Ubwandilo 49:6 - IBAYIBOLO 2024

⁶ Wee moyo wane, utakinjililayemo mulukomano lwabo. Wee muzimu wane, utakinjililayemo mutubukatila twabo. Pakuti mubukalale bwabo bakughogha abantu, sona muvinyonywa vyabo bakuzivulazya ing'ombe.

Ubwandilo 49:6 Iomraidhean Croise

Ubwandilo 34:30

U Yakobo akamubuzya u Simiyoni nu Levi akati, “Awe mwampalaghulila intamyo. Aba Kenani naba Pelezi bosi bakwiza. Aswe tute twe binji, po nanti babungana pakulwa naswe bakwiza pakungogha ane na bamunyumba yane bosi, twebosi tukwiza pakughoghiwa.”

2 Samuweli 8:4

U Devedi akazilema ingolo zyache izya bwite 1,700, sona na basilikali abakwenda pasi 20,000. Akazidumula inkole izya vinama izya ifalasi zyache izya ngolo, loli akazisungako ingolo zimo 100.

1 Imbili 18:4

U Devedi akazilema ingolo zyache izya bwite 7,000 sona na basilikali abakwenda pasi 20,000. Akazidumula inkole izya vinama izya ifalasi zyache izya ngolo, loli akazisungako ingolo zimo 100.

Masalimo 1:1

Musayiwa umuntu, yuyo atakwenda na bantu ababibi, pamo pakwimilila muzila, izya babomba imbibi, pamo pakwikala mukabukatila aka bantu abalobezyo,

Masalimo 103:1

Wee moyo wane, umupalaye u Mwene. Sona navyosi vivyo vili mumo vilipalaye itabwa lyache izelu.

Masalimo 139:19

Wee Chala, nalondagha nkani, ngali wabaghoghagha abantu ababibi, umwakuti abantu abakukupula ibanda bepeko kukwane.

Masalimo 16:9

Polelo umoyo wane wahoboka, sona umuzimu wane ghukusekela, umubili wane ghope ghukwiza pakutuzya umwakufwasa.

Masalimo 26:9

Utakanzimizyanje poka na babomba mbibi, pamo ukunangannya poka na baghoghi.

Masalimo 28:3

Utakanyefyezyanje poka na bantu ababibi, babo bakubomba ivintu ivibibi. Abantu banaba bakunenagha amazyu amiza ku bapalamani babo, loli mumoyo ghabo mwizuye nu lubengo.

Masalimo 30:12

Umoyo wane ghukwiza pakukwimbila, sona ghutakwiza pakuba bulo myee. Wee Mwene Chala wane, nkwiza pakukupalizya bwila na bwila.

Masalimo 42:11

Wee muzimu wane, nkimba choni chicho uli ni chitima? Nkimba choni chicho mukasi mumwane mukutamiwa? Umulindililaye u Chala, pakuti nkwiza pakumupala, yuyo Mupoki wane sona nu Chala wane.

Masalimo 42:5

Wee muzimu wane, nkimba choni chicho uli ni chitima? Fwandi choni chicho mukasi mumwane mukutamiwa? Ukwiza pakumulindilila u Chala, pakuti nkwiza pakumupala, Umupoki wane nu Chala wane.

Masalimo 43:5

Wee muzimu wane, nkimba choni chicho uli ni chitima? Nkimba choni chicho mukasi mumwane mukutamiwa? Umulindililaye u Chala, pakuti nkwiza pakumupala, yuyo Mupoki wane sona nu Chala wane.

Masalimo 5:10

Wee Chala, ubafundaye, sona balemiwanje muvipingo vyabo. Ubefyepo pamaso papako pachifukwa icha mbibi zyabo inyinji, pakuti bakusambukiye.

Masalimo 57:8

Wee moyo wane, nyamuka! Wee chinanda ni pango lyane lilagha, nkwiza pakulinyamusya izuba ni nyimbo zyane.

Masalimo 64:2

Mpoka kumbatiko izya bantu ababibi, sona umpokaye kuvintu ivibibi vivyo amavyondongo ghakulonda pakumbombela.

Ivyili 1:11

Nanti bakuti, “Twende tubukaye poka. Zagha tuvwamililaye pakukupula ibanda ilya muntu, zagha tubavwamililaye abasita nongwa,

Ivyili 12:5

Inyinong'ono izya muntu umugholosu zyanaloli, loli amahala agha muntu umubibi mazimbuli.

Yelemiya 15:17

Intakikala poka na bantu abantuko, intakasekelela poka nabo, nkikala nemwene, pachifukwa ichakuti inyobe yako yikaba papane sona umoyo wane ghukizula nubukali.

Yelemiya 4:19

Mwee, intamyo! Mwee intamyo! Nkwigholola nu bubavu. Mwee umoyo wane ghukubaba, umoyo wane ghukukoma nkani, nkupotwa pakuba myee. Pakuti nivwa ukulila ukwa lipati, nivwa ichongo icha bwite.

Luka 12:19

Po nkwiza pakughubuzya umoyo wane ukuti we walusako. Uli ni vyuma ivyinji vivyo vikwiza pakukusunga amaka aminji. Bupepule bulo, lyanga, sona ung'welaye nukuhoboka wemwene!’

2 Aba Kolinti 6:14

Mutakangalilanaye na bantu abakuzi. Nkimba bukamu boni bubo bulipo pakasi pabugholosu nu bubibi? Fwandi, bumanyani boni bubo bulipo pakasi pachisi nulukozyo?

Ukukumbusya Amalamulo 27:24

“Aghuniwanje umuntu wesi yuyo akumughogha umuntu uwamwabo kubusyefu.” Po abantu bosi bamule batinji, “Ameni!”

Yoshwa 11:9

U Yoshwa akababombela zizyo u Mwene akamulamula. Akazidumula inkole izya vinama izya falasi zyabo, nukuzyocha ingolo zyabo.

Abalongi 5:21

Ulusoko ulwa Kishoni lukababukizya, ulusoko ulwakwizula ulwa Kishoni lula. Endagha wee moyo wane, banga namaka!