Ubwandilo 7:4 - IBAYIBOLO 2024

⁴ Pakuti bo ghachilapo bulo amasiku seveni, nkwiza pakutuma ivula yiyo yikwiza pakutima pachisu ichapasi, amasiku 40, umusanya nu busiku, umwakuti izimizye ivintu vyosi ivya bumi vivyo nkavipela.”

Ubwandilo 7:4 Iomraidhean Croise

Ubwandilo 2:5

pachisu ichapasi patakabapo nachimo ichibyalwa. Imbeyu zikaba zichili zitamelite, pakuti u Mwene u Chala akaba achili atatumite nayimo ivula, sona patakabapo nayumo umuntu uwakuti angalima ichisu chilachila.

Ubwandilo 6:13

Po u Chala akamubuzya u Nowa akati, “Nadumula pakubazimizya zila abantu bosi. Nkwiza pakubanangannya abantu pachifukwa ichakuti bachizuzya ichisu ichapasi nu bubibi bwabo.

Ubwandilo 6:17

Nkwiza pakutuma amizi aghakwizula pachisu ichapasi, umwakuti ghanangannye ivintu vyosi ivya bumi. Ivintu vyosi pachisu ichapasi vikwiza pakuzimila zila.

Ubwandilo 6:3

Po u Mwene akati, “Ntakwiza pakubitikizya abantu pakwikala nubumi bwila na bwila, pakuti abantu gho mubili ghugho ghukufwa. Ukwanda ilelo abantu bakwiza pakuba na maka 120.”

Ubwandilo 6:7

Akati, “Nkwiza pakubazimizya zila abantu bosi babo nkabapela. Nkwiza pakuvizimizya sona ivinyamana ni viyuni sona ni vinyamana ivyakwavula pachifukwa ichakuti indi ni chitima ukuti nkavipela vyosi vinivi.”

Ubwandilo 7:10

Bo ghachilapo amasiku seveni ghala amizi aghakwizula ghakafika pachisu ichapasi.

Ubwandilo 7:12

Po ivula yikatima pachisu ichapasi, amasiku 40, umusanya nu busiku.

Ubwandilo 7:17

Amizi aghakwizula ghakizulilagha muchisu ichapasi mupaka amasiku 40. Po amizi ghakanda pakwizula pachisu ichapasi, po ubwato bula bukanda pakwambama.

Ubwandilo 7:3

Usendeko sona iviyuni seveni ivyakulekanalekana ichanavuli ni chikolo. Ubombe bunubu ukuti ivinyamana vyosi sona ni viyuni visungiwe nubumi umwakuti vibanje mbeyu pachisu ichapasi.

Ubwandilo 8:10

Bo ghachilapo amasiku aghanji seveni, u Nowa akayifumya sona inkunda mubwato mula.

Ubwandilo 8:12

U Nowa akalindilila sona amasiku aghanji seveni, po akayifumya sona inkunda kuzi, loli ubulendo ubu yitakanyokela.

Ubwandilo 8:2

Imbwibwi izya mizi izya kusi kuchisu poka na kumwanya vikighaliliwa. Ivula yikaleka pakutima,

Yobu 22:16

Bakazompoliwa bo na kabalilo kabo katafikite, ulwalo lwabo lukabukila na mizi aghakwizula.

Yobu 28:25

Bo aghikazya amaka agha mpempo, nukughapima amizi,

Masalimo 69:28

Ughazimye amatabwa ghabo mwibuku ilya bumi, sona batakasimbiwanje poka na bantu abagholosu.

Yelemiya 28:16

Polelo, u Mwene akuti, ‘Indi papipi pakukwefyamo muchisu ichapasi. Ukwiza pakufwa mumwaka ghunughu, pachifukwa ichakuti walumbilila nizya kumusambukila u Mwene.’ ”

Amosi 4:7

“Nkayilema ivula, bo inyinulo yinyu yasyala amezi matatu. Nkatimizya ivula mukaya kamo akakulu, loli intakayitimizya mukaya akanji akakulu. Ivula yikatima mumughunda ghumo, loli mumughunda ughunji ivula yitakatimamo, po imbeyu zikuma.

Ubuvumbuli 3:5

Umuntu wesi yuyo akupota, akwiza pakuvwikiwa amenda amaswepu. Ntakwiza pakuzimya itabwa lyache mwibuku ilya bumi. Nkwiza pakumwitika pamaso pa Tata wane, sona napa bantumi bache.