Ubwandilo 9:6 - IBAYIBOLO 2024

⁶ Pakuti umuntu akapeliwa muchifwani icha Chala, polelo umuntu wesi yuyo akumughogha umuntu uwamwabo, wepe akwiza pakughoghiwa.

Ubwandilo 9:6 Iomraidhean Croise

Ubwandilo 4:14

Ilelo ukunchimbizyamo muchisu ichi sona ukunyefya pamaso papako. Nkwiza pakuba muntu uwakwendakwenda bulo, sona nu musita kwikalana pachisu ichapasi. Umuntu wesi yuyo akunyagha, akwiza pakungogha.”

Ubwandilo 42:22

U Lubeni akati, “Nkimba intakababuzya ukuti mutakamuvulazye umwana uyu, loli mutakanteghelezya? Ennya ilelo tuli pakufundiwa pachifukwa icha libanda lyache.”

Ubwandilo 5:1

Ulu lo lubatiko ulwa baluko ulwa Adamu. Bo u Chala abapela abantu, akabapela muchifwani chache.

2 Samuweli 4:11

Buli nanti abantu ababibi babo bamughoghite umuntu umusita nongwa, bo aghonite pachitala munyumba yache? Nkimba ntangabatanizya pachifukwa icha bufwe ubwa muntu yulayula nukubazimizya pachisu ichapasi?”

1 Abamwene 2:9

Loli ilelo utakamupimaye pakuba muntu umusita nongwa. Awe we muntu uwa mahala, uzimenye zizyo ungamubombela. Wenelezye ukuti aghoghiwa napapo muntu mughosi.”

2 Abamwene 11:1

Bo u Ataliya unyina uwa Ahaziya, ivwa bulo ukuti umwana wache aghoghiwa, akabalamula bosi abamunyumba iya bumwene ukuti baghoghiwanje.

2 Abamwene 11:16

Po abantu bala bakamulema u Ataliya nukubuka nawe kunyumba iya bumwene, bo bafika nawe pamulyango uwa Falasi, bakamughoghela palapala.

2 Abamwene 11:20

Abantu bosi aba muchisu chila bakahoboka nkani, sona mukaya akakulu nkani kala mukaba bulo myee, pachifukwa ichakuti u Ataliya akaghogheliwa munyumba iya bumwene.

2 Imbili 33:24

Amakambala ghache ghakabatika nizya kumughogha, po ghakamughoghela munyumba yache iya bumwene.

Masalimo 51:4

Nakunangila wewe, sona nabomba ivibibi pamaso papako, umwakuti ukuba mugholosu nanti ukudumula inongwa, sona nukuti ukulongela mubwanaloli.

Ukufuma 20:13

“Utakaghoghaye.

Ivyili 28:17

Umughoghi yuyo apalaghula inongwa iya bughoghi, akuvwamagha mupaka ubufwe bwache, sona atakabepo nayumoyumo umuntu uwakumwavwa.

Umulumbilili 3:3

Pali akabalilo akakughoghela na kabalilo akakupozezya. Pali akabalilo akakumongolannya na kabalilo akakuzengela.

Aba Levi 17:4

mubuzilo ubwa kwiza navyo pamulyango uwa Chisakasa icha Mwene ukuti chibanje chakwiyipa kwa Mwene, umuntu yula apalaghula inongwa iyakukupula ibanda, po epusiwanje pakasi pabantu bosi.

Aba Levi 24:17

“ ‘Umuntu wesi yuyo akumughogha uwamwabo, wepe aghoghiwanje.

Ukubelengiwa 35:16

“ ‘Loli nanti umuntu amukoma umuntu uwamwabo ni chela nukumughogha umuntu uwamwabo yula, kokuti umuntu yula mughoghi. Umuntu yuyo akumughogha uwamwabo, wepe aghoghiwanje.

Ukubelengiwa 35:25

Ichilundilo chimupoke umuntu umughoghi yula munyobe izya wamwabo uwa muntu umufwe, yuyo akulonda pakutanizya, pakumutuma umuntu yula mukaya akakulu nkani akakuponelamo. Umughoghi yula ikale kulakula mupaka umuputi usongo yuyo akapakaziwa na mafuta afwe.

Ukubelengiwa 35:33

“ ‘Mutakachinyazyanje ichisu chicho mukwikalamo. Ukukupula ibanda kukuchinyazya ichisu, po ni chakwiyipa chitangabikiwa muchisu chicho ibanda lyakupukilamo, ukwefyako ibanda ilya muntu yuyo alikupula.

Matayi 26:52

U Yesu akamubuzya akati, “Nyosezya upanga wako mubuzilo bwache. Pakuti abantu bosi babo bakubombezya upanga bakwiza pakufwa nupanga.

Aba Loma 13:4

pakuti bo babombi aba Chala, babo bakubalongozya pakubomba inyiza. Loli nanti ukubomba ichibibi, po ubanyilaye pakuti amaka ghabo aghakufundila ghanaloli.

1 Aba Kolinti 11:7

Umwanavuli atakavwalaye chimo kumutu wache, pakuti we chifwani icha Chala, sona akulanjizya ubuchindamu ubwa Chala. Loli umukolo bo buchindamu ubwa mwanavuli,

Ukukumbusya Amalamulo 19:11

Loli zingabombiwa ukuti umuntu amubengite umupalamani wache, sona akumuvwamilila nukumughogha madinko bulo, polelo akuchimbilila mukaya akakuponelamo.

Ukukumbusya Amalamulo 5:17

“Utakaghoghaye.

Yakobo 3:9

Nu lulimi lunulu tukumupalizikizyapo u Mwene witu nu Tata, sona nu lulimi lulalula tukughunilapo abantu abanji, babo bapeliwe muchifwani icha Chala.

Ubuvumbuli 13:10

Umuntu wesi yuyo abaghiye pakuba muzya naloli akwiza pakuba muzya. Umuntu wesi yuyo abaghiye pakuboliwa nupanga, akwiza pakuboliwa naloli nupanga. Po panapa pakulonda ukuti abantu aba Chala babanje bakujimba nukuba bamaka mulwitiko.

Abalongi 9:56

Umu momumo u Chala akamutanizizya u Abimeleki pachifukwa icha mbibi yiyo akamunangila uwise pakubaghogha abawamwabo 70 bala.

1 Samuweli 15:33

Loli u Samuweli akati, “Upanga wako abapelela abakolo pakuba basita bana, umwakuyana bulo unyoko akwiza pakuba musita bana.” Po u Samuweli akamudumulannya u Agagi yula pamaso pa Mwene mu Giligali.