Umulumbilili 7:5 - IBAYIBOLO 2024

⁵ Chizapo nkani pakwivwila nanti umuntu uwamahala akukuchemela, ukuchila pakuteghelezya inyimbo izya bapunganu.

Umulumbilili 7:5 Iomraidhean Croise

Masalimo 141:5

Umuntu umugholosu angankoma pamo ukunchemela, pachifukwa ichakuti akumpelela ichisa. Anganchemela pachifukwa ichakuti chili ngati mafuta kumutu wane sona ulwiputo lwane ulwakususannya ni mbombo izya bantu ababibi.

Masalimo 69:12

Abantu babo bikaye pamulyango uwa lupaso bakunjeba. Sona abaching'wela bope bakunyimba munyimbo zyabo.

Ivyili 13:13

Umuntu yuyo akuzisulannya zizyo abanji bakumubuzya, akwiza pakunangika, loli yuyo akughivwila amalamulo, akupokela umuvwalo.

Ivyili 13:18

Umuntu yuyo akughasulannya amafundwe akuba mupina sona mukozya isoni, loli yuyo akwivwila zizyo abanji bakumubuzya, akuchindikiwanga.

Ivyili 17:10

Umuntu uwamahala akwivwa lyoka nanti akuchemeliwa, ukuchila indisa 100 zizyo bakumukoma nazyo umupunganu.

Ivyili 25:12

Ngati impete iya golide pamo ivyakwibonesekezya akiza ivya golide umwenecho, momumo ghabeleye amafundwe agha muntu uwamahala ku muntu yuyo akughateghelezya.

Ivyili 27:6

Chiza pakuvulaziwa nu mumanyani wako, nukuchila pakufyofyontiwa nu mulwani wako.

Ivyili 6:23

Pakuti amalamulo ghanagha ghali ngati yo nyale, sona ichimanyisyo ichi chili ngati lo lukozyo. Amafundwe ghanagha ghali ngati yo zila iya bumi.

Ivyili 9:8

Utakamuchemelaye umuntu uwalobezyo, lumo angakubenga, loli umuchemelaye umuntu uwamahala, po akwiza pakukughana.

Umulumbilili 12:11

Amazyu agha muntu uwamahala ghali ngati ndisa iya mudimi, sona vyope ivyili vyache vivyo bavibunganizye poka vili ngati mizumali imikomele nkani.

Umulumbilili 7:4

Umoyo uwa muntu uwamahala ghukwinong'onagha nizya bufwe, loli umoyo uwa mupunganu ghukwinong'onagha nizya kwilagha.

Umulumbilili 9:17

Amazyu agha muntu uwamahala ghagho akughanena mubololo, mizapo ukuchila ukukolomoka ukwa mulongozi pamaso pa bapunganu.

Ubuvumbuli 3:19

Nkumuchemela nukumufunda umuntu wesi yuyo imughanite. Polelo lamusya, upinduke nukuzileka imbibi zyako.