Ubwandilo 6:12 - IBAYIBOLO 2024

¹² U Chala akagha ukuti ichisu ichapasi chambibi, pakuti abantu bosi bakaba ni nkalo imbibi nkani.

Ubwandilo 6:12 Iomraidhean Croise

Ubwandilo 18:20

Po u Mwene akamubuzya u Abulahamu akati, “Nivwa ukuti abantu aba mu Sodomu nu Gomola bananga nkani, sona vivyo bakubomba vibibi nkani.

Ubwandilo 18:21

Po nkulonda nike ukuti nennye nanti zizyo nivwa zyanaloli. Nanti zite zyanaloli, nkwiza pakuzimanya.”

Ubwandilo 6:13

Po u Chala akamubuzya u Nowa akati, “Nadumula pakubazimizya zila abantu bosi. Nkwiza pakubanangannya abantu pachifukwa ichakuti bachizuzya ichisu ichapasi nu bubibi bwabo.

Ubwandilo 6:8

Loli u Mwene akahoboka nu Nowa.

Ubwandilo 7:1

Po u Mwene akamubuzya u Nowa akati, “Injila mubwato awe na bamunyumba yako bosi chifukwa nakwagha ukuti wewe wemwene we ukubomba zizyo ngolosu munkulilo iyi.

Ubwandilo 7:21

Ivyabumi vyosi pachisu ichapasi vikazimila: Iviyuni vyosi ni vitekwa ni vinyamana vyosi ivyamuzi ni vinyamana ivyakwavula sona na bantu bosi bakafwa.

Ubwandilo 9:12

U Chala akati, “Ichi cho chimanyilo icha lufingo ulwa bwila na bwila, lulo indi pakufingana nawe, sona ni vintu vyosi ivyabumi:

Yobu 33:27

Po akwiza pamaso pabantu nukuti, “Ane nkananga pakubunyongannya ubugholosu, loli intakapokela chicho nkachilondagha.

Ivyili 15:3

Amaso agha Mwene ghakwennya posi na posi, ghakubenelezya ababibi na biza bulo.

Luka 3:6

Abantu bosi bakwiza pakwennya ubupoki ubwa Chala!’ ”

2 Pitala 2:5

U Chala atakachileka bulo ichisu chila, loli akachizimizya ichisu ichapasi na mizi aghakwizula sona na bantu babo batakamunyilagha u Chala. Loli akamupoka mwene u Nowa, yuyo akalumbililagha nizya bugholosu poka na bantu abanji seveni.