Yakobo 1:16 - IBAYIBOLO 2024

¹⁶ Mwee bakamu bane abaghaniwa mutakazimbuliwanje.

Ulufingo Ulupya

¹⁶ Mwee bakamu bane abaghaniwa mutakazimbuliwanje.

Yakobo 1:16 Iomraidhean Croise

Matayi 22:29

U Yesu akabamula akati, “Mukupuvya nkani pakuti mutaghamenye Amasimbo pamo amaka agha Chala.

Maliko 12:24

U Yesu akabamula akati, “Mukupuvya nkani, pakuti mutaghamenye Amasimbo pamo amaka agha Chala.

Maliko 12:27

We Chala uwa bantu abumi, ate uwa bantu abafwe. Mukupuvya nkani!”

Imbombo 1:15

Bo ghachilapo amasiku manandi kukaba ulukomano ulwa bitiki. Palapala pakabapo abantu pipipipi 120 bosi poka, po u Pitala akimilila nukuti,

1 Aba Kolinti 6:9

Naloli muzimenye ukuti abantu ababibi batakwiza pakupyana Ubumwene ubwa Chala. Mutakizimbulaye mwebene pakuti abamalaya, pamo abantu babo bakwiputa ivifwani, pamo abalowe, pamo abanavuli na bakolo babo bakughonana benebene,

Aba Galatiya 6:7

Mutakizimbulaye mwebene! U Chala atangangaziwa. Umuntu akwiza pakwinula chicho akupesa.

Aba Filipi 2:12

Polelo baghaniwa bane, munyivwilaye nilelo bulo ukuyana namumo mwanyivwilagha bwila. Mutakanyivwile pene papo indi poka namwe. Po mwendelele pakufisya ubupoki bwinyu nubogha, sona nukutetema.

Aba Filipi 4:1

Polelo bakamu bane, imbaghanite, sona nkubasamba nkani. Amwe mwe buhobosu bwane, sona ni mpumpu yane yiyo nkwituvikizyamo. Po baghaniwa bane, mwimaye nkani mwa Mwene.

Aba Kolosi 2:4

Nkunena bunubu, umwakuti patakabepo nayumo umuntu uwakubadeba na mazyu aghabuzimbuli.

Aba Kolosi 2:8

Muchebaye ukuti patakabepo nayumo umuntu uwakubapela pakuba bazya na mazyu aghamahala aghabuzimbuli, ghagho ghakufuma kunyiho izya bantu aba muchisu ichapasi, sona ni nyinong'ono zyabo, loli zitakufuma kwa Kilisitu, awe.

2 Timoti 2:18

babo bakasobela nukuleka ubwanaloli. Abene bavulungannyanga ulwitiko ulwa bantu bamo pakunena ukuti ukuzyuka ukwa bantu abafwe kwabombiwa kale.

Aba Hebeli 13:1

Endelela pakughanana pakuti mwe bakamu.

Yakobo 1:19

Mwee bakamu bane abaghaniwa, muchimanye ichi: Umuntu wesi ateghelezyanje tasi, loli atakachimbililaye pakunena, sona atakakalalaye mwalwe.

Yakobo 1:2

Mwee bakamu bane, musekelaye bo mukukomana ni njelo izyakulekanalekana,

Yakobo 2:1

Mwee bakamu bane, pakuti mukusubila mwa Mwene witu u Yesu Kilisitu, yuyo we Mwene uwa buchindamu, mutakabombaye ivintu pakwennya icheni.

Yakobo 2:14

Mwee bakamu bane, nkimba bwiza boni bubo bulipo ukuti umuntu anene ukuti ali nu lwitiko, loli imbombo zyache zitakusimikizya ulwitiko lwache? Nkimba ulwitiko lulalula lungamupoka?

Yakobo 2:5

Mwee bakamu bane abaghaniwa, ivwa kuno! Nkimba u Chala atakabasala abantu abapina aba muchisu ichapasi ukuti babanje bakabi mulwitiko nukupyana ubumwene, bubo akabalayizya abantu babo bamughanite?

Yakobo 3:1

Mwee bakamu bane, mwebosi mutakabanje bamanyisi, pakuti muzimenye ukuti aswe twe bamanyisi twe tukwiza pakulongiwapo ukuchila abantu abanji.

Yakobo 3:10

Amazyu aghamapalo na mazyu aghanguno ghosi ghakufuma pa mulomo ghoka ghulaghula. Mwee bakamu bane, ichi chitakabombiwanje!

Yakobo 4:11

Mwee bakamu bane, mutakayebanaye. Umuntu wesi yuyo akumunena uwamwabo ububibi pamo ukumususya, kokuti akuzinena ububibi nukuzisusya Indaghilo izya Chala. Nanti ukuzilonga Indaghilo izya Chala, kokuti utakuzikonka, loli waba we mulongi.

Yakobo 5:12

Bakamu bane, pamwanya pavyosi, mutakalapaye ichilapo. Mutakalapilaye na kumwanya, pamo na pachisu ichapasi, pamo ni chintu chosi. Nena bulo ukuti, “Eee” nanti we ee, sona “Awe” nanti we awe. Po mutakwiza pakwaghiwa ninongwa pamaso pa Chala.

Yakobo 5:19

Mwee bakamu bane, nanti umuntu yumo mumwinyu apaghukako kubwanaloli, po nanti yumo amunyosekezya kuko,