Ukukumbusya Amalamulo 1:1 - IBAYIBOLO 2024

¹ Agha gho mazyu ghagho u Mozesi akababuzya aba Izilayeli bosi munkolongo, bo bali kubufumilo ubwa lusoko ulwa Yolodani, kokuti mu Alaba, umwakwenannya nu Sufi pakasikasi pa kaya akakulu aka Palani naka Tofeli naka Labani naka Hazeloti sona naka Dizahabu.

Ukukumbusya Amalamulo 1:1 Iomraidhean Croise

Ubwandilo 21:21

Unyina akamusendela umukolo uwa muchisu icha Ijiputi pakuba muchi wache.

1 Abamwene 11:18

Bakanyamuka ku Midiyani nukubuka ku Palani. Bakabasenda abantu ku Palani nukubuka nabo ku Ijiputi kwa Falabo u mwene uwa Ijiputi, yuyo akamupa u Hadadi inyumba nu buzilo sona nichakulya.

Habakuku 3:3

U Chala akiza ukufuma ku Temani, Umuzelu yula akiza ukufuma kwighamba ilya Palani. Ubuchindamu bwache bukakupikila kumwanya, sona amapalo ghache ghakizula pachisu ichapasi.

Ukubelengiwa 10:12

Po aba Izilayeli bakanyamuka ubulendo bwabo ukuyana nu tubukatila twabo ukwepamo munkolongo iya Sinayi mupaka ibingu lila likima munkolongo iya Palani.

Ukubelengiwa 11:35

Abantu bala bakasamila ku Hazeloti nukuzenga ivisakasa vyabo kulakula.

Ukubelengiwa 12:16

Pisinda pache abantu bala bakanyamuka ubulendo bwabo ukwepapo pa Hazeloti, nukuzenga ivisakasa vyabo munkolongo iya Palani.

Ukubelengiwa 13:26

Po bakanyokela kwa Mozesi nu Aloni na ku chilundilo chosi mu Kadeshi munkolongo iya Palani pakubalanjizya ivikomwa ivya muchisu chila.

Ukubelengiwa 13:3

Po u Mozesi akabatuma bo bali munkolongo iya Palani, ukuyana namumo u Mwene akalamulila. Bosi banaba bakaba balongozi aba inko izya ba Izilayeli.

Ukubelengiwa 32:19

Aswe tutakwiza pakupokelapo nabo impyana kwisila ilya lusoko ulwa Yolodani, pachifukwa chakuti twapokela impyana yitu kubufumilo ubwa lusoko ulwa Yolodani.”

Ukubelengiwa 32:32

Tukwiza pakuloboka nukwinjila mu Kenani pamaso pa Mwene, bo tunyamuye ivilwilo ivya bwite. Loli impyana yiyo twapokela yikwiza pakuba kunuku kwisila ilya lusoko ulwa Yolodani.”

Ukubelengiwa 32:5

Nanti mwatupelela ichisa, mubape ababombi binyu ichisu chinichi pakuba mpyana yabo, mutakatulobosezye kwisila ilya Yolodani.”

Ukubelengiwa 33:20

Bakasamako ku Limoni Pelezi nukuzenga ivisakasa vyabo ku Libina.

Ukubelengiwa 33:21

Bakasama ku Libina nukuzenga ivisakasa vyabo ku Lisa.

Ukubelengiwa 34:15

Inko zibili izi nu hafu zikapokela impyana kubufumilo ubwa lusoko ulwa Yolodani umwakwenannya nu Yeliko kubufumilo bwizuba.”

Ukubelengiwa 35:14

Kwisila ilya lusoko ulwa Yolodani mubape utwaya tutatu, sona mubape utwaya tutatu mu Kenani ukuti tubanje twaya utwakuponelamo.

Ukukumbusya Amalamulo 2:8

Po tukendelela nu bulendo bwitu nukudumusannya muchisu icha bakamu bitu abaluko ulwa Esabu, babo bakikalagha mu Seyili. Tukaghuleka umusebo uwaku Alaba, ghugho ghukaba umusebo waku Elati nu Eziyoni Gebeli, nukwenda mulubazu ulwa musebo uwa munkolongo iya Mowabu.

Ukukumbusya Amalamulo 27:1

Po u Mozesi, poka na basongo aba ba Izilayeli bakababuzya abantu bakati, “Mughakonkaye amalamulo ghosi ghagho nkubapa ilelo.

Ukukumbusya Amalamulo 29:1

Ulu lo lufingo lulo u Mwene akamulamula u Mozesi ukuti afingane naba Izilayeli mu Mowabu, ukonjelezyapo pa lufingo lulo u Mwene akafingana nabo, bo bali pighamba ilya Sinayi.

Ukukumbusya Amalamulo 31:1

U Mozesi akababuzya aba Izilayeli amazyu ghosi ukuti,

Ukukumbusya Amalamulo 33:2

Bo ali pakubasaya akanena akati, “U Mwene akika pighamba ilya Sinayi, sona akazubuka ukufuma ku Seyili. Akabalamila abantu bache, bo ali pighamba ilya Palani. Akiza poka ni chilundilo icha bantumi 1,000 bo alemite umoto uwakwaka munyobe yache.

Ukukumbusya Amalamulo 4:46

Pakabalilo kanaka aba Izilayeli bakaba mwikombe kupipi nakaya aka Beti Pewoli, kubufumilo bwizuba ubwa Yolodani, muchisu icha Sihoni u mwene uwa umu Amoli, yuyo akalaghilagha akaya akakulu aka Heshiboni. U Mozesi poka naba Izilayeli bakamupota u Sihoni, bo bakwepamo mu Ijiputi.

Ukukumbusya Amalamulo 5:1

U Mozesi akababungannya aba Izilayeli bosi nukubabuzya ukuti, “Mwe ba Izilayeli, ivwa indaghilo na malamulo ghosi ghagho nkubabuzya ilelo. Mughamanyilaye, sona mwenelezye ukuti mukughakonka.

Yoshwa 22:4

Losi ulu bwelagha, pachifukwa ichakuti u Mwene u Chala winyu abapa abakamu binyu umutende, ukuyana namumo akabalayizizya. Bwelagha kuchisu chinyu, chicho u Mozesi umubombi uwa Mwene akabapa kwisila ilya lusoko ulwa Yolodani.

Yoshwa 22:7

U Mozesi akabapa banaba ichigaba chimo icha ba Manase ichisu icha Bashani. Loli ichigaba ichinji icha luko ulwa Manase, u Yoshwa akabapa ichisu icha kubwinjililo bwizuba ubwa lusoko ulwa Yolodani, poka na bakamu babo bosi. Bo u Yoshwa akubabwezya abantu, akabasaya

Yoshwa 3:16

amizi ghakaleka pakwenda nukwima ngati lubumba ulutali, ukwandila kukaya aka Adamu mupaka kukaya akakulu aka Zaletani, bo amizi aghakwika ku Nyanja Imfwe ghakalundinkana. Po abantu bakalobokagha ulusoko kupipi nakaya akakulu nkani aka Yeliko.

Yoshwa 9:1

Abamwene bosi babo bakikalagha kubwinjililo bwizuba ubwa lusoko ulwa Yolodani bakivwa zinizi, kokuti abantu bosi aba mumaghamba na mumakombe sona naba muntende mumaghamba kubwinjililo bwizuba naba mulubazu ulwa Nyanja iya Medeteleniya mupaka ku Lebanoni kumitu. Banaba bakaba bamwene aba ba Hiti naba Amoli naba Kenani naba Pelezi naba Hivi sona naba Yebusi.

Yoshwa 9:10

na zyosi zizyo akababombela abamwene babili aba ba Amoli, abakubufumilo bwizuba ubwa lusoko ulwa Yolodani, u Sihoni uwamu Heshiboni nu Ogi uwamu Bashani, yuyo akalaghilagha mu Ashitaloti.

1 Samuweli 25:1

Bo u Samuweli afwa aba Izilayeli bosi bakabungana poka nukumulila. Po bakamusyila kukaya kache aka Lama. Pisinda pache u Devedi akabuka kunkolongo iya Palani.