Ubwandilo 8:12 - IBAYIBOLO 2024

¹² U Nowa akalindilila sona amasiku aghanji seveni, po akayifumya sona inkunda kuzi, loli ubulendo ubu yitakanyokela.

Ubwandilo 8:12 Iomraidhean Croise

Ubwandilo 8:10

Bo ghachilapo amasiku aghanji seveni, u Nowa akayifumya sona inkunda mubwato mula.

Ubwandilo 8:11

Pachamabwila inkunda yila yikanyokela, po u Nowa akennya ilyani iteta ilya misyunguti kumulomo wache lilyo yikayaba! Panapa u Nowa akazimanya ukuti amizi ghanda pakupwa.

Masalimo 27:14

Umusubilaye u Mwene. Banga na maka sona ujimbaye, umusubilaye u Mwene.

Yesaya 25:9

Pisiku lilalila abantu bakwiza pakunena ukuti, “Naloli uyu we Chala witu, tukamusubila po akatupoka. Uyu we Mwene yuyo tukamusubila, zagha tusekelaye nukuhoboka pachifukwa icha kutupoka.”

Yesaya 26:8

Eee Mwene tukuzikonka izila zyako izya ndaghilo zyako, po tukukulindilila, u moyo witu ghukulonda nkani pakulikumbuka itabwa lyako, sona nukulichindika.

Yesaya 30:18

Pachifukwa chinichi u Mwene akubalindilila ukuti abapelelaye ichisa, akunyamuka nukubalanjizya ichililizi pakuti u Mwene we Chala uwanaloli. Basayiwa bosi babo bakumulindilila!

Yesaya 8:17

Nkumulindilila u Mwene, yuyo akubafisa icheni chache abamunyumba iya Yakobo. Po nkwiza pakumusubila.

Yelemiya 48:28

Mwee bantu mwe mukwikala mu Mowabu, epamo mutwaya utukulu nkani nukwikala pakasi pamabwe. Mubanje ngati yo nkunda yiyo yikuzenga ichivulumbo chache, ku mulyango uwa mpako.

Habakuku 2:3

Pakuti ubuvumbuli bukulindilila akabalilo kache, bukunena nizya bumalilo, sona butakwiza pakusimikiziwa ukuti bumyasi. Napapo bungakaba, pope bulo ubulindililaye, naloliloli bukwiza pakwiza, sona butakwiza pakukabila.