Umulumbilili 2:3 - IBAYIBOLO 2024

³ Nayezyanga pakwihobosya nemwene nu vinyo, pope bulo nkabomba ivyabupunganu. Nkinong'ona ukuti lumo yiniyi yingaba zila iyapamwanya, yiyo abantu bakuyikonka umwakuti bangahoboka pakabalilo akapimpa aka bumi bwabo.

Umulumbilili 2:3 Iomraidhean Croise

Ubwandilo 47:9

Po u Yakobo akamwamula u Falabo akati, “Indi na maka 130, sona nendanendagha bulo. Amaka ghane manandi bulo, sona mapalapala, ghatayanite na maka agha banyenya bane babo bakikalagha nubumi ubutali nkani.”

Yobu 14:14

Nanti umuntu afwa, nkimba angaba sona mumi? Amasiku ghane ghosi agha mayimba nkwiza pakulindilila mupaka ivintu vinyendelaye akiza sona.

Masalimo 104:15

Akumupa umuntu uvinyo yuyo akughuhobosya umoyo wache, na mafuta ghagho ghakuchilamizya icheni chache, sona ni vibama ivyakuti vimupanje amaka.

Ivyili 20:1

Uvinyo cho chakung'wela chicho chikumupelela umuntu pakuba we ching'wela, sona wesi yuyo akuzimbuliwa nu vinyo ate na mahala.

Umulumbilili 1:17

Nkaba nu lweke pakwivwisya ukuti amahala cho choni, ubwachipena cho choni, sona ubupunganu cho choni. Loli nkazyaghannya ukuti vyope vite ni mbombo.

Umulumbilili 10:19

Ulusekelo lukubahobosyanga bulo abantu, sona uvinyo akubasangalusyanga, Loli indalama lyo lyamulo ilya vintu vyosi.

Umulumbilili 12:13

Losi ulu vyosi vyivwika. Po ifundo iyenecho yo iyi: Umuchindikaye u Chala nukughakonka amalamulo ghache pakuti iyi yo mbombo inkulu iya muntu.

Umulumbilili 2:24

Ichintu ichiza nkani chicho umuntu angachibomba mubumi bwache ko kulya nukung'wela sona nukwilagha imbombo zyache. Nkwennya ukuti vyope vinivi vikufuma kwa Chala.

Umulumbilili 5:18

Po nkazyaghannya ukuti chintu ichiza ukuti umuntu alyanje, ang'welaye, sona ilaghaye imbombo zizyo akubomba umwakwiyula pachisu ichapasi mumasiku amanandi ghagho u Chala amupiye, pakuti ughu gho muvwalo wache.

Umulumbilili 6:12

Nkimba wewenu yuyo achimenye ichintu ichiza mubumi ubwa muntu bo ali mumasiku amapimpa na masita mbombo agha bumi bwache, bo akuzyebeluka bulo ngati muzyezye? Nkimba wewenu yuyo angamubuzya zizyo zikwiza pakubombiwa pachisu ichapasi bo afuye?

Umulumbilili 7:18

Chizapo pakulemezya ichintu choka, nukuchilekelezya ichinji. Umuntu yuyo akumuchindika u Chala akwiza pakuba navyo vyosi vibili vinivi.

Umulumbilili 7:25

Po nkiyula nkani pakughivwisya, nukubuzikizya, sona nukughalondelezya amahala. Nkalondagha ukuti imanye ubibi ubwa bupunganu sona nu bwachipena.

Umulumbilili 8:15

Cho chifukwa nkuti umuntu ilaghaye bulo ubumi, pakuti chitalipo ichintu ichiza nachimochimo chicho umuntu angachibomba pachisu ichapasi, ukuchila ukulya nukung'wela sona nukuhoboka. Bunubu akwiza pakuhoboka pambombo zizyo akuzibomba mubumi bwache bosi, bubo u Chala akumupa pachisu ichapasi.

Matayi 6:24

“Atalipo uwambombo yuyo angababombela imbombo abamwene babili pakabalilo koka. Pakuti angamughana weka nukumubenga uyunji, pamo angamwivwila weka nukumusula uyunji. Utangabombela vyosi vibili akabalilo koka, u Chala ni ndalama.

Aba Efeso 5:18

Sona mutakakolwanje nu vinyo pakuti ukukolwa kukupela ukunanganika. Loli mwizulaye nu Muzimu Umuzelu.

Abalongi 9:13

“Loli ulutabo lula lukamula lukati, ‘Ane intangaleka pakufumya uvinyo wane yuyo akubasangalusya abachala na bantu, umwakuti ingalaghilaye amakwi.’

1 Samuweli 25:36

Bo u Abigelo anyokela kwa Nabali, u Nabali akaba munyumba bo ali nu lusekelo ulukulu nkani ngati ulwa mwene. U Nabali akahoboka nkani, pakuti akakolwa nkani. U Abigelo atakamubuzyapo nachimochimo mupaka indabi yache.