Ubwandilo 8:1 - IBAYIBOLO 2024

¹ Loli u Chala akamukumbuka u Nowa poka ni vitekwa ni vinyamana vyosi ivyamuzi vivyo akaba navyo mubwato mulamula. Po akalamula ukuti impepo yande pakukuka, panapo na panapo amizi ghala ghakanda pakupwa.

Ubwandilo 8:1 Iomraidhean Croise

Ubwandilo 19:29

Bo u Chala anangannya utwaya utwa mwikombe tula, akamukumbuka u Abulahamu, akamupoka u Loti kuluzimilo lula lulo lukanangannya utwaya tuto u Loti akikalaghamo.

Ubwandilo 30:22

U Chala akamukumbuka u Lakelo, akivwa inyiputo zyache nukumwighula impapo yache.

Ubwandilo 9:10

ni vyabumi vyosi, ni viyuni, ni vitekwa, ni vinyamana ivyamuzi. Ivi vyo vintu vyosi vivyo vikafumila kuzi poka nawe mubwato mula.

Nehemiya 13:14

Wee Chala wane, unkumbukaye pazyosi zinizi sona utakaluvyanje imbombo zyane inyiza, zizyo nabomba pa Nyumba iya Chala wane pakukubombela mubusubiliwa.

Nehemiya 13:22

Po nkabalamula aba Levi ukuti biswefye nukubuka pakulindilila pamulyango, umwakuti Isiku Ilyakutuzya libanje lizelu. Wee Chala wane, unkumbukaye sona unsungaye nu lughano lwako ulukulu nkani.

Nehemiya 13:29

Wee Chala wane, utakaluvyanje namumo abantu bala bakanyazizya imbombo yako iya buputi sona nu lufingo lulo ukafingana naba Levi.

Nehemiya 13:31

Nkalamula sona ukuti abantu babikaye pakabalilo kache inkwi ni vikomwa ivyakwanda pakutona. Wee Chala wane, ukumbukaye vyosi vinivi, sona umpelelaye ichisa.

Yobu 12:15

Nanti ayilema ivula kukuba ululanga nanti ayilekelezya, amizi aghakwizula ghakuchinangannya ichisu.

Yobu 14:13

“Nalondagha nkani nanti wanfisagha bulo mwipumpa mupaka papo ubukali bwako bwatozoka! Nanti wambikilagha akabalilo,” ukuti unkumbuke sona.

Masalimo 105:42

Pakuti akalikumbuka ilayizyo lyache izelu, lilyo akamulayizya umubombi wache u Abulahamu.

Masalimo 106:4

Wee Mwene, unkumbukaye, bo ukubapelela ichisa abantu bako. Bo ukubavwa abantu bako umpokaye nane bulo,

Masalimo 115:12

U Mwene akutukumbuka, sona akwiza pakutusaya. Akwiza pakubasaya abamunyumba iya Izilayeli, sona akwiza pakubasaya abaluko ulwa Aloni.

Masalimo 132:1

Wee Mwene, umukumbukaye u Devedi, sona nintamyo zizyo akomanite nazyo.

Masalimo 136:23

Akatukumbuka bo twe badedebazu. Ulughano lwache lwa bwila na bwila.

Masalimo 137:7

Wee Mwene, kumbukagha zizyo aba Edomu bakabomba, pisiku lilyo akawilagha Yelusalemu bakati, “Mumongolannye! Mumongolannye mupaka palwalo lwache!”

Masalimo 29:10

U Mwene ikaye pachitengo chache icha bumwene pamizi aghakwizula, sona ikaye pachitengo chache icha bumwene bwila na bwila.

Masalimo 36:6

Ubugholosu bwako buli ngati maghamba aghamaka, sona ubwanaloli bwako bope buli ngati nyanja inyibizu. Wee Mwene, ukubasungililagha abantu ni vinyamana.

Ukufuma 14:21

Po u Mozesi akagholosezya inyobe yache panyanja, po u Mwene akayipela impepo iyamaka iyakubufumilo bwizuba pakukukila panyanja busiku bosi. Inyanja yila yikanduka pakuba chisu ichumizu, sona amizi ghakagabinkana.

Ukufuma 15:10

Ukaputila umuyi wako, po inyanja yikabibizya, bakadwiba ngati chela mu mizi aghamaka.

Ukufuma 2:24

U Chala akivwa ukukoloma kwabo nukukumbuka ulufingo lwache, lulo akafingana nu Abulahamu nu Yisaki sona nu Yakobo.

Ivyili 25:23

Ngati mumo impepo iyakumitu yikwiza ni vula, momumo iyebo likwiza nu bukali.

Yesaya 44:27

nizyu lyane nkutulamula utusoko ukuti, ‘Kamuka, po nkukamusya utusoko twako tula,’

Yelemiya 50:38

Nkwiza nu lulanga pa mizi ghache, ghakwiza pakupwa. Pakuti ichisu chicho chikwiputa ivifwani abantu bache bakuzimbuliwa ni vifwani.

Amosi 8:7

Pachifukwa icha kwituvya ukwa bamunyumba iya Izilayeli, u Mwene alapa ukuti, “Ntakwiza pakuluvyapo nalumo ichintu chosi chicho babomba.

Yona 4:11

Po zingaba bulibuli nane, nkimba intangaba ni chitima nakaya akakulu nkani aka Ninive, mumo muli abantu abakuchila 120,000, babo batamenye pakulesannya ichintu ichiza ni chibibi, sona mumo vilimo ivitekwa ivyinji nkani?”

Nahumu 1:4

Akuyichemela inyanja nukuyikamusya, sona akuzikamusya isoko zyosi. Ivimelwa ivya mu Bashani nivya mu Kalimeli vikufoka, bope ubwezya ubwa mu Lebanoni bukumila.

Habakuku 3:2

Wee Mwene, nivuye nizya imbili yako, sona imbombo zyako zikumpelela ubogha. Po uzipelaye pakuba mpya mumasiku ghitu, sona zimanyikwanje pakabalilo kitu. Napapo ukalaye, loli utupelelaye ichisa.

Zekaliya 10:11

Abantu bane bakwiza pakudumusannya munyanja iya ntamyo, nkwiza pakughamazya amayigha agha panyanja. Ubwibizu ubwa lusoko ulwa Nayilo bukwiza pakupwa, kope ukwituvya ukwa ba Asiliya kukwiza pakwisiwa, indisa iya bumwene iya ba Ijiputi yikwiza pakupyoka.

Ukubelengiwa 10:9

Bo mukulwa ubwite na balwani binyu muchisu chinyu, babo bakubayivya, mulizyanje amapati aghakubasoka abantu, po u Mwene u Chala winyu akwiza pakubapoka munyobe izya balwani binyu.

Ukubelengiwa 22:32

Uwantumi uwa Mwene yula akamulalusya akati, “Nkimba choni chicho wayisyempite impunda yako katatu bunubu? Ane nizite pakukuzigha izila, pachifukwa ichakuti ubulendo bwako butakunhobosya.

Ubuvumbuli 16:19

Akaya akakulu nkani aka Babiloni kakagabinkana patatu, sona nutwaya utukulu nkani utwa vyisu vyosi tukamongoliwa. U Chala akamung'wesya u Babiloni umukulu nkani yula uvinyo uwa mulubako lwache, lulo lukizula nu bukali bwache ubukulu.

Ubuvumbuli 18:5

Pakuti imbibi zyache zyalundinkana pakufika kumwanya, u Chala akumufunda pachifukwa icha bubibi bwache.

1 Samuweli 1:19

Indabi yache pandabindabi nkani, u Elikana na bamunyumba yache bakalamusya pandabindabi pakumwiputa u Mwene, nukubwela ku Lama. U Elikana akamumanya umuchi wache u Hana, po u Mwene akamukumbuka u Hana.