Ubwandilo 9:2 - IBAYIBOLO 2024

² Ivinyamana vyosi, iviyuni sona niswi vikwiza pakukunyilagha. Navibika pasi pabulaghili bwinyu ivyabumi vyosi ni viyuni vyope, ni vinyamana ivyakwavula, niswi zyosi izya munyanja.

Ubwandilo 9:2 Iomraidhean Croise

Ubwandilo 1:21

Po u Chala akapela ivintu ivikulu nkani ivya munyanja, ivintu vyosi ivya bumi vivyo vikwikala mumizi, sona ni viyuni vyosi ivyakulekanalekana. U Chala akennya ukuti ichi chikaba chiza bulo.

Ubwandilo 1:26

U Chala akati, “Zagha tumupange umuntu muchifwani chitu, umwakuti ayane bulo naswe. Umuntu yunuyu akwiza pakulaghila iswi izya munyanja ni viyuni ni vitekwa vyosi ni vinyamana ivya munkolongo sona ni vinyamana ivyakwavula.”

Ubwandilo 1:28

U Chala akabasaya nukubabuzya ukuti, “Mupapanaye nukubala, sona mwizuzye ichisu ichapasi nukuchilaghila. Nkubapa ubulaghili pa iswi, ni viyuni, sona napa vinyamana vyosi ivyakwavula.”

Ubwandilo 2:19

U Mwene u Chala akasenda itope nukumata ivinyamana ivyakulekanalekana, sona ni viyuni vyosi. Po akiza navyo kwa Adamu ukuti avyite amatabwa. Umu momumo akavyitila amatabwa ghabo.

Ubwandilo 35:5

Bo u Yakobo na bana bache bakunyamuka, ubogha ubukulu nkani bukabalema abantu bosi aba mutwaya utwakuzyungulila, umwakuti atakabapo nayumo uwakubakonka.

Ubwandilo 9:1

U Chala akamusaya u Nowa poka na bana bache nukunena ukuti, “Mupapanaye umwakuti muchizuzye ichisu ichapasi.

Ubwandilo 9:3

Ilelo mungalya ivinyamana vyosi ukuyana na muno nkabitikizizya pakulya ivyamani. Nabapa vyosi pakuba chakulya chinyu.

Yobu 39:11

Nkimba ungeghamila kukwache chifukwa ichakuti amaka ghache makulu? Nkimba ungamulekela imbombo zyako impalapala?

Ezekiyeli 34:25

“ ‘Nkwiza pakufingana nabo ukuti bikalaye mumutende nukuvichimbizyamo ivinyamana muchisu ukuti ing'ozi zyane zyikalaye munkolongo nukughona bulo mumusitu umwakufwasa.

Hoseya 2:18

Mumasiku ghalaghala nkwiza pakufinga ulufingo ni vinyamana ivyamunkolongo, ni viyuni, sona ni vinyamana vivyo vikwavula. Nkwiza pakumazya ubwele, na bapanga, sona nu bwite, umwakuti bikalaye umwakufwasa.

Aba Levi 26:22

Nkwiza pakubatumila ivinyamana ivyakoghofya, vivyo vikwiza pakubalya abana binyu nukughogha ivitekwa vyinyu, umwakuti ubwinji bwinyu bukwiza pakuba bunandi bulo, sona izila zyinyu zikwiza pakufwa.”

Aba Levi 26:6

Nkwiza pakubapa umutende muchisu chinyu. Mukwiza pakughonagha ukusita pakunyila nachimochimo. Nkwiza pakuvichimbizyamo ivinyamana ivyakoghofya muchisu chinyu, sona mutakwiza pakubamo ubwite.

Yakobo 3:7

Umuntu angateka ivinyamana ivyakulekanalekana, ni viyuni, na vyosi ivyakwavula, sona nivya munyanja, po naloli avitekite.