Yakobo 1:18 - IBAYIBOLO 2024

¹⁸ Mubwighane bwache, akatupa ubumi ukwendela mu mazyu ghache aghanaloli, umwakuti tubanje nu buzilo ubwakwanda pakasi pa vipeliwa vyache vyosi.

Ulufingo Ulupya

¹⁸ Mubwighane bwache, akatupa ubumi ukwendela mu mazyu ghache aghanaloli, umwakuti tubanje nu buyo ubwakwanda pakasi pa vipeliwa vyache vyosi.

Yakobo 1:18 Iomraidhean Croise

Yelemiya 2:3

U Izilayeli akaba muzelu kwa Mwene, ivikomwa ivyakwanda ivya nyinulo yache, bosi babo bakalyako ivikomwa vinivi bakaba ninongwa, sona ububibi bukabawila. Ane ne Mwene nanena.’ ”

Aba Levi 23:10

“Ubabuzye aba Izilayeli uti, ‘Bo mukwinjila muchisu chicho nkubapa, sona mukwinula ivyakulya vyinyu, mumwizile umuputi ni nkose iyakwanda iya nyinulo yinyu.’ ”

Amosi 6:1

Chighune ku mwe mufwasite mu Ziyoni, mwe muli mumutende mwighamba ilya Samaliya! Chighune ku mwe baluko ulumanyikwe, kuko aba Izilayeli bakubukako ukuti bavwiliziwe!

Yohani 1:13

Pakwanduka bana aba Chala, batakapapiwa ukuyana namumo abana bakupapiliwa pachifukwa icha bwighane ubwa muntu, loli bakapapiliwa mwa Chala.

Aba Loma 4:17

Pakuti Amasimbo ghakuti, “Nakupela awe pakuba munyenya uwa inko inyinji.” U Abulahamu akapokela ilayizyo ili kwa Chala yuyo akamusubila—u Chala yuyo akuzyusya abafwe, sona nukuvipa ivintu ubumi vivyo vite nubumi.

1 Aba Kolinti 4:15

Napapo mungaba na bamanyisi 10,000 mubumi bwinyu ubwa Chikilisitu, loli mute na baghuso abinji. Pakuti pakumamatilana poka nu Kilisitu u Yesu nipela nemwene pakuba ne ghuso pakulumbilila Amazyu Amiza.

2 Aba Kolinti 6:7

na mazyu ghitu aghanaloli, sona na maka agha Chala. Twalanjizya ni vilwilo ivigholosu kunyobe indilo, sona na kumongo.

Aba Efeso 1:12

Ifundo yache yikaba yakuti aswe twe tukaba bakwanda pakuba nu lusubilo mwa Kilisitu, tubupale ubuchindamu bwache.

Aba Efeso 1:13

Namwe bulo mukaba bantu aba Chala, bo mwivwa amazyu aghanaloli, ghagho gho Mazyu Amiza aghabupoki bwinyu. Amwe mukasubila mwa Kilisitu, sona u Chala akabika ichidindo papinyu ukulanjizya ukuti mwe bantu abache na bache pakubapa u Muzimu Umuzelu, yuyo akabalayizya.

2 Timoti 2:15

Uyezye nkani pakuba wakwitikiziwa pamaso pa Chala, ngati we mubombi yuyo ate ni soni pambombo yache, sona yuyo akumanyisya akiza amazyu aghanaloli agha Chala.

Aba Hebeli 12:23

Mwiza kulusekelo lulo abana abakatote aba Chala, bakukomana, babo amatabwa ghagho ghasimbiwe kumwanya. Mwiza kwa Chala yuyo mulongi uwa bantu bosi, sona mwiza ku mizimu iya bantu abagholosu, yiyo u Chala akayipela pakuba yakufikapo.

Yakobo 1:15

Po vyope ivinyonywa nanti vyakula mumuntu yula vikupapa imbibi, sona nanti imbibi yilayila yakula yikupapa ubufwe.

Yakobo 1:21

Polelo leka ichizubizya chosi ichibibi, sona ni nkalo yosi imbibi mumwinyu. Mubanje bakwiyisya pakupokela amazyu ghagho u Chala akabyala mumoyo ghinyu. Amazyu ghanagha ghali na maka pakubapoka.

Yakobo 3:14

Loli nanti mumoyo ghinyu muli na kabini nu bukali, sona nukwiyighana, mutakitutumulaye pachifukwa icha mahala ghinyu. Pakubomba bunubu kokuti mukubusula ubwanaloli.

1 Pitala 1:23

Pakuti amwe mwapapiwa sona. Ukupapiwa ukwabubili kunuku kutakendela mu mbeyu yiyo yingananganika, babo bapapi aba muchisu ichapasi, awe. Loli mukapapiwa sona ukwendela mu mazyu amumi agha Chala, sona agha bwila na bwila.

1 Pitala 1:3

Zagha tumupalizye u Chala yuyo we Wise uwa Mwene witu u Yesu Kilisitu! Pachifukwa icha chisa chache akatupa aswe ubumi ubupya pakumuzyusya u Yesu Kilisitu kubufwe. Ichi chikutupa ulusubilo ulwenecho,

1 Yohani 3:9

Umuntu wesi yuyo mwana uwa Chala atakwendelela pakubomba imbibi, pakuti ubumi ubwa Chala buli mumwache, po atangendelela pakubomba imbibi pakuti u Chala we Wise.

Ubuvumbuli 14:4

Abantu banaba bo babo batakinyazyapo na bakolo. Abantu banaba bayanite bulo na balindu babo batabamenye nalumo abanavuli. Bakumukonka u Mwana uwa ng'ozi yula kosi kuko akubuka. Abantu banaba bakapokiwa pakasi pabantu bosi, sona bakaba bakwanda pakubikiwa kwa Chala na ku Mwana uwa ng'ozi.