Ubwandilo 49:4 - IBAYIBOLO 2024

⁴ Awe uli ngati mizi aghakoghofya, utangaba we songo pachifukwa ukachinyazya ichitala icha ghuso.

Ubwandilo 49:4 Iomraidhean Croise

Ubwandilo 35:22

Bo u Yakobo akwikala muchisu chilachila, u Lubeni akaghona nu Biliha umuchi umuzya uwa wise. Po u Yakobo akazyivwa zinizi. U Yakobo akaba na bana abalumendo 12.

Ubwandilo 46:8

Amatabwa agha bantu abaluko ulwa Yakobo, babo bakabuka ku Ijiputi, sona na bana bache abalumendo bakaba bo aba: U Lubeni, ukatote uwa Yakobo,

1 Imbili 5:1

Abana aba Lubeni umwana ukatote uwa Yakobo bakaba bo aba: Naloli u Lubeni akaba we katote, loli pachifukwa ichakuti akaghona nu muchi yumo uwa wise, ubwakatote bwache bukapeghiwa ku muzuna wache u Yosefu. Po atakabelengiwa sona pakuba we katote.

1 Aba Kolinti 5:1

Ilelo imbili yivwika ukuti mumwinyu muli ubwamalaya ubupalapala nkani, ubwamalaya ubwakuti butakubombiwa nalumolumo na bantu abakuzi. Nivwa ukuti umuntu yumo akughonana nu muchi uwa wise!

Ukukumbusya Amalamulo 27:20

“Aghuniwanje umuntu wesi yuyo akughona nu muchi uwa wise, pakuti bunubu akumukozya isoni uwise.” Po abantu bosi bamule batinji, “Ameni!”

Ukukumbusya Amalamulo 33:6

Nizya luko ulwa Lubeni, u Mozesi akati, “U Lubeni abanje nubumi, atakafwanje awe, napapo abantu bache banandi.”

Ukukumbusya Amalamulo 5:21

“Utakayinyonywanje inyumba iya mupalamani wako pamo umughunda wache. Utakamunyonywanje umuchi uwa mupalamani wako pamo uwambombo wache umwanavuli pamo umukolo pamo ing'ombe zyache pamo impunda zyache pamo ichintu chosi chicho ali nacho.”

2 Pitala 2:14

Bakulowa na maso ghabo bulo, sona ni vinyonywa vyabo vitakumala. Bakubategha abantu babo amoyo ghabo ghali mumwanyamwanya. Amoyo ghagho ghamanyiye pakuba mapafu, sona baghuniwa nu Chala!

2 Pitala 3:16

Mubakalata bache bosi akusimba nizya fundo yiniyi. Mubakalata bamo muli ivintu vivyo vipala nkani ukuvyivwisya, sona abantu babo batamanyiye na babo amoyo ghabo ghali mumwanyamwanya bakubanyongannya ukuyana namumo bakunyonganizizya Amasimbo ghamo. Pakubomba bunubu bakwipalaghulila bene ukunanganika.