Yakobo 1:1 - IBAYIBOLO 2024

¹ Ane ne Yakobo umubombi uwa Chala, sona nu mubombi uwa Mwene u Yesu Kilisitu. Nkubalamuka abantu bosi aba Chala babo banyampanite muchisu chosi ichapasi.

Ulufingo Ulupya

¹ Ane ne Yakobo umubombi uwa Chala, sona nu mubombi uwa Mwene u Yesu Kilisitu. Nkubalamuka abantu bosi aba Chala babo banyampanite muchisu chosi ichapasi.

Yakobo 1:1 Iomraidhean Croise

1 Abamwene 18:31

U Eliya akasenda amabwe 12 ukuyana nuluko, ghagho ghali namatabwa agha bana aba Yakobo, yuyo u Mwene akamubuzya ukuti, “Itabwa lyako likwiza pakuba we Izilayeli.”

Ezila 6:17

Palusekelo lulalula abantu bakabikagha inkambaku 100 na badubi 200 nu twadubi 400 sona na basabwe 12 pakuba chakwiyipa ichakupepesezya imbibi izya inko 12 izya ba Izilayeli.

Esitele 3:8

Po u Hamani akamubuzya u mwene u Ahaziwelo akati, “Pali uluko lumo ulwa bantu lulo lunyampanite bulo pakasi pabantu muvigaba vyako vyosi, lulo inyiho zyabo zilekanite ni nyiho izya bantu abanji bosi, sona lulo lutakukonka indaghilo zyako. Inzimenye akiza nkani ukuti wemwene utangabaleka bulo.

Ukufuma 24:4

U Mozesi akasimba amazyu ghosi ghagho u Mwene akanena. Pandabindabi nkani akazenga ichighemo muntende mwighamba nukusimika impanda izya mabwe 12 pakwimilila inko 12 izya ba Izilayeli.

Ukufuma 28:21

Utumabwe tunutu tubanjepo 12 ukuyana na matabwa agha bana aba Yakobo. Pibwe lyoka ubizepo itabwa lyoka ilya luko ulwa Izilayeli.

Ukufuma 39:14

Utumabwe tunutu tukabapo 12 ukuyana na matabwa agha bana aba Yakobo. Pibwe lyoka bakabizapo itabwa lyoka ilya luko ulwa Izilayeli.

Ezekiyeli 12:15

“Bakwiza pakumanya ukuti ane ne Mwene, bo nkubalesannya pakasi pa inko nukubanyampannya muvyisu vyosi.

Aba Levi 26:33

Nkwiza pakubanyampanizizya pakasi pabantu aba inko injeni nukubanangannya nupanga wane. Ichisu chinyu chikwiza pakuba nkolongo, sona utwaya twinyu utukulu nkani tukwiza pakuba visami.”

Matayi 10:3

nu Filipu nu Batolomeyo nu Tomasi nu Matayi umusonkezya sonko nu Yakobo umwana uwa Alufeyo nu Tadayi,

Matayi 13:55

Nkimba yunuyu ate mwana uwa mupalamatabwa? Nkimba unyina ate we Maliya? Nkimba ate we wamwabo uwa Yakobo, u Yosefu, u Simoni nu Yudasi?

Matayi 19:28

U Yesu akababuzya akati, “Naloli nkubabuzya ukuti bo u Mwana uwa Muntu ikaye pachitengo chache icha buchindamu pakabalilo kako ivintu vyosi vikwiza pakuba vyinyu, sona amwe mukwiza pakwikala pa vitengo 12 ivya bumwene pakulonga inko 12 izya ba Izilayeli.

Maliko 3:18

nu Andeleya nu Filipu nu Batolomeyo nu Matayi nu Tomasi nu Yakobo umwana uwa Alufeyo nu Tadayi nu Simoni uwa akabukatila, kako kakalondagha ukuti mu Izilayeli mubanje ubusatuke,

Luka 22:30

Mukwiza pakulya nukung'wela poka nane mu Bumwene bwane, sona amwe mukwiza pakwikala pa vitengo ivya bumwene pakulonga inko 12 izya ba Izilayeli.

Luka 6:15

nu Matayi nu Tomasi nu Yakobo umwana uwa Alufeyo nu Simoni uwa akabukatila, kako kakalondagha ukuti mu Izilayeli mubanje ubwabuke,

Yohani 12:26

Umuntu wesi yuyo akulonda pakumbombela, ankonkaye, umwakuti kuko indiko, ko kuko nu mubombi wane bulo abanjeko. U Tata wane akwiza pakumuchindika umuntu wesi yuyo akumbombela.

Yohani 7:35

Abalaghili aba Chiyuda bakalalusannya benebene bakati, “Nkimba umuntu yunuyu akulonda pakubuka kwiyi kuko tutangamwagha? Nkimba akulonda pakubuka muvyisu ivya ba Giliki kuko abantu bitu bakwikala nukubamanyisya aba Giliki?

Imbombo 1:13

Bo binjila mukaya akakulu nkani kala bakakwela muchipinda icha pamwanya mumo bakikalagha. Mulamula mukaba u Pitala nu Yohani nu Yakobo nu Andeleya nu Filipu nu Tomasi nu Batolomeyo nu Matayi nu Yakobo umwana uwa Alufeyo nu Simoni (yuyo akaba uwa kabukatila, kako kakalondagha ukuti mu Izilayeli mubanje ubwabuke), sona nu Yudasi umwana uwa Yakobo.

Imbombo 12:17

Akapumizya ichongo ni nyobe nukwanda pakubalingannya mumo u Mwene amwefezizye mujele. Akanena sona akati, “Mumubuzye zinizi u Yakobo, sona na bitiki bosi.” Po akanyamuka nukubuka kubuzilo ubunji.

Imbombo 15:13

Bo bamala pakunena, u Yakobo akati, “Mwee bakamu bane, munteghelezye!

Imbombo 15:21

Pakuti Indaghilo izya Mozesi zyabelengiwa akabalilo akatali munyumba izyakwiputilamo Isiku ni siku Ilyakutuzya, sona amazyu ghache ghope ghalumbililiwe muvyisu vyosi.”

Imbombo 15:23

nukubatuma nu kalata uyu: “Aswe, twe batumiwa poka na basongo aba chipanga, abakamu binyu, tukubalamuka amwe mwe bakamu bitu, bantu babo bate ba Yuda mwebosi, babo bakwikala mu Antiyokiya, Siliya na mu Kilikiya.

Imbombo 2:5

Palapala pakabapo aba Yuda babo bakikalagha mu Yelusalemu, abantu abakumwiputa u Chala, babo bakafuma muvyisu vyosi ivyapasi.

Imbombo 21:18

Indabi yache u Pabuli akabuka naswe pakumwennya u Yakobo, po abasongo bosi aba chipanga bakabako.

Imbombo 23:26

Ane ne Kalabudiyasi Lisiyasi, nkukulamuka awe muchindikiwa Felikisi umulaghili uwa chisu.

Imbombo 26:7

Ichintu choka chicho inko izya bantu bitu 12 zikulindilila pakupokela, bo bakumuchindika u Chala nu moyo wabo ghosi umusanya nu busiku. Mwene, pachifukwa chinichi, nkulongiwa naba Yuda!

Imbombo 8:1

Po u Sabuli akaba palapala pakusimikizya nizya kughoghiwa ukwa Sitefani. Isiku lilalila ichipanga mu Yelusalemu chikanda pakuvwimiwa nkani. Abitiki bosi ukwefyako abatumiwa, bakanyampana muvigaba vyosi ivya Yudeya nu Samaliya.

Aba Loma 1:1

Ane ne Pabuli, umubombi uwa Kilisitu u Yesu, nene nitiziwa nu Chala pakuba mutumiwa, sona nukupaghuliwa pakulumbilila Amazyu Amiza.

Aba Galatiya 1:19

Intakamwennyapo umutumiwa uyunji, loli mwene u Yakobo, yuyo mukamu uwa Mwene.

Aba Galatiya 2:12

Pakuti bo abantu bamo babo bakatumiwa nu Yakobo batafikite, umwene akalyanga poka na bantu babo bate ba Yuda. Loli bo abantu bala bafika, akaleghukako, sona atakalyanga poka na bantu babo bate ba Yuda pakuti akanyilagha akabukatila aka bantu babo bakasilimuliwa.

Aba Galatiya 2:9

U Yakobo nu Pitala, sona nu Yohani bakaba ngati zyo mpanda. Abene bakazyaghannya ukuti akaba we Chala yuyo akampa ane imbombo yiniyi. Po bakasyopolana nane nu Balanabasi ukulanjizya ukuti tuli poka. Tukivwana ukuti aswe tubuke pakasi pabantu babo bate ba Yuda, sona nukuti abene babuke kuba Yuda.

Ukukumbusya Amalamulo 28:64

Pisinda pache u Mwene akwiza pakubanyampanikizya pakasi pa inko zyosi, ukwandila ko kumpaka iya chisu ichapasi mupaka iyinji. Kulakula mukwiza pakubiputa abachala abanji, babo bapangiwe na makwi, sona na mabwe, abachala babo amwe pamo abanyenya binyu mutabamenyepo nalumo.

Ukukumbusya Amalamulo 30:3

u Mwene u Chala winyu akwiza pakubanyosya nukubapepela ichisa. Akwiza pakubabungannya mwebosi muvyisu vyosi vivyo akabanyampanikizizyako.

Ukukumbusya Amalamulo 32:26

Nkati, ‘Nalondagha nkani nanti nabanangannyanga, sona nanti naghazimyanga amatabwa ghabo muchisu ichapasi, umwakuti atakabepo nayumoyumo umuntu uwakubakumbuka sona.’

Ukukumbusya Amalamulo 4:27

U Mwene akwiza pakubanyampanikizya pakasi pabantu aba inko izinji, sona abantu banandi bulo pakasi papinyu, bo babo bakwiza pakupona.

Aba Filipi 1:1

Ane ne Pabuli poka nu Timoti, aswe twe babombi aba Kilisitu u Yesu. Ukubasimbila abantu bosi abazelu aba Chala aba mu Filipi, babo ubumi bwabo bwamamatilana poka nu Kilisitu Yesu, nkaninkani abalongozi aba chipanga, sona na bavwilizi babo.

2 Timoti 4:21

Uyezyeyezye ukuti wize kuno, bo na kabalilo aka chisiku katafikite. U Yubulo nu Pudeni nu Lino nu Kalabudiya, sona na bitiki abanji bosi kuno, bakukulamuka.

Titi 1:1

Ane ne Pabuli, umubombi uwa Chala, sona nu mutumiwa uwa Yesu Kilisitu. Ane nkasaliwa ukuti imbavwe abantu babo bakasaliwa nu Chala ukuti basubile nukubalongolela ukuti babumanye ubwanaloli, sona nukuti babanje nubumi ubwakumwiputa,

1 Pitala 1:1

Ane ne Pitala, umutumiwa uwa Yesu Kilisitu. Nkubasimbila abantu abasaliwa aba Chala babo banyampaniye muchigaba icha Ponti, nicha Galatiya, nicha Kapadokiya, nicha Asiya, sona nicha Bitiniya.

2 Pitala 1:1

Ane ne Simoni Pitala, umubombi, sona nu mutumiwa uwa Yesu Kilisitu. Nkubasimbila ukalata uyu abantu babo bapokelite ulwitiko lulo tukapokela ukwendela mubugholosu ubwa Chala witu, sona nu Mupoki u Yesu Kilisitu.

Yuda 1:1

Ane ne Yuda umubombi uwa Yesu Kilisitu, sona nu mukamu uwa Yakobo. Nkubasimbila abantu babo bitiziwa nu Chala, babo baghaniwe nu Chala u Tata nukusungililiwa nu Yesu Kilisitu.

Ubuvumbuli 7:4

Po nkabuziwa ukuti ubwinji ubwa bantu babo badindiwa pa vyeni vyabo bukaba 144,000. Abantu bosi banaba bakaba inko 12 izya ba Izilayeli.