Ubwandilo 7:21 - IBAYIBOLO 2024

²¹ Ivyabumi vyosi pachisu ichapasi vikazimila: Iviyuni vyosi ni vitekwa ni vinyamana vyosi ivyamuzi ni vinyamana ivyakwavula sona na bantu bosi bakafwa.

Ubwandilo 7:21 Iomraidhean Croise

Ubwandilo 1:25

U Chala akavipela ivinyamana vyosi ivya muzi ivyakulekanalekana, ni vitekwa ivyakulekanalekana sona ni vinyamana vyosi ivyaluko nuluko ivyakwavula. Po u Chala akennya ukuti ichi chikaba chiza bulo.

Ubwandilo 6:13

Po u Chala akamubuzya u Nowa akati, “Nadumula pakubazimizya zila abantu bosi. Nkwiza pakubanangannya abantu pachifukwa ichakuti bachizuzya ichisu ichapasi nu bubibi bwabo.

Ubwandilo 6:17

Nkwiza pakutuma amizi aghakwizula pachisu ichapasi, umwakuti ghanangannye ivintu vyosi ivya bumi. Ivintu vyosi pachisu ichapasi vikwiza pakuzimila zila.

Ubwandilo 7:4

Pakuti bo ghachilapo bulo amasiku seveni, nkwiza pakutuma ivula yiyo yikwiza pakutima pachisu ichapasi, amasiku 40, umusanya nu busiku, umwakuti izimizye ivintu vyosi ivya bumi vivyo nkavipela.”

Yobu 34:15

po ivyabumi vyosi ngali vifuye poka nu muntu, po umuntu ngali anyokeye kwitope.

Yesaya 24:19

Ichisu ichapasi chapyoka, chagabinkana tunanditunandi, sona chili pakuneng'ena kabibi nkani.

Yesaya 24:6

Polelo ichighune chikulungulizya ichisu, po abantu babo bakuyimba pachifukwa icha bubibi bwabo, cho chifukwa baba banandi bulo babo balekiwa.

Hoseya 4:3

Pachifukwa icha zinizi ichisu chikulila, sona bosi babo bakwikalamo bakwiza pakudedebala, umwakuti ivinyamana ivyamunkolongo, ni viyuni sona niswi vikwiza pakuzimila.

Yoweli 2:3

Kuntazi kukwabo umoto ghukulungulizya ivintu vyosi, sona kwisinda kukwabo indimi izya moto zikocha vivyo vyasyala. Kuntazi kukwabo ichisu chila chili ngati mughunda uwa Edeni, sona kwisinda kukwabo chikanduka pakuba nkolongo, patakabapo nachimochimo ichakusyalamo.

Zefaniya 1:3

“Nkwiza pakubazimizya abantu ni vinyamana, nkwiza pakuvinangannya iviyuni sona niswi, nivifwani vivyo vikubapela abantu ababibi pakwipunula. Nkwiza pakubanangannya abantu ababibi bo nkubazimizya abantu pachisu ichapasi.” U Mwene anena.

Matayi 24:39

Loli batakamanyagha chicho chikabombiwanga mupaka amizi ghakiza nukubapyela bosi. Momumo kukwiza pakubela bo u Mwana uwa Muntu akwiza.

Luka 17:27

Abantu bakalyanga nukung'wela, bakasendanagha mupaka pisiku lilyo u Nowa akinjila mubwato ubukulu nkani. Po amizi ghakizula nukubaghogha bosi.

Aba Loma 8:20

Ivipeliwa vikapeliwa ukuti vibaghiye pakusita pakuba ni mbombo, chite chifukwa ichakuti vikalondagha ukuti vibanje bulabula, loli pachifukwa ichakuti u Chala akaba weyuyo akalonda ukuti vibanje bulabula. Loli pakaba ulusubilo

Aba Loma 8:22

Pakuti tuzimenye ukuti mupaka pakabalilo aka ivipeliwa vyosi vikukoloma nu bubavu ngati mukolo pakabalilo akakusayiwa.

2 Pitala 2:5

U Chala atakachileka bulo ichisu chila, loli akachizimizya ichisu ichapasi na mizi aghakwizula sona na bantu babo batakamunyilagha u Chala. Loli akamupoka mwene u Nowa, yuyo akalumbililagha nizya bugholosu poka na bantu abanji seveni.