Ubwandilo 6:8 - IBAYIBOLO 2024

⁸ Loli u Mwene akahoboka nu Nowa.

Ubwandilo 6:8 Iomraidhean Croise

Ubwandilo 19:19

Wampelela ichisa nkani pakubupoka ubumi bwane. Loli intangachimbilila kumaghamba pakuti kutali nkani, lumo ukunanganika kunganyagha muzila nukungogha, bo intafikiteko nukufika.

Masalimo 145:20

U Mwene akubasungilila bosi babo bamughanite, loli akwiza pakubanangannya abantu ababibi.

Masalimo 84:11

Pakuti u Mwene u Chala lizuba sona ngulu, akutupa ivyiza vyosi sona akutuchindika. U Mwene akubapa ivintu ivyiza abantu babo bagholosu.

Ivyili 12:2

Umuntu umwiza u Mwene, akuhoboka nawe, loli akumulonga umuntu yuyo akubatika pakubomba ububibi.

Ivyili 3:4

Po ukwiza pakuhoboka ni nkalo inyiza pamaso pa Chala, na pabantu bulo.

Ivyili 8:35

Pakuti wesi yuyo akunyagha, kokuti abwagha ubumi sona ane ne Mwene nkuhoboka nawe.

Yelemiya 31:2

U Mwene akuti, “Nkwiza pakubapelela ichisa abantu babo bakapona kubwite munkolongo, bo aba Izilayeli bakulonda ubutuzyo.”

Ezekiyeli 14:14

Napapo abantu batatu bala, u Nowa, u Daniyeli nu Yobu, bakikalagha mulamula, ngali bakapoka ubumi bwabo bwene nu bugholosu bwabo, u Mwene Uwamaka Ghosi anena.

Matayi 24:37

Ukwiza ukwa Mwana uwa Muntu kukwiza pakuyana bulo namumo vikabela pakabalilo aka Nowa.

Luka 1:30

Uwantumi yula akamubuzya akati, “Maliya, utakanyilaye, u Chala akulanjizya ichisa chache.

Luka 17:26

Ukuyana namumo vikabela pakabalilo aka Nowa, momumo kukwiza pakubela sona pakabalilo aka Mwana uwa Muntu.

Imbombo 7:46

U Chala akahoboka nkani nu Devedi, po u Devedi akamulaba ukuti amwitikizye ukuti amuzengele inyumba iyakwikalamo u Chala uwa Yakobo.

Aba Loma 11:6

Loli ukusala ukwa Chala kukima pachisa chache, kute po pavintu vivyo bakabomba. Nanti zikabanga bunubu, kokuti ichisa chache, ngali chitakaba chisa ichenecho.

Aba Loma 4:4

Uwambombo akupokela amalipilo ghache, bo abomba. Amalipilo ghalaghala ghatayanite ni chabupi, loli akupokela chicho abaghiye pakupokela.

1 Aba Kolinti 15:10

Loli muchisa icha Chala indi mumo imbeleye, sona ichisa chache papane chitakaba chabulo, awe. Loli nkiyula nkani ukuchila abatumiwa abanji bosi, napapo intakaba nene, loli chisa icha Chala chicho chili nane.

Aba Galatiya 1:15

Loli u Chala akampaghulila zila bo inchili na pakupapiwa bulo, nukunyitizya muchisa chache. Bo ahoboka nane,

2 Timoti 1:18

U Mwene amupelele ichisa Pisiku ilyabumalilo! Sona awe, uyimenye akiza nkani imbombo yiyo akambombela mukaya aka Efeso.

Titi 2:11

Pakuti u Chala avumbula ichisa chache ukuti abantu bosi bapokiwe.

Titi 3:7

umwakuti ukwendela muchisa chache tunganeniwa pakuba bantu abagholosu pamaso pa Chala nukupokela ubumi ubwa bwila na bwila bubo tukubulindilila nu lusubilo.

Aba Hebeli 4:16

Po zagha tupalamile kuchitengo icha bumwene icha Chala uwachisa nkani umwakusita ubogha, umwakuti tupokele ichisa, sona nukutwavwa pakabalilo kitu akakusobelwa.

1 Pitala 3:20

Imizimu yiniyi yikaba ya bantu babo batakamwivwilagha u Chala, bo u Chala akulindilila mubufisalyoyo, mumasiku ghagho u Nowa akazengelagha ubwato. Abantu eyiti, abanandi bulo mubwato mulamula, bo babo bakapokiwa na mizi ghalaghala.

2 Pitala 2:5

U Chala atakachileka bulo ichisu chila, loli akachizimizya ichisu ichapasi na mizi aghakwizula sona na bantu babo batakamunyilagha u Chala. Loli akamupoka mwene u Nowa, yuyo akalumbililagha nizya bugholosu poka na bantu abanji seveni.