Ubwandilo 6:17 - IBAYIBOLO 2024

¹⁷ Nkwiza pakutuma amizi aghakwizula pachisu ichapasi, umwakuti ghanangannye ivintu vyosi ivya bumi. Ivintu vyosi pachisu ichapasi vikwiza pakuzimila zila.

Ubwandilo 6:17 Iomraidhean Croise

Ubwandilo 2:7

Po u Mwene u Chala akasenda itope nukumata umuntu. Akamufutila umuyi uwakupa ubumi mumpuno zyache, po umuntu yula akaba nubumi.

Ubwandilo 6:13

Po u Chala akamubuzya u Nowa akati, “Nadumula pakubazimizya zila abantu bosi. Nkwiza pakubanangannya abantu pachifukwa ichakuti bachizuzya ichisu ichapasi nu bubibi bwabo.

Ubwandilo 6:16

Upange akasonje aka bwato nukubuleka ubuzilo ubwakukwana hafu mita pakasi pa kasonje kala ni vibumba. Ugabe ivipinda vitatu, choka pasi, ni chabubili pakasi, sona ni chabutatu pamwanya nukubika umulyango mulubazu.

Ubwandilo 6:7

Akati, “Nkwiza pakubazimizya zila abantu bosi babo nkabapela. Nkwiza pakuvizimizya sona ivinyamana ni viyuni sona ni vinyamana ivyakwavula pachifukwa ichakuti indi ni chitima ukuti nkavipela vyosi vinivi.”

Ubwandilo 7:15

U Nowa akinjila mubwato mula poka ni vinyamana vyosi ivyabumi, vibilivibili ichanavuli ni chikolo,

Ubwandilo 7:17

Amizi aghakwizula ghakizulilagha muchisu ichapasi mupaka amasiku 40. Po amizi ghakanda pakwizula pachisu ichapasi, po ubwato bula bukanda pakwambama.

Ubwandilo 7:4

Pakuti bo ghachilapo bulo amasiku seveni, nkwiza pakutuma ivula yiyo yikwiza pakutima pachisu ichapasi, amasiku 40, umusanya nu busiku, umwakuti izimizye ivintu vyosi ivya bumi vivyo nkavipela.”

Ubwandilo 9:9

“Ilelo nkufinga nawe ulufingo, poka na baluko lwako,

Yobu 22:16

Bakazompoliwa bo na kabalilo kabo katafikite, ulwalo lwabo lukabukila na mizi aghakwizula.

Masalimo 107:34

Ichisu icha muvundo pakuba chisu icha mbeya, pachifukwa icha bantu ababibi, babo bakwikala mulamula.

Masalimo 29:10

U Mwene ikaye pachitengo chache icha bumwene pamizi aghakwizula, sona ikaye pachitengo chache icha bumwene bwila na bwila.

Ukufuma 14:17

Nkwiza pakughapela amoyo agha ba Ijiputi pakuba makafu nkani, umwakuti bakwiza pakubakonka. Po nkwiza pakuchindikiwa ukwendela mwa Falabo na basilikali bache, ni ngolo zyache izya bwite, sona na bendezya ingolo zyache izya bwite.

Yesaya 51:12

Ane, nene nkubasangalusya. Nkimba wewenu ukuti, umunyilaye umuntu bulo, abantu babo bali ngati lisote bulo?

Yesaya 54:9

“Pakuti chinichi kukwane chili ngati masiku agha Nowa, bo nalapa ichilapo ichakuti amizi gha pa Nowa, ghatakwiza pakwizula sona pachisu ichapasi. Po ilelo nalapa ukuti ntakwiza pakubakalalila sona, nukukuchemela.

Ezekiyeli 34:11

“ ‘Pakuti u Mwene Uwamaka Ghosi akuti: Ane nemwene nkwiza pakuzilonda ing'ozi zyane nukuzisungilila.

Ezekiyeli 34:20

“ ‘Polelo u Mwene Uwamaka Ghosi akubabuzya akati: Ennya ane ne mwene nkwiza pakuzilonga ing'ozi izyamaka nizyakughanda.

Ezekiyeli 5:8

U Mwene Uwamaka Ghosi akuti, “Nane bulo nkulwana nawe Yelusalemu nkwiza pakukufunda pamaso pa inko.

Ezekiyeli 6:3

U Mwene Uwamaka Ghosi akuti, ‘Mwee maghamba agha Izilayeli, ivwa izyu ilya Mwene Uwamaka Ghosi. Izi zyo zizyo u Mwene Uwamaka Ghosi akughabuzya amaghamba nu tughamba, sona utusoko na makombe. Indi papipi pakubizila nu bwite, sona nkwiza pakubunangannya ubuzilo bwinyu ubwapamwanya ubwakwiputilapo ivifwani.

Hoseya 5:14

Pakuti nkwiza pakuba ngati ne nkalamu kuba Efulayimu, sona ngati nkalamu iya maka kwa Yuda. Nkwiza pakubazepulannya mutuvigaba nukubazompola. Po atalipo nayumo uwakubapoka.

Aba Levi 26:28

nane nkwiza pakubasula mubukali bwane, sona nkwiza pakubafunda umwakonjelezyapo akaseveni pachifukwa icha mbibi zyinyu.

Amosi 9:6

U Mwene akuzenga inyumba izya bumwene kumwanya, sona akwala ulwalo pachisu ichapasi, akughitizya amizi agha munyanja sona akughapungulila pachisu, itabwa lyache we Mwene.

Matayi 24:39

Loli batakamanyagha chicho chikabombiwanga mupaka amizi ghakiza nukubapyela bosi. Momumo kukwiza pakubela bo u Mwana uwa Muntu akwiza.

Luka 17:27

Abantu bakalyanga nukung'wela, bakasendanagha mupaka pisiku lilyo u Nowa akinjila mubwato ubukulu nkani. Po amizi ghakizula nukubaghogha bosi.

Aba Loma 5:21

Po ukuyana namumo imbibi zikaba nu bulaghili pachifukwa icha bufwe, momumo ichisa icha Chala chibanje nu bulaghili ukwendela mubugholosu ukutulongozezya aswe ku bumi ubwa bwila na bwila ukwendela mwa Yesu Kilisitu, u Mwene witu.

Aba Loma 6:23

Pakuti amalipilo agha mbibi, bo bufwe. Loli ichabupi ichabulo icha Chala, bo bumi pakumamatilana poka nu Kilisitu u Yesu u Mwene witu.

Ukukumbusya Amalamulo 32:39

Ilelo ennya, ane nemwene ne Chala, sona atalipo u chala uyunji. Nkumughogha umuntu nukumupa ubumi, Nkumuvulazya sona nkumupozya. Atalipo nayumoyumo umuntu uwakumupoka munyobe zyane.

Aba Hebeli 11:7

Lukaba lwitiko lulo lukamupela u Nowa ukuti asokiwe nu Chala nizya vintu vivyo vikaba vichili vitabonekite. U Nowa akivwila nukubiza ubwato bubo umwene poka ni mbumba yache bakaponelamo. Pachifukwa icha ulwitiko lwache, u Nowa akalanjizya ukuti abantu aba muchisu ichapasi banangite, po akapokela ichilingo icha bugholosu, chicho u Chala akubapa abantu babo bakumusubila.

1 Pitala 3:20

Imizimu yiniyi yikaba ya bantu babo batakamwivwilagha u Chala, bo u Chala akulindilila mubufisalyoyo, mumasiku ghagho u Nowa akazengelagha ubwato. Abantu eyiti, abanandi bulo mubwato mulamula, bo babo bakapokiwa na mizi ghalaghala.

2 Pitala 2:5

U Chala atakachileka bulo ichisu chila, loli akachizimizya ichisu ichapasi na mizi aghakwizula sona na bantu babo batakamunyilagha u Chala. Loli akamupoka mwene u Nowa, yuyo akalumbililagha nizya bugholosu poka na bantu abanji seveni.