Ubwandilo 48:15 - IBAYIBOLO 2024

¹⁵ Po akamusaya u Yosefu akati, “U Chala yuyo abatata bane u Abulahamu nu Yisaki bakamubombelagha abasaye abana banaba. U Chala yuyo ansungilila mupaka pakabalilo aka, abasaye abana banaba.

Ubwandilo 48:15 Iomraidhean Croise

Ubwandilo 17:1

Bo u Abulamu ali na maka 99, u Mwene akamubonekela nukumubuzya ukuti, “Ane ne Chala Uwamaka Ghosi. Unyivwilaye, sona bombagha chicho chigholosu.

Ubwandilo 24:20

Po umwalubilolubilo akapungulila amizi muchakung'welelamo ivitekwa, akachimbilila sona kuchiziba pakusembe amizi mupaka zyosi ingamila zikang'wela.

Ubwandilo 24:40

“Akamula akati, ‘U Mwene yuyo namubombela mubusubiliwa akabalilo kosi akwiza pakumutuma uwantumi wache poka nawe nukuti vyosi vikwendele akiza, umwakuti ungamusendela umukolo umwana wane kubaluko lwane, sona ku bamunyumba iya tata wane.

Ubwandilo 27:27

Bo apalamila ukuti amukukile, u Yisaki akanusya umunusi uwa menda ghache nukumusaya ukuti, “Eya, umunusi umwiza uwa mwana wane ghuyanite bulo nu munusi uwa mughunda, ghugho u Mwene aghusaya.

Ubwandilo 27:4

Umpiyile ichakulya ichinonu nkani chicho nchighanite, wize nacho kuno. Bo nalya, nkwiza pakukusaya bo ntafuye.”

Ubwandilo 28:20

Po u Yakobo akalapa pamaso pa Chala nukuti, “Wee Mwene nanti ukwiza pakuba nane nukunsungilila pabulendo bwane ubu, sona nukumpa ichakulya na menda

Ubwandilo 28:22

Ibwe ili lilyo nalyimika pakuba chikumbusyo, likwiza pakuba Nyumba iya Chala, sona nkwiza pakukupa ichigaba choka pa vigaba 10 ivya vintu vyane vyosi vivyo ukwiza pakumpa.”

Ubwandilo 28:3

U Chala Uwamaka Ghosi ayisaye isendwa yako, nukukupa abana abinji nkani, umwakuti ubanje we munyenya uwa inko inyinji nkani.

Ubwandilo 35:3

Tukwiza pakwepamo muno nukubuka ku Beteli, kuko nkwiza pakumuzengela ichighemo u Chala, yuyo akanyavwa muntamyo zyane, sona yuyo akaba nane kosi kuko nkabukagha.”

Ubwandilo 48:16

Uwantumi yuyo akampoka ane kububibi bosi, abasaye abana babili banaba. Itabwa lyane ni tabwa ilya batata bane u Abulahamu nu Yisaki lyendelele pakubapo ukwendela mubana banaba. Bapapaye nkani, nukuba baluko ulukulu nkani.”

Ubwandilo 49:22

“U Yosefu ko kasamba kako kakwela ichikomwa. Ko kasamba kako kakwela ichikomwa papipi ni chiziba, akasamba kako kakwelite palubumba.

Ubwandilo 49:24

Loli ubwele bwache bukaba bwa maka, sona inyobe zyache zyamaka, pachifukwa icha Uwamaka Ghosi uwa Yakobo, pakuti we mudimi, sona lyalabwe ilya Izilayeli.

Ubwandilo 49:28

Bosi banaba baluko 12 aba Izilayeli, sona mazyu ghanagha gho ghagho uwise akababuzya bo akubasaya pakulaghana nabo, ghagho ghakamubaghila umuntu wesi pamwene.

Ubwandilo 6:9

Ili lyo lipangwi ilya Nowa. U Nowa akaba muntu mugholosu, yuyo atakaba na kalema nakamokamo pakabalilo kache, sona akabombagha zizyo zikamuhobosyanga u Chala.

1 Abamwene 3:6

U Solomoni akamwamula akati, “Wee Mwene wane, ukamughana nkani u tata wane u Devedi pachifukwa ichakuti akaba muntu musubiliwa nu mugholosu, sona wanaloli. Umughanite nkani, sona wamupa umwana umulumendo ukuti ikalaye pachitengo icha bumwene mupaka nilelo bulo.

1 Imbili 5:1

Abana aba Lubeni umwana ukatote uwa Yakobo bakaba bo aba: Naloli u Lubeni akaba we katote, loli pachifukwa ichakuti akaghona nu muchi yumo uwa wise, ubwakatote bwache bukapeghiwa ku muzuna wache u Yosefu. Po atakabelengiwa sona pakuba we katote.

Masalimo 16:8

Nkamwennyanga akabalilo kosi u Mwene pamaso papane, pakuti ali kunyobe yane indilo, po ntakwiza pakuyingana.

Masalimo 23:1

U Mwene we mudimi wane, ntakwiza pakusobelwapo nachimochimo.

Masalimo 37:3

Umusubilaye u Mwene, nukubomba inyiza, ikala muchisu nukwilagha ubumi ubwiza.

Ukufuma 3:16

“Bukagha ubabungannye poka abalongozi aba Izilayeli nukubabuzya ukuti, ‘Ane ne Mwene, u Chala uwa Abulahamu nu Chala uwa Yisaki, sona nu Chala uwa Yakobo akambonekela.’ Ubabuzye ukuti, ‘Nazyennya zizyo aba Ijiputi bakubabombela.

Ukufuma 4:5

U Mwene akati, “Bomba zinizi, po aba Izilayeli bakwiza pakusubila ukuti u Mwene, u Chala uwa banyenya babo nu Chala uwa Abulahamu nu Chala uwa Yisaki, sona nu Chala uwa Yakobo naloli akubonekela.”

Umulumbilili 5:12

Utulo utwa waganyu tukunona, napapo angalya panadi pamo nkani, loli umukabi atakughona utulo.

Umulumbilili 5:18

Po nkazyaghannya ukuti chintu ichiza ukuti umuntu alyanje, ang'welaye, sona ilaghaye imbombo zizyo akubomba umwakwiyula pachisu ichapasi mumasiku amanandi ghagho u Chala amupiye, pakuti ughu gho muvwalo wache.

Umulumbilili 6:7

Umuntu akubomba imbombo inkafu ukuti alyesye umulomo wache, loli atakwikuta umwakufikapo.

Yesaya 30:21

Napapo mungaghalabukila kundilo pamo kumongo, amakutu ghinyu ghakwiza pakwivwa izyu ukufuma kwisinda kwinyu, likuti, “Iyi yo zila; endagha mumo.”

Yesaya 33:16

umuntu yunuyu akwiza pakwikala pamwanya, ubuzilo bwabo ubwakuponelamo, bukwiza pakuba lilinga ilya lighamba, akwiza pakupokela ichakulya, sona atakwiza pakusobelwapo amizi.

Yelemiya 8:2

Ghakwiza pakunyampaniziwa kwizuba na kumwezi sona ni tondwa zyosi vivyo bavighanite nkani nukuvibombela sona vivyo bavikonka nukulabako amahala nukuvyiputa. Batakwiza pakughabungannya amafupa ghala pamo ukughasyila, loli ghakwiza pakuba muvundo pamwanya pitope.

Luka 1:6

Bosi babili bakaba bantu abagholosu pamaso pa Chala nukukonka akiza indaghilo na malamulo ghosi agha Mwene.

1 Aba Kolinti 10:31

Po manyi mukulya, pamo mukung'wela, manyi mukubomba akantu kosi, mubombaye vyosi bulo ukuti mumuchindike u Chala.

2 Aba Kolinti 1:12

Chicho tukwituvikizyapo chakuti umabyebye witu akutusimikizizya ukuti inkalo yitu muchisu ichapasi nkaninkani ubukamu bwitu namwe, yikaba zelu, sona yiyo yitakaba nu buzimbuli. Zikabanga bunubu chite chifukwa ichakukonka amahala agha buntu, awe, loli pachifukwa icha chisa icha Chala.

Ukukumbusya Amalamulo 33:1

Bo u Mozesi, umuntu uwa Chala achili pakufwa akabasaya aba Izilayeli.

Aba Kolosi 2:6

Pakuti mwamwitika Kilisitu u Yesu pakuba we Mwene, po mwendelele pakwikala mukumamatilana poka nawe.

1 Aba Tesalonika 2:12

Tukabakazya umoyo nukubapumizya, sona tukendelela pakubalaba ukuti mwikalaye nubumi ubwa kumuhobosya u Chala, yuyo akubitizya amwe ukuti mugabane nawe Ubumwene, sona nu buchindamu bwache.

Aba Hebeli 11:21

Lukaba lwitiko lulo lukamupela u Yakobo, bo akufwa ukuti abasaye abana bosi aba Yosefu, uyu pamwene, uyu pamwene. Akeghamila pamwanya pandisa iyakwendela nukwiputa kwa Chala.