Ubwandilo 48:7 - IBAYIBOLO 2024

⁷ Nkubomba chinichi pachifukwa icha unyoko u Lakelo yuyo akafwila muzila muchisu icha Kenani, bo tuchili nukufika mukaya aka Efulati, bo nkunyokako ku Mesopotamiya. Po nkamusyila palapala mulubazu ulwa musebo waku Efulati” (ko kokuti Betelehemu.)

Ubwandilo 48:7 Iomraidhean Croise

Ubwandilo 25:20

Bo u Yisaki ali na maka 40, akumusenda u Labeka, umwana uwa Betuweli, uwamu Alamu muchisu icha Mesopotamiya, sona yuyo akaba muyemba uwa Labani.

Ubwandilo 33:18

U Yakobo akafika akiza nkani muchisu icha Kenani, pabulendo bwache ubwakufuma ku Mesopotamiya. Akazenga ivisakasa vyache pabuzilo bumo ubwakwenannya nakaya akakulu nkani aka Shekemu.

Ubwandilo 35:20

Po u Yakobo akimikapo ibwe pipumpa ilya Lakelo pakuba chikumbusyo. Nilelo bulo ibwe lila lichili lilipo.

Ubwandilo 35:9

U Chala akamubonekela sona u Yakobo, bo abwelako ku Mesopotamiya, po akamusaya.

Ubwandilo 48:6

Loli abana bako bosi babo bakapapiwa pisinda pa bana babili aba, bakwiza pakuba bako. Bakwiza pakuba bampyana yabo ukwendela mwa Efulayimu nu Manase.

Mika 5:2

U Mwene akuti, “Wee Betelehemu Efulati, napapo we munandi pakasi pa luko ulwa Yuda, mumwako mukwiza pakufumamo weka yuyo akwiza pakuba mulaghili uwa Izilayeli, ichifumo chache chakale, ichamasiku aghakale nkani.”

Matayi 2:18

“Izyu likwivwika mu Lama, ukulila nukufwifwitila ukukulu. U Lakelo akubalila abana bache sona akukana pakusangalusiwa pachifukwa ichakuti abana bache bate ku bumi sona.”

Luti 1:2

Umuntu yunuyu akaba we Elimeleki, sona umuchi wache akaba we Nabomi. Po abana bache abalumendo babili banaba akaba we Maloni nu Kiliyoni. Bosi banaba bakaba baluko ulwa Efulayimu aba mu Betelehemu mu Yuda. Po bakabuka mu Mowabu nukwikala mulamula.

1 Samuweli 1:1

Akabapo umuntu yumo yuyo akaba we Elikana umu Zufi wamu Lamatayimu, muchisu icha mumaghamba icha Efulayimu. U Elikana akaba mwana uwa Yelohamu, umwana uwa Elihu, umwana uwa Tohu, umwana uwa Zufi, yuyo akaba waluko ulwa Efulayimu.

1 Samuweli 10:2

Bo ukubwela kunyumba ukwiza pakukomana na banavuli babili pipumpa ilya Lakelo mu Zeliza muchisu icha Benjamini, babo bakwiza pakukubuzya ukuti impunda zyaghiwa, sona ughuso aleka pakuzipasikizya, loli akukupasikizya awe. Akunena akuti, ‘Nkimba imbombe choni, pakuti umwana wane atakuboneka?’ ”

1 Samuweli 16:4

U Samuweli akabomba zizyo u Mwene akamulamula. Bo afika mu Betelehemu, abalongozi aba mukaya kala bakatetemagha bo bakumupokela. Po bakamulalusya bakati, “Nkimba ukwiza kwako kwa mutende?”

1 Samuweli 17:12

U Devedi akaba mwana uwa Yese umu Efulayimu uwamu Betelehemu muchisu icha Yuda. U Yese akaba na bana abalumendo eyiti, sona pakabalilo aka Sabuli kalakala, u Yese akaba muntu umughosi nkani.