Ubwandilo 6:13 - IBAYIBOLO 2024

¹³ Po u Chala akamubuzya u Nowa akati, “Nadumula pakubazimizya zila abantu bosi. Nkwiza pakubanangannya abantu pachifukwa ichakuti bachizuzya ichisu ichapasi nu bubibi bwabo.

Ubwandilo 6:13 Iomraidhean Croise

Ubwandilo 49:5

“U Simiyoni nu Levi bo banamuntu. Bakubombezya ivilwilo vyabo pakwandizya ivyongo.

Ubwandilo 6:14

Polelo wipangile wemwene ubwato pakubombezya amatabwa agha mulombwa. Ugabe ivipinda, sona ubupake ni mpula kuzi na mukasi bulo.

Ubwandilo 6:4

Mumasiku ghalaghala na pisinda bulo kukabako abantu abatalitali abamaka nkani pachisu ichapasi, babo bakapapiwa mubakolo babo bakasendwa na bana aba Chala bala. Banaba bakaba bantu abamaka abakali, sona bamanyikwe.

Ubwandilo 7:21

Ivyabumi vyosi pachisu ichapasi vikazimila: Iviyuni vyosi ni vitekwa ni vinyamana vyosi ivyamuzi ni vinyamana ivyakwavula sona na bantu bosi bakafwa.

Ubwandilo 7:23

U Mwene akazimizya ivintu ivyabumi vyosi pachisu ichapasi: Abantu ni vinyamana ni vinyamana ivyakwavula sona ni viyuni. U Nowa mwene weyuyo akapona poka na bosi babo akaba nabo mubwato mula.

Ubwandilo 7:4

Pakuti bo ghachilapo bulo amasiku seveni, nkwiza pakutuma ivula yiyo yikwiza pakutima pachisu ichapasi, amasiku 40, umusanya nu busiku, umwakuti izimizye ivintu vyosi ivya bumi vivyo nkavipela.”

Ubwandilo 8:21

Bo u Mwene anusya umunusi umwiza ghula akati, “Ntakwiza pakuchighuna sona ichisu ichapasi pachifukwa icha zizyo abantu bakubomba, pakuti inzimenye ukuti inyinong'ono izya muntu umubibi zikwandila kubwana bwache. Ntakwiza sona pakuvizimizya ivintu vyosi ivyabumi ukuyana namumo nabombela.

Yesaya 34:1

Mwee inko, palamila ukuti mwivwe, mwee inko izya bantu teghelezya! Leka ichisu chivwe, navyosi vivyo vili mumo, ni chisu chosi ichapasi, sona navyosi vivyo vikufuma mulamula!

Yelemiya 51:13

Amwe mwe mukwikala kupipi nisoko inyinji, sona na mwe bakabi, ubumalilo bwinyu bwafika, sona ubumi bwinyu bwamala.

Amosi 3:7

Naloliloli u Mwene Uwamaka Ghosi atakubombapo nachimochimo, nanti atabavumbuliye ababombi bache abalaghuzi imbatiko zyache.

Amosi 8:2

U Mwene akalalusya akati, “Amosi nkimba ukwennya ichoni?” Nkamula nkati, “Nkwennya ichidudunga icha vikomwa ivitonu.” Po u Mwene akambuzya akati, “Ubumalilo ubwa bantu bane aba Izilayeli bwafikila. Ntakwiza pakubaleka bulo.”

Aba Hebeli 11:7

Lukaba lwitiko lulo lukamupela u Nowa ukuti asokiwe nu Chala nizya vintu vivyo vikaba vichili vitabonekite. U Nowa akivwila nukubiza ubwato bubo umwene poka ni mbumba yache bakaponelamo. Pachifukwa icha ulwitiko lwache, u Nowa akalanjizya ukuti abantu aba muchisu ichapasi banangite, po akapokela ichilingo icha bugholosu, chicho u Chala akubapa abantu babo bakumusubila.

1 Pitala 4:7

Ubumalilo ubwa vintu vyosi buli papipi. Polelo mubanje bantu abakwilema, sona mubanje maso, umwakuti mungiputa.