Ubwandilo 49:27 - IBAYIBOLO 2024

²⁷ “U Benjamini ali ngati we kambwe yuyo mukali nkani, pandabindabi ni chamabwila akughogha nukulya vivyo akalema.”

Ubwandilo 49:27 Iomraidhean Croise

Ubwandilo 35:18

Sona bo umuzimu wache akubuka pakuti akafwa, akamwita umwana wache ukuti we Benoni, loli uwise akamwita ukuti we Benjamini.

Ubwandilo 46:21

Abana aba Benjamini bo aba: U Bela nu Bekeli nu Ashibeli nu Gela nu Naamani nu Ehi nu Loshi nu Mupimu nu Hupimu sona nu Alidi.

Ubwandilo 49:26

Ulusayo ulwa ghuso lwamaka nkani, ukuchila ulusayo ulwa maghamba agha bwila na bwila, ukuchila sona ivyiza ivya kumitu ivya bwila na bwila. Vinivi vyo vyikalaye pamutu uwa Yosefu, yuyo akasabuliwa pakasi pa bawamwabo.

Ubwandilo 49:28

Bosi banaba baluko 12 aba Izilayeli, sona mazyu ghanagha gho ghagho uwise akababuzya bo akubasaya pakulaghana nabo, ghagho ghakamubaghila umuntu wesi pamwene.

Yelemiya 5:6

Polelo inkalamu iya mumusitu yikwiza pakubaghogha, sona abakambwe aba munkolongo bakwiza pakubanangannya. Uzyela akwiza pakubavwamilila papipi nutwaya twabo utukulu. Akwiza pakubazepulannya mutupusa umuntu wesi yuyo akufumila kuzi, pakuti ukusambuka kwabo kukulu nkani, sona bate basubiliwa.

Ezekiyeli 22:25

Abamwene babo bali ngati nkalamu zizyo zikubuluma zikukavulannya ichinyamana. Bakubaghogha abantu, bakusenda ivyuma vyabo ni vintu vyabo ivya mutengo, nukubapela abafwilwe pakuba binji mukaya kache.

Ezekiyeli 22:27

Amakambala ghache ghali ngati bo bakambwe babo bali pakukavula inyama, bakukupula ibanda nukughogha abantu ukuti bakabilemo vimo umwabuzimbuli.

Zefaniya 3:3

Amakambala ghache ghakubuluma ngati nkalamu, abalaghili bache bali ngati bo bakambwe babo bakwenda pachamabwila, batakuchilekapo nachimochimo ichakulya icha pandabindabi.

Ukubelengiwa 1:36

Mu baluko ulwa Benjamini mukasimbiwa abanavuli bosi abamaka 20 pamo ukuchilapo, babo bangalwa ubwite, ukuyana ni nyumba zyabo, sona na matabwa agha banyenya babo.

Ukubelengiwa 23:24

Uluko ulwa Izilayeli lukunyamuka ngati nkalamu inkolo, lukunyamuka ngati nkalamu inyanavuli, yiyo yitakughona mupaka yileme ichinyamana chimo nukuchilya, yiyo yikungw'ela ibanda ilya chinyamana chicho yaghogha.”

Ukubelengiwa 34:21

Uluko ulwa Benjamini musalemo u Elidadi umwana uwa Kisiloni.

Matayi 10:16

“Ivwa kuno! Nkubatuma amwe ngati zyo ng'ozi pakasi pa mpumpi. Po mubanje mwe bachevu ngati yo njoka, sona mubanje bololo ngati yo nkunda.

Matayi 7:15

“Muchebaye nabo abalaghuzi abamyasi; bakwiza kukwinyu ngati zyo ng'ozi, loli mukasi bayanite bulo ni mpumpi!

Imbombo 20:29

Inzimenye ukuti bo nabuka impumpi inkali zitakwiza pakughuleka bulo umudimo.

Imbombo 8:3

Loli u Sabuli akayezya pakuchinangannya nkani ichipanga, umwakuti akabukagha inyumba ni nyumba pakubalema abitiki, bosi abanavuli na bakolo nukubighalila mujele.

Imbombo 9:1

Loli u Sabuli akendelela pakuboghofya abamanyili aba Mwene nukulonda pakubaghogha. Akabukagha kwa muputi usongo

Ukukumbusya Amalamulo 33:12

Nizya luko ulwa Benjamini akati, “U Mwene amusungilile u Benjamini, pakuti weyuyo u Mwene amughanite nkani. Akumuzighilila isiku ni siku nukumupakata munyobe zyache.”

Aba Filipi 3:5

Pakuti nkasilimuliwa pisiku ilya eyiti. Ane ne mu Izilayeli mukapapiliwe, uwaluko ulwa Benjamini, sona umu Hebeli umwenecho. Pakunena nizya ndaghilo izya Chiyuda, ane nkaba ne wa kabukatila aka ba Falisayi.

Abalongi 20:21

Aba Benjamini bope bakepamo mu Gibeya pakulwa ubwite, po bakabaghogha aba Izilayeli 22,000 pisiku lilalila.

Abalongi 20:25

Loli bo aba Benjamini bepamo sona mukaya kabo pakulwa ubwite naba Izilayeli, pope bulo bakabaghogha sona aba Izilayeli 18,000, babo bakaba na bapanga.