Ubwandilo 9:23 - IBAYIBOLO 2024

²³ Loli u Shemu nu Yafeti bakasenda inkazo nukuyibika kunyuma muvipunko vyabo. Bakanyokela chinyumanyuma nukumuvwinka. Batakennyako kuko uwise akaghona, po batakayennya inkule iya wise.

Ubwandilo 9:23 Iomraidhean Croise

Ubwandilo 9:22

Bo u Hamu uwise uwa Kenani, ennya ukuti uwise ali nkule, akufuma kuzi nukubabuzya abawamwabo babili bala.

Ubwandilo 9:24

Bo u Nowa uvinyo amala mumutu, akazyaghannya zizyo umwana wache umunandi nkani akabomba.

Ukufuma 20:12

“Umuchindikaye ughuso nu nyoko, umwakuti ubanje nubumi ubutali muchisu chicho u Mwene u Chala wako akukupa.

Aba Levi 19:32

“ ‘Mubapanje umuchizi abantu abavwi, sona mubachindikaye abantu abaghosi. Mumunyilaye u Chala winyu. Ane ne Mwene.

Aba Loma 13:7

Po mumulipile umuntu wesi vivyo vimubaghiye: Nanti gho musonko, musonke; nanti gho musonko uwa katundu, musonke ukatundu; nanti umuchizi pamo amapalo vipeghiwe ku bantu babo vibabaghiye.

Aba Galatiya 6:1

Mwee bakamu bane, nanti umuntu yumo awila mumbibi, amwe mwe mukulongoziwa nu Muzimu Umuzelu, mumwavwe umuntu yunuyu nu moyo umololo. Loli namwe bulo muchebaye ukuti mutakayeliwanje.

1 Timoti 5:1

Utakamuchemelaye umuntu usongo, loli unenaye nawe ngati po we ghuso. Abalumendo wikalaye nabo ngati po bazuna bako.

1 Timoti 5:17

Abasongo aba chipanga babo bakubomba akiza imbombo yabo bapokelaye umuvwalo uwakufikapo, nkaninkani babo imbombo yabo yakulumbilila nukumanyisya.

1 Timoti 5:19

Utakateghelezyanje amazyu ghagho ghakususannya nu songo uwa chipanga, pene papo nanti pali abakaboni babili pamo batatu.

1 Pitala 2:17

Mumuchindikaye umuntu wesi, sona mubaghanaye abitiki abamwinyu. Mumunyilaye u Chala, sona mumuchindikaye umulaghili uwa chisu.

1 Pitala 4:8

Pamwanya pa vyosi mughananaye mwebene nu lughano ulwakufikapo, pakuti ulughano lukuzikupikila imbibi inyinji nkani.