Ubwandilo 49:24 - IBAYIBOLO 2024

²⁴ Loli ubwele bwache bukaba bwa maka, sona inyobe zyache zyamaka, pachifukwa icha Uwamaka Ghosi uwa Yakobo, pakuti we mudimi, sona lyalabwe ilya Izilayeli.

Ubwandilo 49:24 Iomraidhean Croise

Ubwandilo 45:11

Kuko nkwiza pakubapanga ivyakulya, pakuti kwasyala amaka fayivi agha zala, sona intakulonda amwe na bamunyumba zyinyu ukuti mufwe nizala poka ni vitekwa vyinyu.’

Ubwandilo 45:5

Loli mutakayimbaye mumoyo ghinyu pamo pakuba ni chitima, pachifukwa ichakuti mukangulizya muno, pakuti u Chala akantuma kuntazi kukwinyu umwakuti imbapoke.

Ubwandilo 45:7

U Chala akantuma ane muntazi mumwinyu ukuti mubanje na baluko ulukulu nkani.

Ubwandilo 47:12

U Yosefu akamupa uwise ichakulya, na bawamwabo, sona na bosi babo bakikalagha munyumba iya wise, ukuyana nu bwinji ubwa bantu.

Ubwandilo 48:15

Po akamusaya u Yosefu akati, “U Chala yuyo abatata bane u Abulahamu nu Yisaki bakamubombelagha abasaye abana banaba. U Chala yuyo ansungilila mupaka pakabalilo aka, abasaye abana banaba.

Ubwandilo 49:23

Abalwani bache bakumuzyungulila nu bwele nu tulasilo; bakumulasa nukumusamula nkani.

Ubwandilo 50:21

Polelo mutakanyilaye, nkwiza pakubasungilila poka na bana binyu.” Po akabakazya amoyo abawamwabo nukubasangalusya.

2 Samuweli 5:2

Kale bo u Sabuli we mwene witu, awe ukabalongolela aba Izilayeli kubwite, sona u Mwene akakubuzya akati, ‘Ukwiza pakuba we mulaghili uwa bantu bane aba Izilayeli, sona ukwiza pakuba we mwene wabo.’ ”

2 Abamwene 13:16

U Elisha akamubuzya akati, “Lema ubwele kunyobe zyako.” U Yehowashi akabomba ukuyana namumo akamubuzizya. Po u Elisha akabika inyobe zyache panyobe izya Yehowashi yula.

Nehemiya 6:9

Abantu banaba bakalondagha bulo ukuti batoghofye nukwinong'ona ukuti, “Aba Yuda bakwiza pakutetema sona bakwiza pakuleka pakubomba imbombo, po batakwiza pakuyimalizya.” Loli nkiputa nkati, “Wee Chala, losi ulu mpanga amaka.”

Yobu 29:20

Ubuchindamu bwane bukwiza pakuba bupya bwila na bwila, sona bope ubwele bukwiza pakuba bupya munyobe zyane bwila na bwila.

Masalimo 118:22

Ibwe lilyo abazengi bakalikana ukuti lite ni mbombo, ilelo lyaba lyakulondiwa nkani ukuchila amabwe ghosi.

Masalimo 132:1

Wee Mwene, umukumbukaye u Devedi, sona nintamyo zizyo akomanite nazyo.

Masalimo 132:2

Akalapa ichilapo kwa Mwene, nukufingana nu Wamaka nkani uwa Yakobo ukuti,

Masalimo 132:5

mupaka imwaghile u Mwene ubuzilo ubwakwikalapo, apakwikala u Wamaka uwa Yakobo.”

Masalimo 18:1

Wee Mwene, we maka ghane nkughanite nkani.

Masalimo 18:30

Izila izya Chala witu zyakufikapo, sona amazyu agha Mwene ghanaloli. We ngulu iya bosi babo bakuchimbilila kukwache.

Masalimo 23:1

U Mwene we mudimi wane, ntakwiza pakusobelwapo nachimochimo.

Masalimo 27:14

Umusubilaye u Mwene. Banga na maka sona ujimbaye, umusubilaye u Mwene.

Masalimo 28:8

U Mwene we maka agha bantu bache, sona we lilinga ilyakumupoka umupakiwa wache.

Masalimo 44:7

Loli watupoka kubalwani bitu, sona ukabakozya isoni abakutubenga bosi.

Masalimo 73:23

Loli akabalilo kosi indi poka nawe, ukundema inyobe indilo.

Masalimo 80:1

Wee mudimi uwa Izilayeli, tegha ikutu, wewe akumulongozya u Yosefu ngati mudimo uwa ng'ozi, we ukwikala pachitengo icha bumwene pakasi pa bakelubi. Ubalamilaye

Masalimo 89:1

Nimbaye ulughano ulukulu nkani ulwa Mwene bwila na bwila, Nu mulomo wane ifumusyanje ubusubiliwa bwako ukuti bumanyikwanje ku nkulilo zyosi.

Ukufuma 3:6

Po akati, “Ane ne Chala uwa banyenya bako, u Chala uwa Abulahamu nu Chala uwa Yisaki sona nu Chala uwa Yakobo.” U Mozesi akavwinka icheni chache, pachifukwa ichakuti akanyilagha pakumwennya u Chala.

Yesaya 1:24

Polelo u Mwene Uwamaka Ghosi, Uwamaka uwa ba Izilayeli akuti, “Mwee, nkwiza pakupungulila ubukali bwane pababo bakulwana nane sona nkwiza pakubatanizya abalwani bane.

Yesaya 28:16

U Mwene Uwamaka Ghosi akuti, “Ennya, nkwala ibwe mu Ziyoni, ibwe ilya mutengo ilya pankuto palwalo ulwanaloli, umuntu wesi yuyo akusubila mumwache, atakwiza pakukoziwa isoni.

Yesaya 29:24

Abantu abapunganu bakumanyila pakwivwisya, sona babo pakwilumbusya bakwiza pakwitika pakumanyisiwa.”

Yesaya 41:10

Utakanyilaye, pakuti indi poka nawe, utakatetemaye pakuti ane ne Chala winyu. Nkwiza pakukupa amaka nukukwavwa, nkwiza pakukuvighilila ni nyobe yane indilo ingolosu.

Yesaya 49:26

Nkwiza pakubapela abayinvyi binyu pakulya amabili ghabo, bakwiza pakung'wela ibanda lyabo, ngati mumo bakubombela nu vinyo. Po umuntu wesi akwiza pakummanya ane ukuti, ne Mwene, u Mupoki winyu, Umutabuli winyu, Uwamaka uwa Yakobo.”

Yesaya 60:16

Ukwiza pakung'wela ulukama ulwa inko, nukonka amabele agha bamwene. Po ukwiza pakuzimanya, ukuti ane, ne Mwene Umupoki wako, Umutabuli wako, Uwamaka Ghosi uwa Yakobo.

Zekaliya 10:12

Nkwiza pakubakazya abantu bane mwa Mwene, sona mwitabwa lyache bakwiza pakwenda.” U Mwene anena.

Zekaliya 3:9

Ennya ibwe, nkulibika pamaso pa Yoshwa, pibwe lyoka linili pali amaso seveni, u Mwene Uwamaka Ghosi anena, sona nkwiza pakusimbapo amazyu nukwefya imbibi izya chisu chinichi pisiku lyoka bulo.

Matayi 21:42

U Yesu akati, “Nkimba mutabelengite Amasimbo aghakuti, ‘Ibwe lilyo abazengi bakalikana ukuti lite ni mbombo, ilelo lyaba lyakulondiwa nkani ukuchila amabwe ghosi. Ichi chikabombiwa nu Mwene, po chakuswighisya nkani kukwitu?’

Maliko 12:10

Nkimba mutabelengite Amasimbo aghakuti, ‘Ibwe lilyo abazengi bakalikana ukuti lite ni mbombo ilelo lyaba lyakulondiwa nkani ukuchila amabwe ghosi?

Luka 20:17

U Yesu akabennya nukubalalusya ukuti, “Po nkimba Amasimbo ghanagha ghakung'anamula choni? ‘Ibwe lilyo abazengi bakalikana ukuti lite ni mbombo, ilelo lyaba lyakulondiwa nkani ukuchila amabwe ghosi.’

Imbombo 4:11

U Yesu weyuyo Amasimbo ghakuti, ‘Ibwe lilyo mwe bazenga nyumba mukalikana, ilelo lyaba lyakulondiwa nkani ukuchila amabwe ghosi.’

Aba Loma 14:4

Nkimba wewenu awe ukuti umulongaye uwambombo uwa yumo? We Mwene wache mwene yuyo angadumula nanti abomba akiza pamo apotwa. Po akwiza pakubomba akiza muntazi, pakuti u Mwene weyuyo amenye pakumupela ukuti abombaye akiza.

Aba Efeso 2:20

Namwe bulo muzengiwe palwalo lulo lukaliwa na batumiwa na balaghuzi. U Kilisitu u Yesu umwenecho we libwe ilya pankuto.

Ukukumbusya Amalamulo 32:4

U Mwene we Lyalabwe, sona imbombo zyache zyakufikapo, izila zyache zyosi ngolosu. U Chala we musubiliwa, yuyo atakubombapo nayimoyimo imbibi, sona we Chala umugholosu nu wanaloli.

Ukukumbusya Amalamulo 33:27

U Chala uwa bwila na bwila bo buponelo bwinyu sona pasi pachisu ko akubasungilila bwila na bwila. Akabachimbizya abalwani binyu pamaso papinyu, nukubabuzya ukuti, ‘Mubanangannye bosi.’

Ukukumbusya Amalamulo 34:9

U Yoshwa umwana uwa Nuni akizula na mahala, pachifukwa ichakuti u Mozesi akamubika inyobe ukuti apyane ubuzilo bwache. Aba Izilayeli bakamwivwila u Yoshwa nukukonka amalamulo ghagho u Mwene akabapa ukwendela mwa Mozesi.

Aba Kolosi 1:11

Tukwiputa sona ukuti u Chala abakazye na maka ghache ghosi agha buchindamu, umwakuti mubanje bajivu nkani, na bafisalyoyo, sona na bahobosu.

2 Timoti 4:17

Loli u Mwene akaba kulubazu lwane nukumpa amaka, umwakuti nkalumbilila Amazyu umwakufikapo ukuti abantu babo bate ba Yuda bivwe. Pakubomba bunubu nkapona ku mulomo uwa nkalamu.

Yoshwa 17:18

loli ni chisu icha mumaghamba bulo. Napapo musitu, mudumule amakwi nukusenda ubuzilo ubukulu ukuyana namumo mukulondela pakuba chisu chinyu. Amwe mukwiza pakubachimbizyamo aba Kenani napapo bali ni ngolo izya bwite izya chela, sona nukuti bamaka.”

Abalongi 1:22

Abaluko ulwa Yosefu bakalwa ubwite nakaya akakulu nkani aka Beteli, po u Mwene akabavwa.