Ubwandilo 50:25 - IBAYIBOLO 2024

²⁵ Po u Yosefu akabalapizya abana aba Izilayeli pakulapa ichilapo ukuti, “Bo u Chala akubalongozezya kuchisu chila, mukwiza pakunyamula amafupa ghane pakufuma nagho kuno.”

Ubwandilo 50:25 Iomraidhean Croise

Ubwandilo 50:5

‘Utata wane akandapizya akati, “Ane indi papipi pakufwa. Munsyile mwipumpa lilyo nkikumbila muchisu icha Kenani.” Polelo unyitikizye ukuti imbuke pakumusyila utata wane, po nkwiza pakwiza sona.’ ”

Ukufuma 13:18

Loli u Chala akabalongozezya mumusebo ghugho ghuzyelite munkolongo uwakubukila ku Nyanja Inchesamu. Aba Izilayeli bakiyanizya zila pakulwa ubwite.

Ukufuma 13:19

U Mozesi akasenda amafupa agha Yosefu pachifukwa ichakuti u Yosefu akabalapizya aba Izilayeli. U Yosefu akati, “Naloliloli u Chala akwiza pakubapoka, loli musende amafupa ghane, bo mukwepako kuno.”

Ukufuma 3:17

Nadumula ukuti nkwiza pakubefyamo mu Ijiputi muchisu icha mayimba nukubuka nabo kuchisu icha mboto, mumo aba Kenani naba Hiti naba Amoli naba Pelezi naba Hivi sona naba Yebusi bakwikalamo.’

Ukufuma 3:8

Po nika pakubapoka munyobe izya bantu aba mu Ijiputi nukubefyamo muchisu chilachila nukubinjizya muchisu ichikulu nkani icha mboto mumo mukwikala aba Kenani naba Hiti naba Amoli naba Pelezi naba Hivi sona naba Yebusi.

Imbombo 7:16

Imivimba yabo bakayinyamulila mu Shekemu, mumo bakayisyila mwipumpa, lilyo u Abulahamu akaghula ku bana aba Hamoli ni ndalama.

Aba Hebeli 11:22

Lukaba lwitiko lulo lukamupela u Yosefu, bo ali papipi pakufwa ukunena nizya kufuma ukwa ba Izilayeli mu Ijiputi, nukubabuzizya zila namumo bakwiza pakughasyilila amafupa ghache.

Yoshwa 24:32

Amafupa agha Yosefu ghagho aba Izilayeli bakiza nagho, bo bakwepamo mu Ijiputi, bakaghasyila mu Shekemu, ubuzilo bubo u Yakobo akaghula ku bana abalumendo aba Hamoli uwise uwa Shekemu ni salabazya izya siliva 100. Po ichisu chila chikaba mpyana iya baluko ulwa Yosefu.

Luti 1:6

Bo u Nabomi ivwa ukuti u Mwene abavwa abantu bache ni vyakulya, u Nabomi poka na balasagha bache babili bala bakanda ukwiyannya pakwepamo mu Mowabu nukubwela kukwabo.