Ubwandilo 49:10 - IBAYIBOLO 2024

¹⁰ Impalala iya bumwene yitakwiza pakwepamo nalumo munyumba iya Yuda. Akwiza pakubukakatila ubumwene ubu, akwiza pakughasunga amaka ghache mupaka u mwenemaka ghache ize, inko zyosi zikwiza pakumwivwila.

Ubwandilo 49:10 Iomraidhean Croise

2 Samuweli 7:13

Umwana yunuyu akwiza pakunzengela inyumba, sona nkwiza pakubwikazya ubumwene bwache bwila na bwila.

2 Samuweli 7:16

Inyumba yako nu bumwene bwako vikwiza pakubangako bwila na bwila pamaso papane. Ubumwene bwako bukwiza pakwikalana bwila na bwila.’ ”

1 Imbili 12:24

Abasilikali abaluko ulwa Yuda babo bakaba ni ngulu ni mpalala bakabapo 6,800.

1 Imbili 12:39

Abantu banaba bakikala kulakula nu Devedi amasiku matatu. Bakalyanga nukung'wela vivyo abakamu babo abamunyumba bakabayanizizya.

Masalimo 108:8

U Giliyadi wane, wepe u Manase wane, u Efulayimu cho chisote chane, sona u Yuda yo ndisa yane iya bumwene.

Masalimo 60:7

Ichisu icha Giliyadi chane, sona chope icha Manase chane, ichisu icha Efulayimu cho chisote chane, sona icha Yuda yo mpalala iya bumwene

Masalimo 60:9

Nkimba wewenu yuyo akwiza pakunfisya kukaya akakulu nkani aka malinga? Nkimba wewenu yuyo akwiza pakundongozezya ku Edomu?

Masalimo 78:68

Loli akalusala uluko ulwa Yuda, akasala sona Ighamba ilya Ziyoni lilyo alighanite.

Yesaya 11:10

Pisiku lilalila Weka uwa banyenya aba Yese akwiza pakwima ngati chimanyilo icha inko zyosi, zikwiza pakumulonda, po ubuzilo bubo akwikalapo bukwiza pakuba buchindamu.

Yesaya 2:2

Mumasiku aghabumalilo, ighamba ilya Nyumba iya Mwene, likwiza pakuba litali nkani pakasi pamaghamba ghosi. Likwiza pakuboneka pamwanya pamaghamba ghosi, sona inko zyosi zikwiza pakuchimbilila kulakula.

Yesaya 33:22

Pakuti u Mwene we mulongi witu, u Mwene we akutupa indaghilo, u Mwene we mwene witu, weyuyo akwiza pakutupoka.

Yesaya 42:1

U Mwene akuti, “Ennya umubombi wane yuyo nkumupa amaka, yuyo namusala sona nkuhoboka nawe, nkwiza pakubika u Muzimu wane papache, sona akwiza pakuzilongela inko zyosi mubwanaloli.

Yesaya 55:3

Munteghelezye nkani nukwiza kukwane, munyivwe, ukuti mubanje nubumi. Nkwiza pakufingana namwe, ulufingo ulwa bwila na bwila, nukubapa ulusayo lulo nkamulayizya u Devedi.

Yesaya 60:1

Nyamuka Yelusalemu, ulamaye ngati lizuba, ubuchindamu ubwa Mwene bukukulamila awe.

Yesaya 62:11

U Mwene azifumusya mupaka kubumalilo ubwa chisu, “Babuzye abantu aba mu Yelusalemu, ukuti u Mwene akwiza pakubapoka, poka na bantu babo abapokite.”

Yesaya 9:6

Pakuti u mwana atupapiliwa aswe, u mwana umwanavuli apeghiwa kukwitu, weyuyo akwiza pakulaghila. Akwiza pakwitiziwa ukuti mumanyisya amahala uwakuswighisya, u Chala Uwamaka Ghosi, U tata uwa bwila na bwila, u Mwene uwa mutende.

Yelemiya 30:21

Bakwiza pakuba nu mulongozi uwabo nu wabo, umulaghili wabo akwiza pakufuma mukasi mumwabo. Nkwiza pakumwitikizya ukuti ize papipi nane. Nkimba wewenu yuyo angaba mujivu ukuti apalamile kukwane?

Yelemiya 33:26

po nkwiza pakubakana abaluko ulwa Yakobo nu Devedi umubombi wane. Ntakwiza pakumusala umwana weka uwa Devedi ukuti abalaghilaye abaluko ulwa Abulahamu nu Yisaki sona nu Yakobo. Pakuti nkwiza pakubanyosezya ubukabi bwabo sona nkwiza pakubapelela ichisa.”

Ezekiyeli 19:11

Isamba zyache zikaba zyamaka, pakuba ndisa iya mwene. Zikaba pamwanya nkani pasamba zyosi, zizyo zikannyembetelelana. Zikabonekela pamwanya nkani poka, nutusamba twache utwinji.

Ezekiyeli 19:14

Umoto ghukaka musamba zyache inkulu, ghukocha isamba zyache ni vikomwa. Katasyete akasamba nakamokamo akamaka, pakuba ndisa iya mwene.’ Iyi yo nkuta, sona yibombeziwanje pakuba nkuta.”

Ezekiyeli 21:27

Chisami! Chisami! Nkwiza pakukapela akaya akakulu nkani pakuba chisami. Loli chitakwiza pakunyokelamo sona mupaka umwenecho ize, umwene weyuyo nkwiza pakumupa ichisu chinichi.’

Ezekiyeli 21:32

Ukwiza pakuba nkwi izya moto, ibanda lyako likwiza pakukupukila muchisu chako, atalipo nayumo yuyo akwiza pakukumbukapo sona, pakuti ane ne Mwene nanena.’ ”

Daniyeli 9:25

“Umanye nukwivwisya ichintu ichi: Ukwanda pakabalilo kako indaghilo zikafumuziwanga ukuti akaya aka Yelusalemu kazengiwanje sona mupaka umulaghili umupakiwa afike, pakwiza ukuchilapo amaka 7 aghatubalilo aka 7. Sona amaka 7 aghatubalilo aka 62 pakwiza ukuzengiwa imisebo nukukumba imifolo mu Yelusalemu, loli pakabalilo akantamyo.

Hoseya 11:12

U Efulayimu anzyunguliye nu bumyasi, sona bope aba Izilayeli banzyunguliye nu buzimbuli. Abantu aba mu Yuda bachili bali nu Chala, sona basubiliwa nkani ku yuyo Muzelu.

Mika 5:1

Mwee bantu aba mu Yelusalemu, babungannye abasilikali binyu! Pakuti abalwani batuzyunguliye nubwite. Bakulwa ubwite nu mulongozi uwa Izilayeli.

Hagayi 2:7

Nkwiza pakuziyingannya inko zyosi, umwakuti ubukabi ubwa inko bwizulaye mu Nyumba iya Chala, sona nkwiza pakuyizuzya Inyumba iyi nu buchindamu.’ U Mwene Uwamaka Ghosi anena.

Zekaliya 10:11

Abantu bane bakwiza pakudumusannya munyanja iya ntamyo, nkwiza pakughamazya amayigha agha panyanja. Ubwibizu ubwa lusoko ulwa Nayilo bukwiza pakupwa, kope ukwituvya ukwa ba Asiliya kukwiza pakwisiwa, indisa iya bumwene iya ba Ijiputi yikwiza pakupyoka.

Zekaliya 2:11

Pakabalilo kalakala, inko inyinji zikwiza pakwiza kwa Mwene, sona zikwiza pakuba bantu bache. Nkwiza pakwikala pakasi papinyu, mukwiza pakumanya ukuti u Mwene Uwamaka Ghosi antumite pakasi papinyu.

Ukubelengiwa 21:18

We chiziba chicho chikakumbiwa na bamwene, chicho abantu abamanyikwe bakachikumba, pakubombezya indisa zyabo izya bumwene, sona ni ndisa zyabo izyakwendela.” Aba Izilayeli bakasamamo munkolongo mula nukubuka ku Matana.

Ukubelengiwa 24:17

Nkwennya muntazi, nkwennya uluko lwaba Izilayeli. Umwene yuyo ayanite nu lutondwa, akwiza pakuba wa munyumba iya Yakobo. Indisa iya bumwene yikwiza pakuba ya munyumba iya Izilayeli. Indisa yache yikwiza pakubakoma abalongozi aba Mowabu, sona yikwiza pakulupota uluko ulwa Seti.

Ukubelengiwa 24:19

Umulaghili akwiza pakuba wa munyumba iya Yakobo, yuyo akwiza pakubanangannya abantu abakusyalamo mukaya akakulu nkani.”

Matayi 1:21

Akwiza pakupapa umwana umulumendo nukumwita ukuti we Yesu, pakuti weyuyo akwiza pakupoka abantu kumbibi zyabo.”

Matayi 17:5

Bo u Pitala achili akunena, ibingu ilyakulama likabakupikila, sona izyu likivwika mwibingu likati, “Uyu Mwana wane umughaniwa, yuyo ihobokite nkani nawe. Mumwivwilaye!”

Matayi 21:9

Abantu abinji babo bakaba kuntazi na kwisinda ukwa Yesu bakanda pakukolomoka ukuti, “Apaliwanje u Mwana uwa Devedi! U Chala amusaye yuyo akwiza mwitabwa ilya Mwene! U Chala apaliwanje!”

Matayi 25:32

Po abantu aba inko zyosi bakwiza pakubungana poka pamaso papache. Akwiza pakubagaba pabili ukuyana namumo umudimi akupaghulila ing'ozi ni mbuzi.

Yohani 12:32

Loli ane, bo napayikiwa, nkwiza pakubawesela bosi kukwane.”

Yohani 18:31

U Pilati akabamula akati, “Mumusende mwebene nukumulonga ukuyana ni ndaghilo zyinyu.” Bakamwamula bakati, “Aswe tutakwitikiziwa pakughogha nayumo umuntu.”

Yohani 19:12

Bo u Pilati ivwa zinizi, akalondagha pakumusatula u Yesu, loli aba Yuda bakanda pakukolomoka ukuti, “Nanti ukumusatula kokuti ute we mumanyani uwa Kesale. Umuntu wesi yuyo akwinena mwene ukuti we Mwene, akumusambukila u Kesale.”

Yohani 19:15

Bakakolomoka nkani bakati, “Mughoghe! Mughoghe! Mukomele pachipinjika!” U Pilati akabalalusya akati, “Nkimba mukulonda ukuti ane imukomele u mwene winyu pachipinjika?” Abaputi abasongo bakamwamula bakati, “Tute nu mwene uyunji, loli u Kesale mwene.”

Yohani 9:7

nukumubuzya ukuti, “Bukagha usukusule kumaso pachiziba icha Silowamu.” (Silowamu chikung'anamula ukuti Umutumiwa). Po umuntu yula akabuka nukusukusula kumaso, po akanyokela bo akwennya.

Aba Loma 15:12

Sona wepe umulaghuzi u Yesaya akuti, “Weka uwa banyenya aba Yese akwiza; akwiza pakuzilaghila inko abantu babo bate ba Yuda; po abene bakwiza pakusubila mumwache.”

2 Aba Kolinti 5:10

Pakuti twebosi tubaghiye twime pamaso pa Mulongi u Kilisitu. Umuntu wesi akwiza pakupokela chicho chimubaghiye, ichiza pamo ichibibi, ukuyana namumo akabombezyanga umubili wache pachisu ichapasi pano.

Ukukumbusya Amalamulo 28:57

ichipapilo chicho chafuma mulwanda lwache sona nabana babo akupapa. Pakuti vinivi vyo vivyo akwiza pakulyanga kubusyefu, pachifukwa ichakuti ate ni chakulya, pakabalilo kako abalwani binyu bakutuzyungulila utwaya twinyu utukulu nkani.

Aba Hebeli 7:14

Pakuti chili pabuzelu bulo ukuti u Mwene witu akaba waluko ulwa Yuda. Po pakunena nizya luko ulu, u Mozesi atakanenapo izya baputi.

Ubuvumbuli 11:15

Uwantumi waseveni akalizya ipati lyache, sona izyu ilya pamwanya nkani likivwika kumwanya likati, “Amaka aghakulaghilila ichisu ichapasi ilelo ghali munyobe izya Mwene nu Mesiya wache. Akwiza pakulaghila bwila na bwila!”