Ubwandilo 48:4 - IBAYIBOLO 2024

⁴ Akati, ‘Nkwiza pakukupa abana abinji, umwakuti abaluko lwako bakwiza pakuba bantu aba inko inyinji nkani. Nkwiza pakubapa abaluko lwako ichisu ichi pakuba chabo ni chabo bwila na bwila.’ ”

Ubwandilo 48:4 Iomraidhean Croise

Ubwandilo 12:2

Nkwiza pakukupa abaluko abinji nkani, sona nkwiza pakubapela pakuba luko ulwamaka nkani. Nkwiza pakukusaya nukukupela pakuba muntu umumanyikwe, ukwiza pakuba we lusayo ulwa bantu abanji.

Ubwandilo 17:13

Umwanavuli wesi asilimuliwanje, sona chinichi chikwiza pakuba chimanyilo ichakubombiwa pamabili ghinyu pakulanjizya ukuti ulufingo lulo luli pakasi papane namwe lwa bwila na bwila.

Ubwandilo 17:6

Nkwiza pakukupa abaluko abinji nkani, sona abanji bakwiza pakuba bamwene. Ukwiza pakuba na baluko abinji nkani umwakuti bakwiza pakuba inko inyinji nkani.

Ubwandilo 17:8

Nkwiza pakukupa awe poka na baluko lwako ichisu ichi awe we muyeni. Ichisu chosi icha Kenani chikwiza pakuba cha baluko lwako bwila na bwila, sona nkwiza pakuba ne Chala wabo.”

Ubwandilo 22:17

Naloliloli nkwiza pakukusaya nkani, sona nkwiza pakubapela abaluko lwako pakuba binji nkani ngati zyo ntondwa, sona ngati musesenga uwa mulubazu ulwa nyanja. Abaluko lwako bakwiza pakubapota abalwani babo bosi.

Ubwandilo 26:4

Nkwiza pakukupa abaluko abinji nkani ngati zyo ntondwa, sona nkwiza pakubapa ichisu chosi chinichi. Abantu aba inko zyosi bakwiza pakundaba ukuti imbasaye ukuyana namumo nkabasayila abaluko lwako.

Ubwandilo 28:3

U Chala Uwamaka Ghosi ayisaye isendwa yako, nukukupa abana abinji nkani, umwakuti ubanje we munyenya uwa inko inyinji nkani.

Ubwandilo 32:12

Kumbuka, ukandayizya ukati, ‘Nkwiza pakukupela ukuti ivintu vikwendelaye akiza nukukupa abaluko abinji nkani ngati musesenga uwa mulubazu ulwa nyanja.’ ”

Ubwandilo 35:11

U Chala akamubuzya akati, “Ane ne Chala Uwamaka Ghosi. Papa abana abinji, sona inko izya bantu inyinji nkani bakwiza pakufuma mumwako, sona ukwiza pakuba we munyenya uwa bamwene.

Ubwandilo 46:3

Po akati, “Ane ne Chala, u Chala uwa ghuso, utakanyilaye pakubuka ku Ijiputi, pakuti kulakula nkwiza pakukupela pakuba we luko ulukulu nkani.

Ubwandilo 47:27

Aba Izilayeli bakikala muchisu icha Ijiputi muchigaba icha Gosheni, mumo bakaba bakabi, sona bakapapa nkani abana.

Masalimo 127:3

Abana mpyana iyakufuma kwa Mwene, sona abizukulu gho muvwalo uwakufuma kukwache.

Ukufuma 1:11

Po aba Ijiputi bakabika abakapitawa pakubabombezya imbombo inkafu nkani. Aba Izilayeli bakamuzengela u Falabo utwaya utukulu nkani utwa Pitomu nu Lamesesi, kuko aba Ijiputi bakasungaghako ivyakulya vyabo.

Ukufuma 1:7

Loli abaluko lwabo, aba Izilayeli bakapapana nkani sona bakaba binji, na bamaka, umwakuti bakizulana posi na posi muchisu icha Ijiputi.

Ezekiyeli 37:25

Bakwiza pakwikala muchisu chicho nkamupa umubombi wane u Yakobo, ichisu chicho abanyenya binyu bakikalaghamo. Babo na bana babo na bizikulu babo bakwiza pakwikala bwila na bwila, sona umubombi wane u Devedi akwiza pakuba we mwene wabo bwila na bwila.

Aba Levi 26:9

Nkwiza pakubasaya nukubapa abana abinji, umwakuti munyame. Nkwiza pakukwanilisya ulufingo lwane lulo nkafingana namwe.

Ukukumbusya Amalamulo 32:8

Bo Uwakumwanya Nkani azigabila inko ichisu, bo abagabannya abantu bosi, bo akubalesannya abantu bosi, akabapangila abantu impaka ukuyana nu bwinji ubwa bana aba Izilayeli.