Ubwandilo 6:7 - IBAYIBOLO 2024

⁷ Akati, “Nkwiza pakubazimizya zila abantu bosi babo nkabapela. Nkwiza pakuvizimizya sona ivinyamana ni viyuni sona ni vinyamana ivyakwavula pachifukwa ichakuti indi ni chitima ukuti nkavipela vyosi vinivi.”

Ubwandilo 6:7 Iomraidhean Croise

Ubwandilo 6:6

Akaba ni chitima pachifukwa ichakuti akabapela abantu nukubabika muchisu ichapasi. Po chikamubaba nkani mumoyo wache.

Ubwandilo 7:21

Ivyabumi vyosi pachisu ichapasi vikazimila: Iviyuni vyosi ni vitekwa ni vinyamana vyosi ivyamuzi ni vinyamana ivyakwavula sona na bantu bosi bakafwa.

Ubwandilo 7:4

Pakuti bo ghachilapo bulo amasiku seveni, nkwiza pakutuma ivula yiyo yikwiza pakutima pachisu ichapasi, amasiku 40, umusanya nu busiku, umwakuti izimizye ivintu vyosi ivya bumi vivyo nkavipela.”

Ubwandilo 8:21

Bo u Mwene anusya umunusi umwiza ghula akati, “Ntakwiza pakuchighuna sona ichisu ichapasi pachifukwa icha zizyo abantu bakubomba, pakuti inzimenye ukuti inyinong'ono izya muntu umubibi zikwandila kubwana bwache. Ntakwiza sona pakuvizimizya ivintu vyosi ivyabumi ukuyana namumo nabombela.

Masalimo 37:20

Loli abantu ababibi bakwiza pakuzimila. Abalwani aba Mwene bakwiza pakuba ngati bwezya ubwa muzi, naloli bakuzyebeluka ngati lyosi.

Ivyili 10:27

Ukumunyila u Mwene kukonjelezya ubumi ubutali, loli amaka agha muntu umubibi ghakuba mapimpa.

Ivyili 16:4

Chosi chicho u Mwene achipelite chili nu bumalilo bwache, po ubumalilo ubwa muntu umubibi ko kunanganika.

Yesaya 27:11

Nanti isamba zyache zyumila zikupyoka, sona abakolo bakuzitenya nukuzipela pakuba nkwi. Pakuti banaba bo bantu babo batakwivwa, po Umupeli wabo ate ni chililizi nabo, Umupeli wabo atakubapelela ichisa.

Hoseya 4:3

Pachifukwa icha zinizi ichisu chikulila, sona bosi babo bakwikalamo bakwiza pakudedebala, umwakuti ivinyamana ivyamunkolongo, ni viyuni sona niswi vikwiza pakuzimila.

Amosi 7:3

Po u Mwene akabwisya ubukali bwache nukuti, “Zinizi zitakwiza pakubombiwa.”

Amosi 7:6

Po u Mwene akabwisya ubukali bwache nukuti, “Zinizi zitakwiza pakubombiwa sona.” U Mwene Uwamaka Ghosi anena.

Zefaniya 1:18

Usiliva pamo ugolide wabo vitakwiza pakubapoka pisiku ilya kukalala ukwa Mwene. Mumoto wache uwakabini ichisu chosi ichapasi chikwiza pakulungulila, pakuti akwiza pakubamala umwalubilolubilo abantu bosi babo bakwikala mulamula.

Zefaniya 1:2

“Nkwiza pakuvipyela ivintu vyosi ivya pachisu ichapasi.” U Mwene anena.

Zefaniya 1:3

“Nkwiza pakubazimizya abantu ni vinyamana, nkwiza pakuvinangannya iviyuni sona niswi, nivifwani vivyo vikubapela abantu ababibi pakwipunula. Nkwiza pakubanangannya abantu ababibi bo nkubazimizya abantu pachisu ichapasi.” U Mwene anena.

Ukukumbusya Amalamulo 28:63

Ukuyana namumo chikamuhobosezya u Mwene pakubapela ukuti ivintu vibendelaye akiza, sona nukuti mubanje mwe binji nkani, po chikwiza pakumuhobosya u Mwene pakubanangannya nukubazimizya. Akwiza pakubanyunkulamo muchisu chicho mukubuka pakwikalamo.

Ukukumbusya Amalamulo 29:20

U Mwene atakwiza pakumuhobokela nalumo umuntu yunuyu. Naloli ubukali nulweke ulwa Mwene vikwiza pakumocha umuntu yunuyu. Ivighune vyosi vivyo visimbiwe mwibuku linili vikwiza pakumuwila, sona u Mwene akwiza pakulizimya itabwa lyache muchisu ichapasi.

1 Samuweli 15:11

“Indi ni chitima nkani ukuti nkamwimika u Sabuli pakuba we mwene. U Sabuli ansambukila, sona aleka pakughakonka amalamulo ghane.” U Samuweli akakalala nkani, po akamulambilizya u Mwene ubusiku bosi bulabula.