Ubwandilo 48:21 - IBAYIBOLO 2024

²¹ Po u Yakobo akamubuzya u Yosefu akati, “Ukunyennya, indi papipi pakufwa, loli u Chala akwiza pakuba nawe, sona akwiza pakukunyosezya awe kuchisu icha banyenya bako.

Ubwandilo 48:21 Iomraidhean Croise

Ubwandilo 12:5

U Abulamu akamusenda umuchi wache u Salayi nu Loti umwana uwa muzuna wache. Akasenda ni chuma chache chosi, na bambombo babo akikalagha nabo muchisu icha Halani. Bakanyamuka ubulendo ubwakubuka ku Kenani. Bo bafika mu Kenani,

Ubwandilo 15:14

Loli nkwiza pakuzifunda inko zizyo zikwiza pakukubombela pakuba bazya, pisinda pache abaluko lwako bakwiza pakwepamo muchisu chilachila, bakwiza pakusenda ubukabi bwabo bosi.

Ubwandilo 15:16

Bo zyachilapo inkulilo folo, abaluko lwako bakwiza pakunyokela sona kuno, pachifukwa ichakuti ntakwiza pakubachimbizyamo nalumolumo aba Amoli mupaka ububibi bwabo bwabala nkani umwakuti bafundiwanje.”

Ubwandilo 26:3

Ikala tasi muchisu chinichi, po nkwiza pakuba nawe sona nkwiza pakukusaya. Pakuti nkwiza pakukupa awe sona na baluko lwako ichisu chosi chinichi. Nkwiza pakusunga ichilapo chicho nkalapa kwa ghuso u Abulahamu.

Ubwandilo 28:15

Nkwiza pakuba nawe nukukusungilila kosi kuko ukubuka, sona nkwiza pakukunyosezya kuchisu chinichi. Ntakwiza pakukuleka nalumolumo mupaka papo nakubombela zyosi zizyo nkakulayizya.”

Ubwandilo 37:1

U Yakobo akendelela pakwikala muchisu icha Kenani, chicho uwise akikalaghamo.

Ubwandilo 46:4

Ane nkwiza pakubuka nawe ku Ijiputi, sona nkwiza pakunyokako nawe. Bo wafwa u Yosefu akwiza pakuba kulakula.”

Ubwandilo 47:29

Bo akabalilo akakufwila ukwa Yakobo kakwana, akamwitizya umwana wache u Yosefu nukumubuzya ukuti, “Nanti naloli wiyipiye wemwene, lapa pakubika inyobe yako muntapatapa zyane ukuti ukwiza pakumbombela akiza sona na mubwanaloli. Utakansyile muchisu icha Ijiputi ichi,

Ubwandilo 50:24

Po u Yosefu akababuzya abawamwabo akati, “Indi papipi pakufwa; loli u Chala akwiza pa pakubasungilila nukubefyamo muchisu ichi ukubuka kuchisu chicho akamulayizya u Abulahamu nu Yisaki, sona nu Yakobo.”

Ubwandilo 50:6

U Falabo akamwamula akati, “Buka, umusyile ughuso ukuyana namumo akakulapizya.”

Masalimo 18:46

U Mwene umumi, apaliwanje Ilyalabwe lyane. Achindikiwanje u Chala Umupoki wane.

Luka 2:29

“Mwene, ilelo umwitikizye umubombi wako ukuti abukaye mumutende, pakuti wasungilila ilayizyo lyako.

Imbombo 13:36

Pakuti bo u Devedi abomba vivyo u Chala akabatika pakabalilo kache, akafwa nukusyiliwa poka na banyenya bache, po umuvimba wache ghukabolela mwipumpa.

Ukukumbusya Amalamulo 30:3

u Mwene u Chala winyu akwiza pakubanyosya nukubapepela ichisa. Akwiza pakubabungannya mwebosi muvyisu vyosi vivyo akabanyampanikizizyako.

Ukukumbusya Amalamulo 31:8

U Mwene umwenecho akwiza pakukulongolela, sona akwiza pakuba nawe. Atakwiza pakwitikizya ukuti upotwe, sona atakwiza pakukuleka wemwene. Po utakanyilaye pamo ukuwa amaka.”

2 Timoti 4:6

Loli ane, akabalilo kane kakwanite kale akakuti impunguliwe ukuti chibanje chakwiyipa ichakung'wela; akabalilo kane akakubukila kakwana.

Aba Hebeli 7:3

Nizya wise uwa Melekizedeki, pamo unyina pamo abanyenya bache, pamo sona nizya kupapiwa kwache nu bufwe bwache tutabuziwe. Loli ayanite bulo nu Mwana uwa Chala, sona we muputi uwa bwila na bwila.

Aba Hebeli 7:8

Pakunena nizya baputi, ichigaba choka icha vintu 10 chikupeghiwa ku bantu babo bakufwa. Loli pakunena nizya Melekizedeki chikupeghiwa ku muntu yuyo mumi, ukuyana na Masimbo.

Yoshwa 1:5

Atalipo nayumoyumo yuyo akwiza pakukupota mubumi bwako bosi. Ane nkwiza pakuba nawe akabalilo kosi ukuyana namumo nkabela nu Mozesi. Ntakwiza pakukukana nalumo pamo pakukuleka wemwene.

Yoshwa 1:9

Ukumbuke ukuti nkakulamula ukuti ubanje nulweke, sona ujimbaye nkani. Utakanyilaye pamo ukuwa amaka, pakuti ane ne Mwene u Chala wako, nkwiza pakuba nawe kosi kuko ukubuka.”

Yoshwa 23:14

“Losi ulu ane akabalilo kane akakufwila kakwana. Amwe mwebosi muzimenye akiza nkani mumoyo na mumuzimu winyu ukuti u Mwene u Chala winyu abapiye ivintu vyosi ivyiza vivyo akabalayizya, sona akwanilisya ivintu vyosi vivyo akabalayizya. Chitalipo nachimochimo chicho akapotwa pakuchikwanilisya.

Yoshwa 3:7

Panapo u Mwene akamubuzya u Yoshwa akati, “Ukwanda ilelo nkwiza pakukukwezya pamaso paba Izilayeli bosi, umwakuti bamanye ukuti indi poka nawe ukuyana namumo nkabela poka nu Mozesi.

2 Pitala 1:14

Pakuti inzimenye ukuti akabalilo kane akakwepelamo mu Chisakasa ichi kali papipi ukuyana namumo u Mwene witu u Yesu Kilisitu andanjizizye pabuzelu.