Ubwandilo 50:19 - IBAYIBOLO 2024

¹⁹ Loli u Yosefu akababuzya akati, “Mutakanyilaye, nkimba ane ne Chala, ne nkubahobokela abantu imbibi?

Ubwandilo 50:19 Iomraidhean Croise

Ubwandilo 30:2

U Yakobo akamukalalila u Lakelo nukuti, “Nkimba ane ne Chala, yuyo ighalila impapo yako?”

Ubwandilo 45:5

Loli mutakayimbaye mumoyo ghinyu pamo pakuba ni chitima, pachifukwa ichakuti mukangulizya muno, pakuti u Chala akantuma kuntazi kukwinyu umwakuti imbapoke.

Ubwandilo 50:18

Abawamwabo bakiza nukufughamila pamaso papache, bakati, “Ennya, aswe twe bazya bako.”

Ubwandilo 50:20

Mukabatika ukuti mumbombele ububibi, loli u Chala akabatika ubwiza, ukuti bupoke ubumi ubwa bantu abinji, babo bumi ilelo pachifukwa icha zizyo zikaboneka.

2 Abamwene 5:7

Bo u mwene uwamu Izilayeli abelenga ukalata yula, akazepula amenda ghache pachifukwa icha bogha nukuti, “Fwandi ane ne Chala yuyo angaghogha nukupa ubumi? Nkimba choni chicho antumila umuntu uyu ukuti imupozye amambombo ghache? Ichi chili pabuzelu ukuti akulonda andane nane bulo.”

Matayi 14:27

Panapo na panapo u Yesu akababuzya akati, “Mutakatetemaye! Nene. Mutakanyilaye.”

Aba Loma 12:19

Bamanyani bane, mutakatanizyanje ububibi, loli mumulekele u Chala ukuti atanizye. Pakuti Amasimbo ghakuti, “U Mwene akuti, ‘Ukutanizya ko kwane. Nkwiza pakutanizya.’ ”

Ukukumbusya Amalamulo 32:35

Ukutanizya ko kwane, ane nkwiza pakubatanizya babo kubabaghiye. Pakabalilo kache inyayo zyabo zikwiza pakutyelemuka, isiku lyabo ilya ntamyo lili papipi, sona ukunanganika kwabo kukwiza lubilolubilo.

Aba Hebeli 10:30

Pakuti tumumenye yuyo akanena ukuti, “Ukutanizya ko kwane, ane nkwiza pakubatanizya.” Akanena sona akati, “U Mwene akwiza pakubalonga abantu bache.”