Ubwandilo 7:12 - IBAYIBOLO 2024

¹² Po ivula yikatima pachisu ichapasi, amasiku 40, umusanya nu busiku.

Ubwandilo 7:12 Iomraidhean Croise

Ubwandilo 7:17

Amizi aghakwizula ghakizulilagha muchisu ichapasi mupaka amasiku 40. Po amizi ghakanda pakwizula pachisu ichapasi, po ubwato bula bukanda pakwambama.

Ubwandilo 7:4

Pakuti bo ghachilapo bulo amasiku seveni, nkwiza pakutuma ivula yiyo yikwiza pakutima pachisu ichapasi, amasiku 40, umusanya nu busiku, umwakuti izimizye ivintu vyosi ivya bumi vivyo nkavipela.”

Ubwandilo 8:2

Imbwibwi izya mizi izya kusi kuchisu poka na kumwanya vikighaliliwa. Ivula yikaleka pakutima,

1 Abamwene 19:8

Po akanyamuka, akalya nukung'wela. Akakaba amaka pachifukwa icha chakulya chilachila, akenda amasiku 40 umusanya nu busiku mupaka akafika ku Sinayi, kwighamba ilya Chala.

Ukufuma 24:18

Po u Mozesi akinjila mwibingu mula nukukwela mupaka pamwanya pighamba nukwikala palapala amasiku 40 umusanya nu busiku.

Matayi 4:2

Bo u Yesu atuzya pakulya amasiku 40, umusanya nu busiku, izala yikamulema.

Ukukumbusya Amalamulo 10:10

Ane nkikala pighamba palapala amasiku 40, umusanya nu busiku ukuyana namumo nkabombela pakwanda pala. U Mwene akanteghelezya sona pakabalilo kanaka, po akitika ukuti atakwiza pakubanangannya.

Ukukumbusya Amalamulo 9:18

Nkafughama sona pamaso pa Mwene nukwiputa amasiku 40, umusanya nu busiku. Ntakalyapo pamo ukung'welapo ichintu nachimochimo, pachifukwa ichakuti amwe mukamunangila u Mwene nukumukalalizya.

Ukukumbusya Amalamulo 9:9

Bo nakwela pighamba pakupokela amabwe amapapate mabili, ghagho pakasimbiwapo ulufingo lulo u Mwene akafingana namwe, ane nkikala palapala amasiku 40, umusanya nu busiku. Ntakalyapo pamo ukung'welapo ichintu nachimochimo.

2 Pitala 3:6

Po ghakaba mizi ghanagha, ghagho akabombezya pakuchidwibisya nukuchizimizya ichisu ichapasi ichakale.