwalwe.

Ivyili 18:13

Umuntu yuyo akwamula bo ativuye, akulanjizya ubupunganu bwache, sona akukoziwa isoni.

Ivyili 18:21

Ululumi luli na maka pakubupoka ubumi, pamo pakubughogha, sona babo balughanite bakwiza pakulya ivikomwa vyache.

Ivyili 19:11

Amahala ghakumupela umuntu pakuba mufisalyoyo, ubuchindamu bwache bughonite pakusita kubikilapo umoyo pa zizyo umuntu amukalalizizye.

Ivyili 19:19

Umuntu umukali afundiwanje, nanti ukumupoka, kokuti ukwiza pakuchibomba sona.

Ivyili 21:23

Umuntu yuyo akulema pamulomo nukucheba pazizyo akunena, atakukomanaghapo nintamyo.

Ivyili 25:28

Umuntu yuyo atakwilema, ayanite bulo nakaya akakulu nkani kako abalwani bakamongolannya.

Ivyili 29:20

Nkimba ukumwennya umuntu yuyo akunena mwalwemwalwe? Umupunganu ali nu lusubilo ukumuchila umuntu yulayula.

Ukubelengiwa 22:27

Bo impunda yila yamwennya uwantumi uwa Mwene, yikaghona pasi, bo u Balamu ali pamwanya. U Balamu akakalala nkani nukuyisyempa impunda yila ni ndisa.

Matayi 5:22

Loli ilelo nkubabuzya ukuti umuntu wesi yuyo amukalaliye umukamu wache akwiza pakulongiwa. Sona umuntu wesi yuyo akumunena umukamu wache ukuti, ‘Ute ni mbombo,’ akwiza pakulongiwa na balongi. Sona umuntu wesi yuyo akumunena umukamu wache ukuti, ‘Wee mupunganu,’ wepe bulo akwiza pakusumbiwa pamoto uwamu Gehena.

Maliko 12:37

“U Devedi umwenecho akamwitizya ukuti Mwene, po u Kilisitu angaba bulibuli waluko ulwa Devedi?” Abantu abinji nkani bakamuteghelezyanga u Yesu umwakuhoboka nkani.

Maliko 2:2

Abantu abinji bakabungana poka mupaka ubuzilo bukamala posi na palubinjilo bulo. Bo u Yesu akulumbilila Amazyu kukwabo,

Luka 15:1

Isiku limo abasonkezya sonko na bambibi abinji bakiza pakuteghelezya kwa Yesu.

Luka 19:48

loli batakayaghagha izila iya kumughoghela pakuti abantu bosi bakendelela pakumuteghelezya, sona batakalondagha ukuti babwinde izyu nalimolimo.

Imbombo 1:15

Bo ghachilapo amasiku manandi kukaba ulukomano ulwa bitiki. Palapala pakabapo abantu pipipipi 120 bosi poka, po u Pitala akimilila nukuti,

Imbombo 10:33

Panapo na panapo nkakutumila amazyu, po chaba chiza nkani ukuti wiza. Polelo twebosi tuli pano pamaso pa Chala tukulindilila ukwivwa chosi chicho u Mwene akulinganizye pakunena.”

Imbombo 13:48

Bo abantu babo bate ba Yuda bivwa zinizi, bakahoboka nukughapala amazyu agha Mwene. Po abantu bosi babo u Chala akabasala ukuti bapokele ubumi ubwa bwila na bwila, bakasubila.

Imbombo 17:11

Mulamula abantu bakaba nu moyo uwakulonda pakumanyila ukuchila abantu aba mu Tesalonika. Bakapokela amazya agha Chala nu buhobosu, po isiku ni siku bakamanyila mu Masimbo ukuti basimikizye nanti zizyo u Pabuli akanenagha zikaba zyanaloli.

Imbombo 2:42

Bakabika umoyo wabo pa vimanyisyo vivyo abatumiwa bakamanyisyanga, bakaba mubupoka nukumenyannya ichibama pakumukumbuka u Mwene, sona bakaba poka munyiputo.

Aba Efeso 4:26

Nanti wakalala, utakawilaye mumbibi, sona utakakalalaye mupaka izuba lyinjile.

Aba Efeso 4:31

Mwefezye zila ulubengo mumwinyu nu bukali, sona nukukalala. Kutakabeko sona ivyongo pamo iyebo, sona nukwinong'onelana ivibibi.

Aba Kolosi 3:15

Umutende uwakufuma kwa Kilisitu ghubalongozye mumoyo ghinyu, ghugho u Chala akabitizizya ukuti mubanje nu mutende ghunughu, pakuti mwe vigaba ivya mubili ghoka. Mubanje mwe bantu bakupalizya.

Aba Kolosi 3:8

Loli ilelo mutakabombe sona ivintu ivi: Ubukali nukukalala nukwinong'onelana ivibibi, sona ni yebo. Ineno iya mwiko yitakabemo mumalomo ghinyu.

1 Aba Tesalonika 2:13

Chilipo sona ichifukwa ichinji chicho tukwendelela pakumupalizya u Chala. Bo mwapokela amazyu ghache ghagho mukivwa kukwitu, mutakaghitika ngati gho mazyu agha bantu, loli mukaghitika ukuyana namumo ghabeleye bulo, amazyu agha Chala. Amazyu ghanagha ghali pambombo mumwinyu amwe mwe mukusubila.

Yakobo 1:16

Mwee bakamu bane abaghaniwa mutakazimbuliwanje.

Yakobo 1:2

Mwee bakamu bane, musekelaye bo mukukomana ni njelo izyakulekanalekana,

Yakobo 1:26

Nanti umuntu akwipima ukuti akumwiputa u Chala, loli atakululema ululimi lwache, akwizimbula bulo, sona ukwiputa kwache kwabulo.

Yakobo 2:1

Mwee bakamu bane, pakuti mukusubila mwa Mwene witu u Yesu Kilisitu, yuyo we Mwene uwa buchindamu, mutakabombaye ivintu pakwennya icheni.

Yakobo 2:5

Mwee bakamu bane abaghaniwa, ivwa kuno! Nkimba u Chala atakabasala abantu abapina aba muchisu ichapasi ukuti babanje bakabi mulwitiko nukupyana ubumwene, bubo akabalayizya abantu babo bamughanite?

Yakobo 3:10

Amazyu aghamapalo na mazyu aghanguno ghosi ghakufuma pa mulomo ghoka ghulaghula. Mwee bakamu bane, ichi chitakabombiwanje!

Yakobo 4:11

Mwee bakamu bane, mutakayebanaye. Umuntu wesi yuyo akumunena uwamwabo ububibi pamo ukumususya, kokuti akuzinena ububibi nukuzisusya Indaghilo izya Chala. Nanti ukuzilonga Indaghilo izya Chala, kokuti utakuzikonka, loli waba we mulongi.

Yakobo 5:12

Bakamu bane, pamwanya pavyosi, mutakalapaye ichilapo. Mutakalapilaye na kumwanya, pamo na pachisu ichapasi, pamo ni chintu chosi. Nena bulo ukuti, “Eee” nanti we ee, sona “Awe” nanti we awe. Po mutakwiza pakwaghiwa ninongwa pamaso pa Chala.

Yakobo 5:19

Mwee bakamu bane, nanti umuntu yumo mumwinyu apaghukako kubwanaloli, po nanti yumo amunyosekezya kuko,

1 Yohani 2:21

Nkubasimbila, chite chifukwa ichakuti mutabumenye, ubwanaloli, awe, loli pachifukwa ichakuti mukubumanya, sona muzimenye ukuti ubumyasi butangaghiwa mubwanaloli.