Umulumbilili 7:1 - IBAYIBOLO 2024

¹ Inkalo inyiza nyizapo nkani ukuchila amafuta aghakununkila, sona isiku ilyakufwila lyizapo nkani ukuchila isiku ilyakupapiwa.

Umulumbilili 7:1 Iomraidhean Croise

Yobu 3:17

Kulakula ababibi batakupela nalumo intamyo, sona bope abalite bali pakutuzya.

Masalimo 133:2

Chili ngati mafuta aghamutengo aghakupakazya, ghagho apungulila pamutu uwa Aloni, ghakwenda ukufika kundevu mupaka kunkazo yache.

Ivyili 15:30

Icheni ichakusangaluka chikughuhobosya umoyo uwa muntu, sona akanenele akiza kakughupozya umubili.

Ivyili 22:1

Inkalo inyiza yibuchilite ubukabi ubwinji, chizapo pakuba nu muchizi, ukuchila pakuba nu siliva nu golide.

Ivyili 25:10

Lumo umuntu yuyo akuzyivwa angakukozya isoni, po itabwa lyako likwiza pakunangika.

Ivyili 27:9

Amafuta nu twakununkila tukughuhobosya umoyo, loli ubwiza ubwa mumanyani bughonite pazizyo akukubuzya.

Umulumbilili 10:1

Imbwele imfwe zikughapela amafuta aghakununkila pakuba nu munusi umubibi, umwakuyana bulo ubupunganu ubunandi bulo bungaghanangannya amahala nu muchizi.

Umulumbilili 4:2

Nkadumula ukuti abantu abafwe, babo bafuye kale, bakuhoboka ukubachila abantu babo bachili bumi,

Umulumbilili 7:8

Ubumalilo ubwa chintu chimo bwizapo ukuchila ubwandilo bwache, ubufisalyoyo bwizapo ukuchila amituvyo.

Inyimbo izya Solomoni 1:3

Umunusi uwa mafuta ghako ghukunhobosya nkani, lyope itabwa lyako liyanite na mafuta ghagho ghakupukite. Cho chifukwa abalindu bakughanite nkani.

Inyimbo izya Solomoni 4:10

Wee mughaniwa wane, sona wee muchi wane, ulughano lwako lukunhobosya nkani. Lukunhobosya nkani ukuchila uvinyo, sona umunusi uwa mafuta ghako ghuvichilite utwakunonezya ivyakulya.

Yesaya 56:5

nkwiza pakubapa itabwa ni mbili inyiza, pakasi pabana abalumendo na balindu, munyumba yane nivibumba vyache. Nkwiza pakubapa itabwa ilya bwila na bwila, lilyo litakwiza pakudumuliwa nalumolumo.

Yona 4:3

Wee Mwene, nalamba ungoghe bulo, pakuti chizapo ukuti infwe nukuchila ukuti imbanje ne mumi.”

Luka 10:20

Loli mutakahobokaye pachifukwa ichakuti imizimu imibibi yikabivwila, loli muhobokaye nkani ukuti amatabwa ghinyu ghasimbiwe kumwanya.”

Yohani 13:2

U Yesu na bamanyili bache bakalyanga ichakulya icha pachamabwila. Po u Satana akabikamo kale mumoyo uwa Yudasi umwana uwa Simoni Sikaliyoti inyinong'ono izya kumubikila u Yesu munyobe izya balwani.

2 Aba Kolinti 5:1

Pakuti tuzimenye ukuti nanti ichisakasa chicho tukwikalamo pachisu ichapasi, chapankuliwa, tukwiza pakuba ni nyumba kumwanya yiyo u Chala atuyanizizye. Inyumba iyi yitakazengiwa ni nyobe izya bantu, sona yikwiza pakubangako bwila na bwila.

2 Aba Kolinti 5:8

Aswe twizuye nu bujivu nkani, sona tungighana nkani ukuti ngali twepamo mumubili witu ughu nukwikala nu Mwene kukaya kache.

Aba Hebeli 11:2

U Chala akahoboka nkani na banyenya bitu pachifukwa icha lwitiko lwabo.

Aba Hebeli 11:39

Abantu bosi aba bakamuhobosya u Chala pachifukwa icha lwitiko lwabo. Loli pope bulo atakabapo nayumo umuntu yuyo akapokela zizyo u Chala akalayizya,

Ubuvumbuli 14:13

Po nkivwa izyu kumwanya likuti, “Simba uti: Basayiwa abantu babo ukwandila pakabalilo aka bakufwila pambombo iya Mwene.” U Muzimu Umuzelu akuti, “Eee momumo! Bakwiza pakutuzya pambombo zyabo inkafu, pakuti imbombo zyabo inyiza zikubakonka.”

Luti 3:14

U Luti akaghona kunyayo izya Bowazi mupaka pandabindabi, loli akalamusya bo kuchili pakucha, pakuti u Bowazi atakalondagha ukuti abantu bazimanye. Po akamubuzya akati, “Atakazimanye nayumoyumo umuntu ukuti umukolo akiza kubuzilo ubwakukomelapo inyinulo.”