Umulumbilili 12:2 - IBAYIBOLO 2024

² Bo izuba, nulukozyo nu mwezi, ni ntondwa vichili pakulama, amabingu ghanyokela bo ivula yatima.

Umulumbilili 12:2 Iomraidhean Croise

Ubwandilo 27:1

Bo u Yisaki aghosipa nkani, sona bo amaso ghache ghafuye, umwakuti atakennyanga sona, akamwitizya umwana wache usongo u Esabu nukumubuzya ukuti, “Wee mwana wane.” Po akamula akati, “Indi pano.”

Ubwandilo 48:10

Amaso agha Yakobo ghakennyanga akafobela pachifukwa icha bughosi. Po u Yosefu akabapalamizya abana bache kwa Yakobo, po akabakumbatila nukubafyofyonta.

Masalimo 42:7

Amizi amibizu ghakwitizannya, bo amizi ghakupoma nkani. Amayigha ghako aghakoghofya ghope ghankupikila.

Masalimo 71:20

Napapo wantumila intamyo sona ni vyakubaba, loli ukwiza pakumpa sona amaka. Po ukwiza pakunyefyamo muchiliba ichibizu nkani.

Masalimo 77:16

Wee Chala, amizi ghakakwennya, bo amizi ghakwennya bulo ghakaba nubogha, naloli inyanja inyibizu nkani yikatetema mupaka pasi.

Masalimo 90:10

Ubwinji ubwa masiku ghitu ghali 70 pamo 80 nanti tuli na maka, loli ubumi ubwa muntu buli nintamyo zyene sona ni chitima, vikumala lubilolubilo nkani, po twebosi tukubuka.

Yesaya 13:10

Intondwa izya kumwanya ni vibunga vyabo vitakwiza pakulama. Izuba lilyo likulama likwiza pakuba muchisi, ghope umwezi ghutakwiza pakulama.

Yesaya 5:30

Pisiku lilalila bakwiza pakubuluma, pachifukwa icha nyama nukupoma ngati nyanja. Nanti weka akwennya pachisu, akwennya ichisi nintamyo, lope ulukozyo lukwiza pakukupikiliwa namabingu amafitu.

Yoweli 3:15

Izuba nu mwezi vikwiza pakuba bulo fii, zyope intondwa zitakwiza pakulama na lumo.

Matayi 24:29

“Nanti intamyo izya masiku ghanagho zyachila bulo, izuba likwiza pakuba muchisi, umwezi ghute ghukalame nalumo, intondwa zikwiza pakuwa ukufuma kumwanya, sona ivintu ivya maka kumwanya vikwiza pakuyingana.

1 Samuweli 3:2

Amaso agha Eli ghakennyanga akafobela, umwakuti atakennyanga pabutali nkani. Po ubusiku bumo u Eli akalambalalagha muchipinda chache.

1 Samuweli 4:15

yuyo akaba na maka 98, umwakuti amaso ghache ghatakennyanga.

1 Samuweli 4:18

Bo umuntu yula atambula Ibokosi ilya Lufingo ilya Chala lila, u Eli akawila ichakwisinda pachitengo chache papipi nu mulyango uwa lupaso. Akapyoka isingo nukufwa, pachifukwa ichakuti akaba mughosi, sona akang'wama nkani. U Eli akaba mulongi uwa ba Izilayeli amaka 40.