Ubwandilo 49:26 - IBAYIBOLO 2024

²⁶ Ulusayo ulwa ghuso lwamaka nkani, ukuchila ulusayo ulwa maghamba agha bwila na bwila, ukuchila sona ivyiza ivya kumitu ivya bwila na bwila. Vinivi vyo vyikalaye pamutu uwa Yosefu, yuyo akasabuliwa pakasi pa bawamwabo.

Ubwandilo 49:26 Iomraidhean Croise

Ubwandilo 37:28

Bo abaghulizi aba ku Midiyani biza palapala, abawamwabo bakamufumizya kuzi u Yosefu nukumughulizya kwa Ishimayeli ni ndalama izya siliva izyakukwana 20, po bakabuka nawe ku Ijiputi.

Ubwandilo 37:8

Po abawamwabo bala bakamulalusya bakati, “Nkimba ukwinong'ona ukuti ukwiza pakuba we mwene witu? Pamo naloli ukwiza pakutulaghila aswe?” Bunubu bakamubenga nkani ukuchila napo pabwandilo pachifukwa icha chilota chache chila poka na mazyu ghagho akababuzya.

Ubwandilo 49:27

“U Benjamini ali ngati we kambwe yuyo mukali nkani, pandabindabi ni chamabwila akughogha nukulya vivyo akalema.”

Masalimo 132:18

Nkwiza pakubavwika isoni abalwani bache, Loli impumpu yache yinyezimilaye.”

Masalimo 89:36

Ukuti uluko lwache lukwiza pakubangako bwila na bwila. Po ichitengo chache icha bumwene cha bwila na bwila pamaso papane ngati lizuba.

Yesaya 54:10

Napapo amaghamba ghanganeng'ena, sona nutumaghamba tungefeziwapo loli ulughano lwane papako, lulo lutakupotwapo nalumo lutakwiza pakuneng'ena, pamo ulufingo lwane ulwa mutende lutangefiwapo.” Momumo akunenela u Mwene, yuyo ali ni chililizi nawe.

Yesaya 66:5

Ivwa izyu ilya Mwene, amwe mwe mukumunyila nukumwivwila, “Abawamwinyu babo bababengite, nukubafumyamo chifukwa icha itabwa lyane, bakuti, ‘Leka u Mwene achindikiwanje, umwakuti twennye ulusekelo lwako!’ Loli bakwiza pakukoziwa isoni.

Yona 2:6

Nkikila mupaka muntende umwa maghamba, kuchisu chicho inyighi zyighaliliwe bwila na bwila. Loli awe, wee Mwene u Chala wane, ukanyefyamo muchisu icha bantu abafwe, po ane ne mumi.

Habakuku 3:6

Akimilila, nukuchineng'ennya ichisu ichapasi, akennya po inko izya bantu zikatetema. Amaghamba aghakale ghakalepunkana, sona utumaghamba utwakale tope tukamongonkana. Izila zyache zya bwila na bwila.

Ukubelengiwa 6:2

“Ubalamule aba Izilayeli uti, ‘Nanti umwanavuli pamo umukolo akulonda pakulapa ichilapo ichapalubazu ichakwipaghulilila mwene kwa Mwene pakuba mu Nazili,

Imbombo 7:9

“Abana aba Yakobo bakaba na kabini nu wamwabo u Yosefu nukumughulizya ngati we muzya mu Ijiputi. Loli u Chala akaba nawe

Aba Efeso 1:3

Amapalo ghabanje kwa Chala, Uwise uwa Mwene witu u Yesu Kilisitu, yuyo atusayite aswe mwa Kilisitu pakutupa ulusayo ulwakulekanalekana ulwa buzimu kumwanya.