Yakobo 1:12 - IBAYIBOLO 2024

¹² Musayiwa umuntu yuyo akujimba nkani munjelo, pakuti nanti ajimba, akwiza pakupokela impumpu iyabumi yiyo u Chala akabalayizya abantu bache babo bamughanite.

Ulufingo Ulupya

¹² Musayiwa umuntu yuyo akujimba nkani munjelo, pakuti nanti ajimba, akwiza pakupokela impumpu iyabumi yiyo u Chala akabalayizya abantu bache babo bamughanite.

Yakobo 1:12 Iomraidhean Croise

Ubwandilo 22:1

Bo pachilapo akabalilo, u Chala akamuyela u Abulahamu. Akamwitizya akati, “Wee Abulahamu!” U Abulahamu akamula akati, “Indi pano.”

Nehemiya 1:5

Po nkati, “Wee Mwene Chala uwakumwanya, we Chala umukulu nu wakoghofya, sona we ukusunga ulufingo. Ukubaghana abantu babo bakukughana nukughakonka amalamulo ghako.

Yobu 2:10

U Yobu akamwamula akati, “Utakanenaye ngati po we mukolo umupunganu. Nanti u Chala akutupa ivintu ivyiza, tukuvipokela. Nkimba choni chicho tukwilumbusya nanti akutuwisizya intamyo?” Napapo zikaba bunubu, u Yobu atakanenapo amazyu amabibi.

Yobu 5:17

“We musayiwa nanti u Chala akukuchemela, po utakaghasulaye amafundwe agha Wamaka Ghosi.”

Masalimo 11:5

U Mwene akubapima abagholosu, loli ababengite abantu ababibi, na babo bavighanite ivyongo.

Masalimo 119:67

Bo inchili pakuyimba, nkasobela, loli ilelo nkulivwila izyu lyako.

Masalimo 119:71

Chikaba chiza nkani ukuti nkayimba, pakuti nkamanyililapo amalamulo ghako.

Masalimo 119:75

Wee Mwene, inzimenye akiza nkani, ukuti amalamulo ghako magholosu. Sona wanfunda nkani pakuti we musubiliwa.

Masalimo 5:11

Loli bosi babo bakuvwama mumwako bahobokaye, sona bimbaye bwila na bwila pachifukwa icha buhobosu. Ubavighililaye umwakuti abantu bosi babo bakughanite, bahobokaye mwitabwa lyako.

Masalimo 94:12

Wee Mwene musayiwa umuntu yuyo ukumumanyisya inkalo, umuntu yuyo ukumumanyisya ukufuma mu ndaghilo zyako,

Ukufuma 20:6

“Loli imbaghanite abantu amasabuzani agha nkulilo izya bantu babo banganite nukughakonka amalamulo ghane.

Ivyili 17:3

Umoto gho ghugho ghukusunguluzya usiliva nu golide, loli u Mwene weyuyo akughupima umoyo uwa muntu.

Yesaya 64:4

Ukwanda bulo kale, patalipo umuntu nayumo yuyo ivuyepo, pamo ukwivwisya nikutu, sona litalipo ilyiso nalimo, lilyo limwenizyepo u Chala ukwefyako amwe, yuyo akubomba mubuzilo ubwa babo bakumulindilila.

Zekaliya 13:9

Ichigaba ichabutatu nkwiza pakuchisumbila mumoto. Nkwiza pakubaswefya ngati we siliva, sona nukubayela ngati we golide. Bakwiza pakulyiputa itabwa lyane, nkwiza pakubamula po nkwiza pakunena ukuti, ‘Bantu bane.’ Abene bakwiza pakwamula ukuti, ‘U Mwene we Chala witu.’ ”

Matayi 10:22

Abantu bosi bakwiza pakubabenga pachifukwa ichakuti mwe bakonki bane. Loli umuntu wesi yuyo ajimba mupaka pabumalilo akwiza pakupokiwa.

Matayi 25:34

Po u Mwene akwiza pakubabuzya abantu aba kunyobe indilo ukuti, ‘Zagha kuno, mwe basayiwa nu Tata wane! Zagha mupokele ubumwene bubo buyaniziwe pakuba bwinyu ukwandila pakabalilo kako akapelelagha ichisu ichapasi.

Luka 6:22

“Mwe basayiwa nanti abantu bakubabenga, bakubakana, bakubatuka nukubanena ukuti mwe babibi pachifukwa icha nene u Mwana uwa Muntu!

Aba Loma 5:4

ubufisalyoyo bukumumanyisya umuntu pakuba ni nkalo inyiza, sona inkalo inyiza yikumumanyisya umuntu pakuba nu lusubilo.

Aba Loma 8:28

Tuzimenye ukuti ivintu vyosi vikubendela akiza abantu babo bamughanite u Chala, babo bitiziwa ukuyana nu bwighane bwache.

1 Aba Kolinti 2:9

Loli ukuyana na Masimbo aghakuti, “Chicho ilyiso litachenizyepo, pamo chicho ni kutu litachivuyepo pamo chicho umoyo uwa muntu ghutakachinong'onagha, ichintu chilachila, cho chicho u Chala akabayanizizya abantu babo bamughanite.”

1 Aba Kolinti 8:3

Loli umuntu yuyo amughanite u Chala, amanyikitwe nu Chala.

1 Aba Kolinti 9:25

Umuntu wesi yuyo ali panyangalo iyakuchimbila, akwikanizya muvintu vyosi, umwakuti apokele inkata iya maluba yiyo yikufoka, loli aswe tukulonda pakupokela inkata yiyo yitakufokapo nalumo.

Ukukumbusya Amalamulo 13:3

amwe mutakabateghelezyanje. U Mwene u Chala winyu akubayela ukuti ennye nanti naloli mumughanite nu moyo winyu ghosi, sona nu muzimu winyu ghosi.

Ukukumbusya Amalamulo 7:9

Polelo mumanye ukuti u Mwene u Chala winyu we Chala, sona we musubiliwa umwakuti akwiza pakulusunga ulufingo ulwakulanjizya ulughano lwache pa nkulilo amasabuzani izya bantu babo bamughanite nukukonka amalamulo ghache.

Ukukumbusya Amalamulo 8:2

Mukumbukaye namumo u Mwene u Chala winyu akabalongolela munkolongo amaka 40 pakubawisizya amayimba ukuti abayelaye umwakuti aghamanye amoyo ghinyu nanti mungaghakonka amalamulo ghache.

2 Timoti 2:15

Uyezye nkani pakuba wakwitikiziwa pamaso pa Chala, ngati we mubombi yuyo ate ni soni pambombo yache, sona yuyo akumanyisya akiza amazyu aghanaloli agha Chala.

2 Timoti 4:8

Ilelo chicho nkulindilila yo mpumpu iya bugholosu yiyo u Mwene, umulongi umugholosu, akwiza pakumpa pisiku ilyabumalilo. Polelo ate akampe nemwene awe, loli na bantu bosi abanji babo bakusamba nkani ukuboneka kwache.

Aba Hebeli 10:32

Loli mukumbukaye amasiku aghakale ghala, bo mwapokela bulo ulukozyo. Mukumbuke amayimba aminji ghagho mukakomana nagho, loli amayimba ghalaghala ghatakabapota.

Aba Hebeli 11:17

Lukaba lwitiko lulo lukamupela u Abulahamu pakumubika u Yisaki ukuti chibanje chakwiyipa, bo u Chala akumuyela. U Abulahamu akaba muntu yuyo u Chala akamulayizya, loli akiyannya pakumubika umwana uwache nu wache ukuti chibanje chakwiyipa.

Aba Hebeli 12:5

Nkimba mwaghaluvya amazyu aghakubakazya, ghagho u Chala akubabuzya mwe bana bache? U Chala akuti, “Wee mwana wane utakapepulaye amafundwe agha Mwene, sona utakavwitukaye, bo akukuchemela.

Aba Hebeli 6:15

U Abulahamu alindilila mubufisalyoyo, pisinda pache akanda pakapokela zizyo u Chala akamulayizya.

Yakobo 2:5

Mwee bakamu bane abaghaniwa, ivwa kuno! Nkimba u Chala atakabasala abantu abapina aba muchisu ichapasi ukuti babanje bakabi mulwitiko nukupyana ubumwene, bubo akabalayizya abantu babo bamughanite?

Yakobo 5:11

Abantu banaba tukubitizya ukuti bahobosu pachifukwa ichakuti bakajimba mumayimba. Kumbuka namumo u Yobu akajimbila mumayimba, sona namumo u Mwene akamwamulila pabumalilo. Pakuti u Mwene wachisa, sona walupazikizyo.

1 Pitala 3:14

Loli napapo mungayimba pachifukwa ichakubomba chicho chigholosu, mwe basayiwa nkani. Mutakamunyilaye nayumo umuntu, sona mutakapasyanje.

1 Pitala 4:13

Loli musekelaye pachifukwa ichakuti mukugabana poka nu Kilisitu mumayimba ghache, umwakuti muhobokaye nkani, bo ubuchindamu bwache bwavumbuliwa.

1 Pitala 4:14

Mwe basayiwa nanti abantu bakubasamula pachifukwa ichakuti mwe bakonki aba Kilisitu. Ichi chikung'anamula ukuti u Muzimu uwa buchindamu, yuyo we Muzimu uwa Chala ali papinyu.

1 Pitala 5:10

Loli bo mwayimbapo panandi, u Chala uwachisa, yuyo akubitizya pakugabana ubuchindamu ubwa bwila na bwila poka nu Kilisitu, akwiza pakubapyanizikizya papo, nukubavwa nukubakazya, sona nukubikazya palwalo ulukafu.

1 Pitala 5:4

Sona bo Umudimi usongo aboneka, mukwiza pakupokela impumpu iya buchindamu, yiyo yitakuchujapo nalumo.

1 Yohani 4:19

Aswe tumughanite u Chala, pakuti weyuyo akanda pakutughana aswe.

Ubuvumbuli 2:10

Utakanyilaye amayimba ghagho uli papipi pakukomana nagho. Naloli nkubabuzya ukuti u Satana akwiza pakubayela pakubasumbila bamo mumwinyu mujele, sona mukwiza pakuvwimiwa amasiku teni. Mwendelele pakuba basubiliwa mupaka kubufwe, po nkwiza pakubapa impumpu iyabumi.

Ubuvumbuli 3:19

Nkumuchemela nukumufunda umuntu wesi yuyo imughanite. Polelo lamusya, upinduke nukuzileka imbibi zyako.

Ubuvumbuli 3:21

Umuntu yuyo akupota, nkwiza pakumwitikizya ukwikala nane pachitengo icha bumwene, ukuyana namumo nane nkapotela nukwikala nu Tata pachitengo chache icha ubumwene.