Ubwandilo 9:3 - IBAYIBOLO 2024

³ Ilelo mungalya ivinyamana vyosi ukuyana na muno nkabitikizizya pakulya ivyamani. Nabapa vyosi pakuba chakulya chinyu.

Ubwandilo 9:3 Iomraidhean Croise

Ubwandilo 9:2

Ivinyamana vyosi, iviyuni sona niswi vikwiza pakukunyilagha. Navibika pasi pabulaghili bwinyu ivyabumi vyosi ni viyuni vyope, ni vinyamana ivyakwavula, niswi zyosi izya munyanja.

Aba Levi 22:8

Atakalyanje ichinyamana ichifwe chene, pamo ichakulika, lumo anginyazya mwene. Ane ne Mwene.

Aba Loma 14:14

Pakumamatilana kwane poka nu Mwene u Yesu inzimenye nkani ukuti chitalipo ichintu chimo chicho chinyazu pachene bulo. Loli nanti umuntu yuyo akuchipima ukuti chinyazu, po ichintu chilachila kukwache chinyazu.

Aba Loma 14:17

Pakuti Ubumwene ubwa Chala bute ni mbombo ni vyakulya ni vyakung'wela, loli ubugholosu nu mutende, sona nu buhobosu, vivyo u Muzimu Umuzelu akupa.

Aba Loma 14:20

Mutakanangaye imbombo iya Chala pachifukwa icha vyakulya. Ivyakulya vyosi vyiza bulo pakulya. Loli chibibi ukuti muntu alyanje ichintu chosi chicho chingamupela umuntu uyunji ukuti anange.

Aba Loma 14:3

Umuntu yuyo akulya ivintu ivya luko losi, atakamusamulaye umuntu yuyo atakulya ivintu ivya luko losi. Sona umuntu yuyo atakulya ivintu ivya luko losi, atakamulongaye umuntu yuyo akulya ivintu ivya luko losi, pakuti we Chala yuyo amupokelite.

1 Aba Kolinti 10:23

Abantu bamo bakuti, “Vyosi bulo vyitikiziwe,” loli vyosi vitakubapa ubwiza. Abanji bakuti, “Vyosi bulo vyitikiziwe,” loli vyosi vitakutwavwa.

1 Aba Kolinti 10:31

Po manyi mukulya, pamo mukung'wela, manyi mukubomba akantu kosi, mubombaye vyosi bulo ukuti mumuchindike u Chala.

Ukukumbusya Amalamulo 12:15

Loli mungabola ivinyamana vyinyu pabuzilo bosi mutwaya twinyu, sona mungalya nukwikuta ukuyana namumo mwighaniye ngati mumo mungalyela inyama iya mbabala pamo iya swela ukuyana namumo u Mwene u Chala winyu akubasayila. Mwebosi mungalya manyi muntu umuswepu manyi muntu umunyazu.

Aba Kolosi 2:16

Polelo patakabepo nayumo umuntu uwakubalonga pachifukwa icha vivyo mukulya, pamo ukung'wela, pamo nizya lusekelo ulwa chiputo, pamo Ulusekelo ulwa Kupanta ukwa Mwezi, pamo nizya Isiku Ilyakutuzya.