Ubwandilo 6:2 - IBAYIBOLO 2024

² Abana abalumendo aba Chala bakennya ukuti abana abalindu aba bantu bakabonekagha akiza, po bakanda pakubasenda babo bakabaghana.

Ubwandilo 6:2 Iomraidhean Croise

Ubwandilo 12:11

Bo u Abulamu ali papipi pakuloboka impaka iya chisu icha Ijiputi, akamubuzya umuchi wache u Salayi akati, “Weya we, inzimenye ukuti we mukolo uwakuboneka akiza nkani.

Ubwandilo 24:3

Lapa pamaso pa Mwene, u Chala uwakumwanya ni chisu chosi ichapasi ukuti utakwiza pakumusendela umwana wane umulindu uwa muchisu icha Kenani, mumo ane nkwikala.

Ubwandilo 26:35

Abakolo babili aba bakamupelela intamyo nkulu nkani u Yisaki nu Labeka.

Ubwandilo 27:46

U Labeka akamubuzya u Yisaki akati, “Nalita pakwikala na bachi abayeni aba Esabu, nanti u Yakobo akusenda yumo uwa bakolo banaba, chingaba chizapo ukuti nane infwe?”

Ubwandilo 3:6

Bo umukolo ennya ivikomwa ivya likwi lila ukuti vikaba vyiza pakulya nukuboneka akiza, sona nukuti vingamupa amahala, akayabamo ivikomwa vimo nukulya. Akamupako vimo umulume wache, po wepe akalya.

Ubwandilo 4:26

U Seti akapapa umwana umulumendo nukumwita ukuti we Enoshi. Aka kakaba kabalilo kako abantu bakanda pakumwiputa u Mwene.

Ubwandilo 6:1

Bo abantu banda pakubala nkani muchisu ichapasi, bakapapa abana abalindu.

Ubwandilo 6:3

Po u Mwene akati, “Ntakwiza pakubitikizya abantu pakwikala nubumi bwila na bwila, pakuti abantu gho mubili ghugho ghukufwa. Ukwanda ilelo abantu bakwiza pakuba na maka 120.”

2 Samuweli 11:2

Isiku limo pachamabwila, u Devedi akanyamuka pachitala chache, nukwanda pakugholola ivinama muchipinda ichapamwanya icha nyumba yache iya bumwene. Bo ali palapala akamwennya umukolo yumo ali pakogha. Umukolo yula akabonekagha akiza nkani,

Ezila 9:12

Po abana babo abalumendo batakabanje bakwalima binyu sona abana binyu abalindu batakabanje balasagha babo. Mutakamanyanaye nabo nalumo, umwakuti ivintu vibendelaye akiza muchisu chilachila nukuti chibanje mpyana iya bana binyu bwila na bwila.’

Yobu 1:6

Isiku limo abantumi bakiza pakwilanjizya pamaso pa Mwene, u Satana wepe akiza poka nabo.

Yobu 31:1

Nkafinga ulufingo na maso ghane, ukuti ntakwiza pakumunyonywapo umulindu.

Ukufuma 34:16

Lumo abana binyu abalumendo bangasenda abana babo abalindu nukubapela pakuba basita basubiliwa kukwane, po bope bakwiza pakubiputa abachala abanji.

Yesaya 63:16

Loli awe we Tata witu, napapo u Abulahamu atakatumanya, pamo aba Izilayeli pakutwitika, Wee Mwene we Tata witu, we mutabuli witu ukwanda bulo kale lyo litabwa lyako.

Malaki 2:11

Abantu aba muchisu icha Yuda bate basubiliwa, ichintu ichamwiko chabombiwa mu Izilayeli na mu Yelusalemu. Abantu aba mu Yuda bayinyaza Inyumba iya Mwene yiyo ayighanite nkani, pakubimala abakolo babo bakwiputa u chala uwa chiyeni.

Malaki 2:15

Nkimba atakaba we Chala yuyo akabapela amwe pakuba mubili ghoka nu muzimu ghoka? Po nkimba chifukwa choni? Pachifukwa ichakuti akulonda abaluko ulwa Chala. Po ubwenelezyanje ubumi bwako, sona ubanje musubiliwa kumuchi wako uwakwanda yuyo ukasenda bo wemulumendo.

1 Aba Kolinti 7:39

Umukolo apinyiwe akabalilo kosi kako umulume mumi, loli nanti umulume wache afwa, po musatuke pakusendiwa nu mwanavuli wesi yuyo akumulonda, loli pene papo nanti umwanavuli mukilisitu.

2 Aba Kolinti 6:18

Nkwiza pakuba ne ghuso, amwe mukwiza pakuba mwe bana bane abalumendo na balindu, momumo akunenela u Mwene u Chala Uwamaka Ghosi.”

Ukukumbusya Amalamulo 14:1

Amwe mwe bantu aba Mwene u Chala winyu. Po nanti muli pachililo, mutakibolannyanje pamo ukumwa isisi,

2 Pitala 2:14

Bakulowa na maso ghabo bulo, sona ni vinyonywa vyabo vitakumala. Bakubategha abantu babo amoyo ghabo ghali mumwanyamwanya. Amoyo ghagho ghamanyiye pakuba mapafu, sona baghuniwa nu Chala!

1 Yohani 2:16

Vilipo ivintu ivyinji ivya muchisu ichapasi vivyo vyo ivi: Ivinyonywa ivibibi ivya buntu, ivintu vivyo amaso ghakuvyennya nukuvinyonywa, ukwitutumula nu bukabi bubo tuli nabo. Ivintu vyosi vinivi vitafumite kwa Tata, loli vintu bulo ivya muchisu ichapasi.