Ubwandilo 5:29 - IBAYIBOLO 2024

²⁹ U Lameki akati, “Ukufuma kwitope lilyo u Mwene akalighuna, ukwendela mu mwana yunuyu tukwiza pakupepuliwa kumbombo zyitu inkafu.” Po akamwita ukuti we Nowa.

Ubwandilo 5:29 Iomraidhean Croise

Ubwandilo 5:28

Bo u Lameki ali na maka 182, akapapa umwana umulumendo.

Ubwandilo 5:30

Pisinda pache u Lameki akikala amaka aghanji 595. Akapapa sona abana abanji abalumendo na balindu.

Ubwandilo 7:23

U Mwene akazimizya ivintu ivyabumi vyosi pachisu ichapasi: Abantu ni vinyamana ni vinyamana ivyakwavula sona ni viyuni. U Nowa mwene weyuyo akapona poka na bosi babo akaba nabo mubwato mula.

Ubwandilo 9:24

Bo u Nowa uvinyo amala mumutu, akazyaghannya zizyo umwana wache umunandi nkani akabomba.

Yesaya 54:9

“Pakuti chinichi kukwane chili ngati masiku agha Nowa, bo nalapa ichilapo ichakuti amizi gha pa Nowa, ghatakwiza pakwizula sona pachisu ichapasi. Po ilelo nalapa ukuti ntakwiza pakubakalalila sona, nukukuchemela.

Ezekiyeli 14:14

Napapo abantu batatu bala, u Nowa, u Daniyeli nu Yobu, bakikalagha mulamula, ngali bakapoka ubumi bwabo bwene nu bugholosu bwabo, u Mwene Uwamaka Ghosi anena.

Ezekiyeli 14:20

napapo bakikalagha mulamula abantu batatu bala, u Nowa nu Daniyeli sona nu Yobu naloli nkulapila mwa Mwene Uwamaka Ghosi umumi, ngali batakabapoka abana babo abalumendo pamo abalindu. Ngali bakipoka bene pachifukwa icha bugholosu bwabo.

Matayi 24:37

Ukwiza ukwa Mwana uwa Muntu kukwiza pakuyana bulo namumo vikabela pakabalilo aka Nowa.

Luka 3:36

nu mwana uwa Kayinani nu mwana uwa Alifakisadi nu mwana uwa Shemu nu mwana uwa Nowa nu mwana uwa Lameki,

Aba Loma 8:20

Ivipeliwa vikapeliwa ukuti vibaghiye pakusita pakuba ni mbombo, chite chifukwa ichakuti vikalondagha ukuti vibanje bulabula, loli pachifukwa ichakuti u Chala akaba weyuyo akalonda ukuti vibanje bulabula. Loli pakaba ulusubilo

Aba Hebeli 11:7

Lukaba lwitiko lulo lukamupela u Nowa ukuti asokiwe nu Chala nizya vintu vivyo vikaba vichili vitabonekite. U Nowa akivwila nukubiza ubwato bubo umwene poka ni mbumba yache bakaponelamo. Pachifukwa icha ulwitiko lwache, u Nowa akalanjizya ukuti abantu aba muchisu ichapasi banangite, po akapokela ichilingo icha bugholosu, chicho u Chala akubapa abantu babo bakumusubila.

1 Pitala 3:20

Imizimu yiniyi yikaba ya bantu babo batakamwivwilagha u Chala, bo u Chala akulindilila mubufisalyoyo, mumasiku ghagho u Nowa akazengelagha ubwato. Abantu eyiti, abanandi bulo mubwato mulamula, bo babo bakapokiwa na mizi ghalaghala.

2 Pitala 2:5

U Chala atakachileka bulo ichisu chila, loli akachizimizya ichisu ichapasi na mizi aghakwizula sona na bantu babo batakamunyilagha u Chala. Loli akamupoka mwene u Nowa, yuyo akalumbililagha nizya bugholosu poka na bantu abanji seveni.