Ubwandilo 48:5 - IBAYIBOLO 2024

⁵ Po akanena sona ukuti, “Abana bako abalumendo babili babo bakapapiliwa muchisu icha Ijiputi, bo ane inchili pakwiza kuno, u Efulayimu nu Manase bakwiza pakupimiwa pakuba bana bane ngati mumo u Lubeni nu Simiyoni babeleye bana bane.

Ubwandilo 48:5 Iomraidhean Croise

Ubwandilo 46:20

Sona kwa Yosefu muchisu icha Ijiputi kukapapiwa: U Manase nu Efulayimu. Asenati akamupapila u Yosefu abana banaba, yuyo akaba mwana wa Potifela umuputi waku Oni.

Ubwandilo 48:1

Pisinda pache u Yosefu akabuziwa ukuti, “Ughuso mubine.” Po akabasenda abana bache abalumendo babili bala, u Manase nu Efulayimu nukubuka nabo pakumwennya u Yakobo.

Ubwandilo 48:6

Loli abana bako bosi babo bakapapiwa pisinda pa bana babili aba, bakwiza pakuba bako. Bakwiza pakuba bampyana yabo ukwendela mwa Efulayimu nu Manase.

Masalimo 77:16

Wee Chala, amizi ghakakwennya, bo amizi ghakwennya bulo ghakaba nubogha, naloli inyanja inyibizu nkani yikatetema mupaka pasi.

Yesaya 43:1

Loli ilelo u Mwene, yuyo akakupela awe Yakobo, yuyo akakumata awe we Izilayeli akuti, “Utakanyilaye, pakuti nakutabula, nakwitizya nitabwa, we wane.

Ezekiyeli 16:8

“ ‘Pisinda pache nkadumusannya papipi sona bo natalankannya, nkakwennya ukuti naloli wafikapo pakabalilo akasendwa nkakukuzulila inkuto iya nkazo yane nukuvwinka inkule yako. Nkafingana nawe ulufingo ulwa sendwa, u Mwene Uwamaka Ghosi anena, sona ukwiza pakuba we wane.

Ezekiyeli 47:13

U Mwene Uwamaka Ghosi akuti, “Izi zyo mpaka zizyo muzikonke pakuzigabila inko 12 izya ba Izilayeli pakuba mpyana yabo, abene abaluko ulwa Yosefu bakwiza pakupokela ivigaba vibili.

Aba Levi 20:26

Mubanje mwe bantu bazelu, pakuti Ane ne Mwene ne muzelu, sona imbapaghuye amwe pakasi pabantu aba inko izinji, umwakuti mubanje bantu abane na bane.

Malaki 3:17

U Mwene Uwamaka Ghosi akuti, “Bakwiza pakuba bantu abane na bane pisiku lilyo nkubomba imbombo yane. Nkwiza pakuba ni chililizi ngati mumo umupapi akubela kumwana wache, yuyo akumubombela.

Ukubelengiwa 1:10

Mu bana aba Yosefu usalemo: U Elishama umwana uwa Amihudi uwa luko ulwa Efulayimu nu Gamaliyeli umwana uwa Pedazuli uwa luko ulwa Manase,

2 Aba Kolinti 6:18

Nkwiza pakuba ne ghuso, amwe mukwiza pakuba mwe bana bane abalumendo na balindu, momumo akunenela u Mwene u Chala Uwamaka Ghosi.”

Aba Efeso 1:5

Pachifukwa ichakuti akatughana akatuyanizya zila ukuti atupokele pakuba bana bache mwa Yesu Kilisitu. Akabomba zinizi pachifukwa ichakuti akalondagha pakulanjizya ichisa chache.

Aba Hebeli 11:21

Lukaba lwitiko lulo lukamupela u Yakobo, bo akufwa ukuti abasaye abana bosi aba Yosefu, uyu pamwene, uyu pamwene. Akeghamila pamwanya pandisa iyakwendela nukwiputa kwa Chala.

Yoshwa 13:7

Po ubagabile abantu aba inko 9, sona nu hafu uwa chigaba icha luko ulwa Manase ukuti chibanje mpyana yabo.”

Yoshwa 14:4

pachifukwa ichakuti uluko ulwa Yosefu lukaba pabili, kokuti uluko ulwa Manase nulwa Efulayimu. Uluko ulwa Levi lutakapokelapo nachimochimo ichisu pakuba mpyana yabo, loli bakapokela twene utwaya utukulu utwakwikalamo, poka nu buzilo ubwakudimilako ivitekwa vyabo.