Ubwandilo 8:21 - IBAYIBOLO 2024

²¹ Bo u Mwene anusya umunusi umwiza ghula akati, “Ntakwiza pakuchighuna sona ichisu ichapasi pachifukwa icha zizyo abantu bakubomba, pakuti inzimenye ukuti inyinong'ono izya muntu umubibi zikwandila kubwana bwache. Ntakwiza sona pakuvizimizya ivintu vyosi ivyabumi ukuyana namumo nabombela.

Ubwandilo 8:21 Iomraidhean Croise

Ubwandilo 3:17

Akamubuzya u Adamu akati, “Pakuti ukamwivwila umuchi wako nukulya ivikomwa ivya mwikwi lilyo nkati mutakalyanje, ichisu ichapasi chaghuniwa pachifukwa icha zizyo wabomba. Ukwiza pakuyimba nkani mubumi bwako bosi ukuti uchaghe ichakulya.

Ubwandilo 4:12

Nanti ukuyezya pakupesa imbeyu, itope litakwiza pakumezya nalumo imbeyu. Ukwiza pakuba muntu uwakwendakwenda bulo, sona nu musita kwikalana pachisu ichapasi.”

Ubwandilo 5:29

U Lameki akati, “Ukufuma kwitope lilyo u Mwene akalighuna, ukwendela mu mwana yunuyu tukwiza pakupepuliwa kumbombo zyitu inkafu.” Po akamwita ukuti we Nowa.

Ubwandilo 6:13

Po u Chala akamubuzya u Nowa akati, “Nadumula pakubazimizya zila abantu bosi. Nkwiza pakubanangannya abantu pachifukwa ichakuti bachizuzya ichisu ichapasi nu bubibi bwabo.

Ubwandilo 6:17

Nkwiza pakutuma amizi aghakwizula pachisu ichapasi, umwakuti ghanangannye ivintu vyosi ivya bumi. Ivintu vyosi pachisu ichapasi vikwiza pakuzimila zila.

Ubwandilo 6:5

U Mwene akennya ukuti abantu aba muchisu ichapasi bananga nkani, sona nukuti inyinong'ono zyabo zyaba mbibi nkani.

Ubwandilo 6:7

Akati, “Nkwiza pakubazimizya zila abantu bosi babo nkabapela. Nkwiza pakuvizimizya sona ivinyamana ni viyuni sona ni vinyamana ivyakwavula pachifukwa ichakuti indi ni chitima ukuti nkavipela vyosi vinivi.”

Yobu 14:4

Nkimba wewenu yuyo angefyamo ichintu chicho chiswefiwe muchintu ichinyazu? Nayumoyumo!

Masalimo 51:5

Naloli nkapapiliwa mumbibi, nkaba ne mubibi ukwandila papo umayi wane akamela ulwanda.

Masalimo 58:3

Abantu ababibi bakusobela ukwandila bo bachili bali mulwanda, sona abantu abamyasi bakusobela ukwanda pisiku ilya kupapiwa kwabo.

Masalimo 58:4

Bali ni nsalile ngati nsalile izya njoka, sona ngati we chipili uwa mapuli,

Ukufuma 29:18

Umoche udubi wesi yula pachighemo ukuti chibanje chakwiyipa ichakocha kwa Mwene. Umunusi uwa chakwiyipa chinichi ghukumuhobosya u Mwene.

Ukufuma 29:25

Pisinda pache wefyemo munyobe zyabo nukuvyocha pachighemo pamwanya pa chakwiyipa ichakocha chila. Umunusi uwa chakwiyipa chinichi ghukumuhobosya u Mwene.

Ivyili 20:9

Nkimba wewenu yuyo anganena ukuti, “Ane ne muzelu, ane inte ni chilema nachimochimo pamo imbibi”?

Umulumbilili 7:20

Atalipo nayumoyumo umuntu umugholosu pachisu ichapasi, yuyo akubomba ingolosu zyene, sona atakunangapo nalumo.

Yesaya 47:12

“Wendelele pakubombezya amayele ghako ni vipandwa vyako, sona nu bulaghuzi bwako bunubu, ukuyana namumo wabombelagha bwila bo we mwana munandi. Pamo ungabomba akiza, pamo ungaboghofya abalwani bako.

Yesaya 47:15

Momumo bakwiza pakukwavwilizizya abantu, babo wabombagha nabo, sona na bantu babo waghulizannyanga nabo, ukwanda bo bwana bwako bosi, bakwiza pakuzyebeluka bulo, patakwiza pakubapo nayumoyumo uwakubapoka.

Yesaya 48:8

Mutavyivuyepo pamo ukuvimanya, ukwanda bulo kale amakutu ghinyu ghatighukitepo. Pachifukwa ichakuti nkumanya ukuti awe we mulwani, ukitiziwanga ukuti we musambuke, ukwanda ko kubwana bwako.

Yesaya 53:6

Aswe twebosi twasobela ngati ng'ozi, umuntu wesi akwenda muzila iyache ni yache. Loli u Mwene abubika ububibi ubwa twebosi papache.

Yesaya 65:6

“Ennya, zisimbiwe pamaso papane ukuti, Ntakwiza pakuba bulo myee, loli nkwiza pakubatanizya umwakukwana, nkwiza pakubatanizya zizyo zibabaghiye,

Yelemiya 17:9

U moyo uwa muntu chintu ichizimbuli ukuchila ivintu vyosi. Nkimba wenu yuyo angawivwisya?

Yelemiya 18:12

Loli bakamula bakati, ‘Chinicho chite nimbombo nayimoyimo. Aswe tukwiza pakwendelela ni mbatiko izyitu ni zyitu, umuntu wesi akwiza pakubomba zizyo inyinong'ono zyache inkafu izya moyo umubibi.’ ”

Yelemiya 8:6

Nabateghelezya nkani ku zizyo bakunena loli batakunenapo nazimozimo ingolosu. Atakabapo nayumoyumo uwakuzileka imbibi zyache, nukunena ukuti, “Nkimba nananga choni?” Loli umuntu wesi akubuka ku zila izyache ni zyache, ngati yo falasi yiyo nyengo nkani pakulwa ubwite.

Ezekiyeli 20:41

Nkwiza pakubapokela amwe ngati vyakwiyipa ivyakununkila, bo nkubefyamo mu inko nukubabungannya ukufuma kuvyisu ivya kubutali kuko mukanyampanilako, po nkwiza pakubulanjizya ubuzelu bwane pakasi papinyu pamaso pa inko.

Aba Levi 1:13

Asuke na mizi amala ni vinama. Po umuputi abike vyosi pachighemo nukuvyocha ukuti chibanje chakwiyipa ichakocha. Umunusi uwa chakwiyipa chinichi ghukumuhobosya u Mwene.

Aba Levi 1:17

Aleme ivipapande vyache nukuvizepula pakasi, loli atakayizepule yosi. Po umuputi ayoche pankwi izya moto pachighemo. Chinichi cho chakwiyipa ichakocha, umunusi uwa chakwiyipa chinichi ghukumuhobosya u Mwene.

Aba Levi 1:9

Aghasuke na mizi amala ni vinama sona umuputi oche pamoto inyama yosi pachighemo ukuti chibanje chakwiyipa ichakocha. Umunusi uwa chakwiyipa chinichi ghukumuhobosya u Mwene.

Aba Levi 26:31

Nkwiza pakutunangannya utwaya twinyu utukulu nkani nukutupela visami, sona nkwiza pakubunangannya ubuzilo bwinyu ubwakwiputilamo, ntakwiza pakupokela umunusi uwa vyakwiyipa vyinyu ivyakununkila.

Aba Levi 4:31

Pisinda pache efye amafuta ghache ghosi ukuyana namumo akefesezya amafuta agha chakwiyipa ichabupoka nukuyocha pachighemo umwakuti umunusi wache ghumuhobosye u Mwene. Bunubu umuputi akwiza pakubika ichakwiyipa ichakupepesezya imbibi izya muntu yula, po zikwiza pakuhobokeliwa.

Aba Levi 8:28

Pisinda pache u Mozesi akefyamo munyobe zyabo nukuvyocha pachighemo pamwanya pa chakwiyipa ichakocha ukuti chibanje ichakubimikila abaputi. Umunusi uwa chakwiyipa chinichi ghukamuhobosya u Mwene.

Ukubelengiwa 15:3

sona nanti mukubika ing'ombe pamo ing'ozi kwa Mwene ukuti chibanje chakwiyipa ichakocha icha chilapo chicho umunusi wache ghukumuhobosya pamo ukuti chibanje ichapalubazu pamo ichakwiyipa icha bwighane pamo ichakwiyipa icha lusekelo,

Matayi 15:19

Pakuti mumoyo uwa muntu, momumo mukufuma inyinong'ono imbibi, zizyo zikumulongolezya ukuti aghoghe, alowe nukubomba ubwamalaya; ubwiba, ubumyasi, sona ni yebo.

Yohani 3:6

Umuntu akupapiwa ku mubili na bapapi bache, loli akupapiwa ku muzimu nu Muzimu Umuzelu.

Aba Loma 1:21

Napapo bakamumanya u Chala, loli batakamuchindika, pamo ukumupalizya. Loli inyinong'ono zyabo zikaba zyamwalwe, sona amoyo ghabo ghakizula ni chisi.

Aba Loma 3:23

pakuti abantu bosi banangite, sona bapotwa pakufika mu buchindamu ubwa Chala.

2 Aba Kolinti 2:15

Pakuti aswe tuli ngati gho munusi umwiza uwa Kilisitu uwakumuhobosya u Chala pakasi pabantu babo bakupokiwa, sona na babo bakusobela.

Aba Efeso 5:2

Mubanje nu lughano ukuyana namumo u Kilisitu akatughanila nukwiyipa ubumi bwache pakuba chabupi ichakununkila, sona ni chakwiyipa ichakumuhobosya u Chala.

Aba Filipi 4:18

Naloli napokela vyosi, sona indi navyo ivyinji. Ilelo indi navyo vyosi ivyakusobelwa, pakuti u Epafulodito ampiye vivyo mukantumila. Viyanite bulo ni chakwiyipa ichamunusi umwiza, ghugho ghukumuhobosya nkani u Chala.

1 Yohani 5:19

Tuzimenye ukuti aswe twe bana aba Chala napapo abantu aba muchisu ichapasi bali pasi pa maka agha Mubibi yula.

1 Samuweli 26:19

Wee mwene wane teghelezya amazyu agha mubombi wako. Nanti we Mwene yuyo akulonda ukuti unsambukile, po apokele ichakwiyipa ichakupepesezya imbibi. Loli nanti bantu bachibomba bunubu, u Mwene abaghune. Ilelo banyefyamo mumpyana iya Mwene sona bakuti, ‘Bukagha pakubabombela abachala abanji.’