Ubwandilo 6:9 - IBAYIBOLO 2024

⁹ Ili lyo lipangwi ilya Nowa. U Nowa akaba muntu mugholosu, yuyo atakaba na kalema nakamokamo pakabalilo kache, sona akabombagha zizyo zikamuhobosyanga u Chala.

Ubwandilo 6:9 Iomraidhean Croise

Ubwandilo 10:1

Ulu lo lubatiko ulwa baluko ulwa bana aba Nowa: U Shemu nu Hamu nu Yafeti. Abana batatu banaba bakapapa abana babo bo amizi aghakwizula ghamala.

Ubwandilo 17:1

Bo u Abulamu ali na maka 99, u Mwene akamubonekela nukumubuzya ukuti, “Ane ne Chala Uwamaka Ghosi. Unyivwilaye, sona bombagha chicho chigholosu.

Ubwandilo 2:4

Ili lyo lipangwi ilyakulingannya namumo kumwanya ni chisu ichapasi vikapeleliwa. Bo u Mwene u Chala apela kumwanya ni chisu ichapasi,

Ubwandilo 48:15

Po akamusaya u Yosefu akati, “U Chala yuyo abatata bane u Abulahamu nu Yisaki bakamubombelagha abasaye abana banaba. U Chala yuyo ansungilila mupaka pakabalilo aka, abasaye abana banaba.

Ubwandilo 5:1

Ulu lo lubatiko ulwa baluko ulwa Adamu. Bo u Chala abapela abantu, akabapela muchifwani chache.

Ubwandilo 5:22

Pisinda pache u Enoki akikala mukumamatilana poka nu Chala amaka 300. Akapapa abana abanji abalumendo na balindu.

Ubwandilo 5:24

Akabalilo kosi aka bumi bwache akikalagha mukumamatilana poka nu Chala. U Enoki akazyebeluka bulo pakuti u Chala akamusenda.

Ubwandilo 6:10

U Nowa akaba na bana batatu: U Shemu nu Hamu nu Yafeti.

Ubwandilo 7:1

Po u Mwene akamubuzya u Nowa akati, “Injila mubwato awe na bamunyumba yako bosi chifukwa nakwagha ukuti wewe wemwene we ukubomba zizyo ngolosu munkulilo iyi.

2 Samuweli 22:24

Ane inte ninongwa nayimoyimo pamaso papache, sona nkazileghuka imbibi.

1 Abamwene 3:6

U Solomoni akamwamula akati, “Wee Mwene wane, ukamughana nkani u tata wane u Devedi pachifukwa ichakuti akaba muntu musubiliwa nu mugholosu, sona wanaloli. Umughanite nkani, sona wamupa umwana umulumendo ukuti ikalaye pachitengo icha bumwene mupaka nilelo bulo.

2 Imbili 15:17

Napapo u Asa atakabwefya ubuzilo ubwapamwanya ubwakwiputilapo ivifwani mu Izilayeli, loli akamusubila u Mwene mubumi bwache bosi.

2 Imbili 25:2

U Amaziya akamuhobosya u Mwene pakubomba ingolosu, loli atakazibomba nu moyo wache ghosi.

Yobu 1:1

Muchisu icha Uzi mukabamo umuntu yumo yuyo akaba we Yobu. Umuntu yunuyu atakaba nakalema nakamokamo sona akaba mugholosu, umwakuti akamwiputagha u Chala nukuzinyila imbibi.

Yobu 1:8

Po u Mwene akamulalusya u Satana akati, “Nkimba wamwennyapo umubombi wane u Yobu? Pachisu ichapasi patalipo nayumoyumo umuntu uwakuyana nawe. U Yobu ate nakalema nakamokamo sona we mugholosu, yuyo akunyila ane ne Chala, nukuzinyila imbibi.”

Yobu 12:4

“Ane naba ne chabakusesya abamanyani bane. Nkamwitizya u Chala po akanyamula napapo ne chakusesya bulo, sona ne muntu mugholosu nu musita akalema nakamo!”

Masalimo 37:37

Umwenelezye nkani umuntu yuyo ate ni chilema nachimochimo, sona umupime umuntu umugholosu, umuntu uwa umutende akuba nabanyenya abinji.

Masalimo 37:39

Ubupoki ubwa bantu abagholosu bukufuma kwa Mwene, sona we lilinga lyabo pakabalilo akantamyo.

Ivyili 4:18

Izila iya bagholosu yili ngati ko kubuche, kuko kukulama nkani mupaka izuba lyafika pamutu.

Umulumbilili 7:20

Atalipo nayumoyumo umuntu umugholosu pachisu ichapasi, yuyo akubomba ingolosu zyene, sona atakunangapo nalumo.

Ezekiyeli 14:14

Napapo abantu batatu bala, u Nowa, u Daniyeli nu Yobu, bakikalagha mulamula, ngali bakapoka ubumi bwabo bwene nu bugholosu bwabo, u Mwene Uwamaka Ghosi anena.

Ezekiyeli 14:20

napapo bakikalagha mulamula abantu batatu bala, u Nowa nu Daniyeli sona nu Yobu naloli nkulapila mwa Mwene Uwamaka Ghosi umumi, ngali batakabapoka abana babo abalumendo pamo abalindu. Ngali bakipoka bene pachifukwa icha bugholosu bwabo.

Habakuku 2:4

“Ennya te basubiliwa sona banyinong'ono inyonganu, loli abantu abagholosu bakwiza pakuba nubumi, pachifukwa ichalwitiko lwabo.

Luka 1:6

Bosi babili bakaba bantu abagholosu pamaso pa Chala nukukonka akiza indaghilo na malamulo ghosi agha Mwene.

Luka 2:25

Pakabalilo kalakala kukabako umuntu yumo yuyo akaba we Simiyoni, yuyo akikalagha mu Yelusalemu. Akaba mugholosu, sona umuntu uwakumunyila u Chala. Akalindililagha akabalilo kako u Chala akwiza pakubapoka aba Izilayeli, sona u Muzimu Umuzelu akaba nawe.

Luka 23:50

Kukabako umuntu yumo yuyo akaba we Yosefu, weka uwakabukatila aka balongozi. Akaba muntu mwiza sona mugholosu.

Imbombo 10:22

Bakamula bakati, “Usongo u Kolineliya atutuma. Umwene muntu mugholosu, yuyo akumwiputa u Chala, sona achindikiwe nkani naba Yuda bosi. Uwantumi uwakumwanya uwa Chala akamubuzya ukuti akwitizye awe ukuti ubuke kunyumba yache, ukuti ivwe zizyo ukulonda pakunena.”

Aba Loma 1:17

Pakuti Amazyu Amiza ghakuvumbula namumo u Chala akubanenela abantu pakuba bagholosu pamaso papache: Ko kwendela mulwitiko ukwandila ko kubwandilo mupaka kubumalilo. Amasimbo ghakuti, “Abantu babo u Chala akubanena pakuba bagholosu ukwendela mu lwitiko, bakwiza pakuba nubumi.”

Aba Galatiya 3:11

Chili pabuzelu bulo ukuti nayumo umuntu yuyo u Chala akumunena pakuba mugholosu pantazi papache pakukonka Indaghilo, pakuti Amasimbo ghakuti, “Abantu abagholosu bakwiza pakuba nubumi ukwendela mu lwitiko.”

Ukukumbusya Amalamulo 18:13

Amwe mubanje mwe basubiliwa umwakufikapo kwa Mwene u Chala winyu.

Aba Hebeli 11:7

Lukaba lwitiko lulo lukamupela u Nowa ukuti asokiwe nu Chala nizya vintu vivyo vikaba vichili vitabonekite. U Nowa akivwila nukubiza ubwato bubo umwene poka ni mbumba yache bakaponelamo. Pachifukwa icha ulwitiko lwache, u Nowa akalanjizya ukuti abantu aba muchisu ichapasi banangite, po akapokela ichilingo icha bugholosu, chicho u Chala akubapa abantu babo bakumusubila.

1 Pitala 2:5

Namwe bulo mubanje ngati gho mabwe amumi, aghakuti u Chala azengele inyumba iya buzimu, umwakuti mubanje mwe baputi abapaghuliwa, pakubika ivyakwiyipa ivyabuzimu vivyo vikumuhobosya u Chala ukwendela mwa Yesu Kilisitu.

2 Pitala 2:5

U Chala atakachileka bulo ichisu chila, loli akachizimizya ichisu ichapasi na mizi aghakwizula sona na bantu babo batakamunyilagha u Chala. Loli akamupoka mwene u Nowa, yuyo akalumbililagha nizya bugholosu poka na bantu abanji seveni.