Ubwandilo 5:22 - IBAYIBOLO 2024

²² Pisinda pache u Enoki akikala mukumamatilana poka nu Chala amaka 300. Akapapa abana abanji abalumendo na balindu.

Ubwandilo 5:22 Iomraidhean Croise

Ubwandilo 17:1

Bo u Abulamu ali na maka 99, u Mwene akamubonekela nukumubuzya ukuti, “Ane ne Chala Uwamaka Ghosi. Unyivwilaye, sona bombagha chicho chigholosu.

Ubwandilo 24:40

“Akamula akati, ‘U Mwene yuyo namubombela mubusubiliwa akabalilo kosi akwiza pakumutuma uwantumi wache poka nawe nukuti vyosi vikwendele akiza, umwakuti ungamusendela umukolo umwana wane kubaluko lwane, sona ku bamunyumba iya tata wane.

Ubwandilo 48:15

Po akamusaya u Yosefu akati, “U Chala yuyo abatata bane u Abulahamu nu Yisaki bakamubombelagha abasaye abana banaba. U Chala yuyo ansungilila mupaka pakabalilo aka, abasaye abana banaba.

Ubwandilo 5:21

Bo u Enoki ali na maka 65, akapapa umwana umulumendo yuyo akamwita ukuti we Metusela.

Ubwandilo 5:23

U Enoki akafwa bo ali na maka 365.

Ubwandilo 5:24

Akabalilo kosi aka bumi bwache akikalagha mukumamatilana poka nu Chala. U Enoki akazyebeluka bulo pakuti u Chala akamusenda.

Ubwandilo 6:9

Ili lyo lipangwi ilya Nowa. U Nowa akaba muntu mugholosu, yuyo atakaba na kalema nakamokamo pakabalilo kache, sona akabombagha zizyo zikamuhobosyanga u Chala.

1 Abamwene 2:4

Bombagha bunubu ukuti u Mwene abombaye zizyo akandayizya ukuti, ‘Nanti abaluko lwako baba ni nkalo inyiza, sona nanti baba basubiliwa pamaso papane nu moyo wabo ghosi nu muzimu wabo ghosi, utakwiza pakusobelwapo nalumolumo umuntu uwakuti alaghilaye ichisu icha Izilayeli.’

2 Abamwene 20:3

“Wee Mwene, ukumbuke mumo nendelagha pantazi papako umwabusubiliwa nu moyo uwakwiyipa sona nukubomba inyiza pantazi papako.” Po u Hezekiya akalila nkani.

Masalimo 116:9

umwakuti nendaye pamaso pa Mwene, muchisu icha bantu abumi.

Masalimo 128:1

Basayiwa babo bakumuchindika u Mwene, babo bakughakonka amalamulo ghache.

Masalimo 16:8

Nkamwennyanga akabalilo kosi u Mwene pamaso papane, pakuti ali kunyobe yane indilo, po ntakwiza pakuyingana.

Masalimo 26:11

Loli ane nkwenda muzila ingolosu, po umpokaye sona umpelelaye ichisa.

Masalimo 56:13

Pakuti ukampoka ukuti indeke pakufwa, sona ukazipoka inyayo zyane ukuti zitakatyelemuke, umwakuti nendaye pamaso pa Chala mulukozyo ulwa bumi.

Masalimo 86:11

Wee Mwene umanyisye izila zizyo ukuzilonda ukuti inzikonkaye, po nkwiza pakwenda mubwanaloli bwako. Umpele ukuti imbanje nu moyo uwakwiyipa nkani, umwakuti indinyilaye itabwa lyako.

Ukufuma 16:4

Po u Mwene akamubuzya u Mozesi akati, “Nkwiza pakubawisizya ichakulya ichakufuma kumwanya. Abantu babaghiye pakufuma kuzi isiku ni siku nukuseba ivyakulya ivyakubayana isiku lilalila lyene, umwakuti imbayele nanti bakwiza pakukonka amalamulo ghane.

Inyimbo izya Solomoni 1:4

Twende tubukaye poka, twende tubukaye lubilolubilo. Wee mwene wane, unyinjizye munyumba yako. Tukusekela nukuhoboka poka nawe, sona tukwiza pakulupala ulughano lwako ukuchila uvinyo. Naloli abakolo bosi bakughanite nkani.

Hoseya 14:9

Nkimba muntu wenu uwa mahala? Ivwisye ivintu vyosi vinivi. Nkimba muntu wenu yuyo akuvyaghannya ivintu vinivi, avimanye ivintu vinivi. Pakuti izila izya Mwene zigholokite, sona abagholosu bo babo bakwendamo, loli abantu abasambuke bakwipunulamo.

Aba Levi 26:12

Nkwiza pakuba pakasi papinyu, nkwiza pakuba ne Chala winyu, sona amwe mukwiza pakuba mwe bantu bane.

Amosi 3:3

Nkimba abantu babili bangenda poka, bo bativwanite?

Mika 4:5

Inko zyosi zikumuchindika, nukumwivwila u chala wabo, loli aswe tukwiza pakumwiputa nukumwivwila u Mwene u Chala witu bwila na bwila.

Mika 6:8

Wee muntu, u Mwene akulanjizya kale chicho chiza. Nkimba u Mwene akulonda choni kukwako? Ukuti ubombaye ubwanaloli, ubanje we wachisa, sona wiyisyanje pamaso pa Chala wako.

Malaki 2:6

Ichimanyisyo ichanaloli chikaba mumulomo wache, sona mumilomo yache mutakabamo ubumyasi nabumobumo. Akendagha nane mumutende na mubugholosu, nukubavwa abantu abinji ukuti bapinduke kumbibi zyabo.

Luka 1:6

Bosi babili bakaba bantu abagholosu pamaso pa Chala nukukonka akiza indaghilo na malamulo ghosi agha Mwene.

Imbombo 9:31

Po ichipanga icha mu Yudeya, mu Galileya, na mu Samaliya chikaba na kabalilo akamutende nukwendelela pakumwiputa u Mwene. U Muzimu Umuzelu akachikazya nukuchavwa pakukula, po chikaba ichakumunyila u Mwene.

Aba Loma 8:1

Polelo abantu babo bakumamatilana poka nu Kilisitu u Yesu, ilelo yitalipo nayimoyimo inongwa iyakubasusya nayo.

1 Aba Kolinti 7:17

Umuntu wesi endelele pakuba nubumi bubo akaba nabo, bo u Chala akumwitizya. Ulu lo lulaghilo lulo nkumanyisya muvipanga vyosi.

2 Aba Kolinti 6:16

Nkimba Inyumba iya Chala yingayana bulibuli ni vifwani? Pakuti aswe twe Nyumba iya Chala umumi, ukuyana namumo u Chala umwenecho akanenela akati, “Nkwiza pakwikalana mumwabo, sona nukwikala pakasi papabo. Nkwiza pakuba we Chala wabo, po abene bakwiza pakuba bantu bane.”

Aba Efeso 5:15

Po muchebaye namumo mukwendela, mutakabanje ngati mwe bantu abasita mahala, loli mubanje mwe bantu abamahala.

Ukukumbusya Amalamulo 13:4

Mumukonke nukumunyila u Mwene u Chala winyu. Mughakonke amalamulo ghache nukumwivwila. Mumubombele yuyo mwene, sona mumukakatile.

Ukukumbusya Amalamulo 28:9

Nanti mukumwivwila u Mwene u Chala winyu nukughakonka amalamulo ghache ghosi, akwiza pakubapela ukuti mubanje mwe bantu abache abazelu ukuyana namumo akalapila.

Ukukumbusya Amalamulo 5:33

Mukonkaye bulo zyosi zizyo u Mwene u Chala winyu abalamuliye, umwakuti ivintu vyosi vibendelaye akiza, sona nukuti mwendelele pakuba nubumi ubutali muchisu chicho mukwiza pakwikalamo.

Aba Kolosi 1:10

Pene po mukwiza pakwikalagha ukuyana namumo u Mwene akulondela, sona akabalilo kosi mukwiza pakubombagha chicho chikumuhobosya nkani. Ubumi bwinyu bukwiza pakupa ivikomwa ivyiza, sona amahala ghinyu aghakumumanyila u Chala ghakwiza pakonjelelakonjela.

Aba Kolosi 4:5

Mubanje na mahala bo mukwangala na bantu abakuzi, nukulubombezya akiza ulusako losi lulo muli nalo.

1 Aba Tesalonika 2:12

Tukabakazya umoyo nukubapumizya, sona tukendelela pakubalaba ukuti mwikalaye nubumi ubwa kumuhobosya u Chala, yuyo akubitizya amwe ukuti mugabane nawe Ubumwene, sona nu buchindamu bwache.

1 Aba Tesalonika 4:1

Pabumalilo, bakamu bane, mukamanyila kukwitu mumo mubaghiye mwikalilaye, umwakuti mumuhobosye u Chala ukuyana namumo naloli mukwikalila. Po ilelo tukubalaba, nukubalambilizya nkani mwitabwa ilya Mwene u Yesu ukuti mubombaye bunubu ukuchilapo pakwanda.

1 Yohani 1:7

Loli nanti tukwenda mu lukozyo, ukuyana namumo abeleye mu lukozyo, kokuti tuli mubupoka twebenebene, sona ibanda ilya Yesu u Mwana wache likutuswefya aswe imbibi zyosi.