Ubwandilo 49:28 - IBAYIBOLO 2024

²⁸ Bosi banaba baluko 12 aba Izilayeli, sona mazyu ghanagha gho ghagho uwise akababuzya bo akubasaya pakulaghana nabo, ghagho ghakamubaghila umuntu wesi pamwene.

Ubwandilo 49:28 Iomraidhean Croise

Ubwandilo 35:22

Bo u Yakobo akwikala muchisu chilachila, u Lubeni akaghona nu Biliha umuchi umuzya uwa wise. Po u Yakobo akazyivwa zinizi. U Yakobo akaba na bana abalumendo 12.

Ubwandilo 49:27

“U Benjamini ali ngati we kambwe yuyo mukali nkani, pandabindabi ni chamabwila akughogha nukulya vivyo akalema.”

Ubwandilo 49:29

Po u Yakobo akabalamula abana bache akati, “Ilelo indipapipi pakufwa, po mukwiza pakunsyila kumapumpa agha bakamu bane, ghagho ghali mumughunda uwa Efuloni umuntu uwaku Hiti,

1 Abamwene 18:31

U Eliya akasenda amabwe 12 ukuyana nuluko, ghagho ghali namatabwa agha bana aba Yakobo, yuyo u Mwene akamubuzya ukuti, “Itabwa lyako likwiza pakuba we Izilayeli.”

Esitele 8:11

Abakalata abamwene bakabapa ubwabuke aba Yuda, babo bakikalagha mukaya kosi akakulu nkani umwakuti bangabungana poka nukwipoka bene. Bakabapanga ubwabuke ubwakuti abanangannye nukubaghogha sona nukubazimizya abasilikali aba inko yosi, pamo ichigaba chicho chingalonda pakulwana nabo poka na bachi babo sona na bana babo, nukufyula abalwani babo ukatundu wabo wesi.

Esitele 8:7

U mwene u Ahaziwelo akamwamula u mwene umukolo u Esitele poka nu Molodikayi umu Yuda yula akati, “Ennya, namupiye kale u Esitele inyumba iya Hamani sona bamupayikite kale u Hamani pikwi, pachifukwa icha chintu ichibibi chicho akalondagha pakubabombela aba Yuda.

Esitele 8:9

Pisiku ilya 23 mumwezi uwabutatu uwa Sivani, abasimbi aba kunyumba iya bumwene bakitiziwa. Po ukuyana nu lulaghilo ulwa Molodikayi, bakabasimbila abakalata aba Yuda, na makambala na balaghili aba muvigaba sona na balongozi aba muvigaba 127 ukwandila ku Indiya mupaka ku Etiyopiya. Abakalata banaba bakasimbiwa ukuyana na kasimbile aka neno iya chigaba chilachila naku bantu bosi ukuyana ni neno yabo sona naku ba Yuda ukuyana nakasimbile aka neno yabo.

Ukufuma 28:21

Utumabwe tunutu tubanjepo 12 ukuyana na matabwa agha bana aba Yakobo. Pibwe lyoka ubizepo itabwa lyoka ilya luko ulwa Izilayeli.

Ukubelengiwa 23:24

Uluko ulwa Izilayeli lukunyamuka ngati nkalamu inkolo, lukunyamuka ngati nkalamu inyanavuli, yiyo yitakughona mupaka yileme ichinyamana chimo nukuchilya, yiyo yikungw'ela ibanda ilya chinyamana chicho yaghogha.”

Imbombo 26:7

Ichintu choka chicho inko izya bantu bitu 12 zikulindilila pakupokela, bo bakumuchindika u Chala nu moyo wabo ghosi umusanya nu busiku. Mwene, pachifukwa chinichi, nkulongiwa naba Yuda!

Ukukumbusya Amalamulo 33:1

Bo u Mozesi, umuntu uwa Chala achili pakufwa akabasaya aba Izilayeli.

Yakobo 1:1

Ane ne Yakobo umubombi uwa Chala, sona nu mubombi uwa Mwene u Yesu Kilisitu. Nkubalamuka abantu bosi aba Chala babo banyampanite muchisu chosi ichapasi.

Ubuvumbuli 7:4

Po nkabuziwa ukuti ubwinji ubwa bantu babo badindiwa pa vyeni vyabo bukaba 144,000. Abantu bosi banaba bakaba inko 12 izya ba Izilayeli.