Umulumbilili 3:3 - IBAYIBOLO 2024

³ Pali akabalilo akakughoghela na kabalilo akakupozezya. Pali akabalilo akakumongolannya na kabalilo akakuzengela.

Umulumbilili 3:3 Iomraidhean Croise

Ubwandilo 9:6

Pakuti umuntu akapeliwa muchifwani icha Chala, polelo umuntu wesi yuyo akumughogha umuntu uwamwabo, wepe akwiza pakughoghiwa.

Yesaya 44:26

yuyo akunyamula amazyu agha babombi bache, nukukwanilisya zizyo intumi zyache zikanenela zila, yuyo akunena nizya Yelusalemu ukuti, ‘Akwiza pakuba na bantu abakwikalamo,’ mutwaya utukulu utwa Yuda, ‘Tukwiza pakuzengiwa sona,’ ivisami vyabo vyope, ‘Nkwiza pakuvizenga sona,’

Yesaya 6:10

Po akambuzya akati, “Ughapelaye amoyo agha bantu banaba ukuti ghabanje makafu, amakutu ghabo ghabanje namapuli, ubapelaye ukuti babanje bafwamaso, ukuti lumo bangennya na maso ghabo pamo ukwivwa na makutu ghabo, sona nukuvwisya na moyo ghabo, ukuti bapinduke nukupola.”

Yelemiya 1:10

Ilelo nkukusala ukuti ubanje nu bulaghili panko izya bantu nu bumwene, pakunyunkula nukumongola, pakunangannya nukutagha sona nukuzenga nukubyala.”

Yelemiya 31:28

Ngati mumo nkabenelezyanga pakubanyunkulannya nukubazepulannya nukubapota nukubanangannya nukubawisizya intamyo, momumo nkwiza pakubenelezya pakuzenga nukubyala.

Yelemiya 33:6

“Loli pope bulo, nkwiza pakukapa ubumi ubwiza nukubapozya abantu bane sona nkwiza pakubalanjizya umutende uwakufikapo nukuti batakanyilaye nakamokamo.

Yelemiya 45:4

U Mwene akuti, “Umubuzye u Baluki ukuti, ‘Nkwiza pakuchimongolannya chicho nkachizenga. Momumo nkwiza pakubombela ni chisu chosi.

Ezekiyeli 13:14

Nkwiza pakulimongola ilinga lilyo mwalisingula nibanya sona likwiza pakumongoka mupaka pa lwalo lwache umwakuti lube pabuzelu. Nanti lwamongoka, namwe bulo mukwiza pakunanganikila mulamula, sona mukwiza pakumanya ukuti ane ne Mwene.

Hagayi 1:2

U Mwene Uwamaka Ghosi akuti, “Abantu banaba bakuti, ‘Akabalilo kachili katakwanite akakuzengela sona Inyumba iya Chala.’ ”

Hagayi 1:4

“Mwee bantu bane, nkimba choni chicho mukwikala munyumba zizyo zizengiwe akiza nkani, bo Inyumba yane yaba chisami?”

Zekaliya 1:12

Po uwantumi uwa Mwene akamula akati, “Wee Mwene Uwamaka Ghosi, nkimba utakwiza pakumupelela ichisa mupaka liyi u Yelusalemu nutwaya utwa mu Yuda tuto watukalaliye amaka 70?”

Ukukumbusya Amalamulo 32:39

Ilelo ennya, ane nemwene ne Chala, sona atalipo u chala uyunji. Nkumughogha umuntu nukumupa ubumi, Nkumuvulazya sona nkumupozya. Atalipo nayumoyumo umuntu uwakumupoka munyobe zyane.

1 Samuweli 2:25

Nanti umuntu akumunangila uwamwabo, u Chala angamwimila. Loli nanti umuntu akumunangila u Mwene, nkimba wewenu angamwimila uwamwabo yula?” Pope bulo abana bala batakamwivwila uwise, pakuti bukaba bwighane ubwa Mwene ukuti abaghoghe abana bala.

1 Samuweli 2:6

“U Mwene akubafyula abantu ubumi nukubunyosezya papo. Akubasendela abantu mwipumpa nukubazyusya.