Ubwandilo 47:7 - IBAYIBOLO 2024

⁷ Po u Yosefu akamusenda uwise u Yakobo, nukubuka nawe kwa Falabo, po u Yakobo akamusaya u Falabo,

Ubwandilo 47:7 Iomraidhean Croise

Ubwandilo 14:19

Akamusaya u Abulamu akati, “U Chala Uwakumwanya Nkani, yuyo akapela kumwanya ni chisu ichapasi, amusaye u Abulamu.

Ubwandilo 35:27

U Yakobo akabuka kwa wise u Yisaki ku Mamule, papipi nu Kiliyati Aliba (kokuti Hebuloni), kuko u Abulahamu nu Yisaki bakikalagha kale

Ubwandilo 47:10

Po U Yakobo akamusaya sona u Falabo nukwepapo.

Ubwandilo 47:8

po u Falabo akamulalusya u Yakobo akati, “Nkimba uli na maka malinga?”

2 Samuweli 14:22

U Yowabu akafughama, bo icheni chache chikotamiye pasi, nukumusaya u mwene. U Yowabu akati, “Ilelo ane ne wambombo wako inzimenye ukuti wampelela ichisa, pakuti witika ukulaba kwane.”

2 Samuweli 19:39

Abantu bosi bakaloboka ulusoko ulwa Yolodani, sona wepe u mwene akaloboka. U mwene akalaghana nu Balizilayi nukumusaya. Po u Balizilayi akanyokela.

2 Samuweli 8:10

akamutuma umwana wache u Yolamu kwa mwene u Devedi pakumulamuka nukumulondela ivyiza pachifukwa ichakumupota u Hadadezeli, yuyo akalwanga ubwite nu Towu. U Yolamu akamupa usiliva nu golide, sona nu mukuba pakuba vyabupi.

1 Abamwene 1:47

Amakambala ghosi agha mwene ghiza pakumupala u mwene witu u Devedi ukuti, ‘U Chala wako alikwezye itabwa ilya Solomoni ukuchila itabwa lyako, sona ubumwene bwache bubanje bukulu nkani ukubuchila ubwako.’ U mwene u Devedi akafughama nukwanda pakwiputa bo ali pachitala chache.

1 Abamwene 8:66

Pisiku ilya 15 u Solomoni akababwezya abantu bala. Bope abantu bala bakamulagha u Solomoni nu lusayo, po bakabwela bo bahobokite nkani nukusekela pachifukwa icha vintu ivyiza vyosi vivyo u Mwene akamubombela umubombi wache u Devedi, poka na bantu bache aba Izilayeli.

2 Abamwene 4:29

U Elisha akamulamula u Gehazi akati, “Vunga inkazo yako nukuyipinya nu lamba mumusana wako, lubilolubilo senda indisa yane. Nanti ukukomana nu muntu muzila utakamulamukaye, sona nanti yumo akukulamuka, utakamwamulaye. Gholoka bulo kunyumba, uyilambalike indisa yane pacheni icha mwana.”

Ukufuma 12:32

Senda ing'ozi ni mbuzi sona ni ng'ombe zyinyu, bukagha. Munyiputile ukuti nane bulo insayiwe.”

Matayi 26:26

Bo bali pakulya, u Yesu akasenda ichibama, akamupalizya u Chala nukuchimenyannya. Akabapa abamanyili bache nukuti, “Ughu gho mubili wane, senda, lyanga.”

Luka 22:19

Po u Yesu akasenda ichibama, akamupalizya u Chala nukuchimenyannya. Akabapa abamanyili bache nukuti, “Ughu gho mubili wane, ghugho wapeghiwa pachifukwa icha mwemwe. Mubombaye zinizi ukuti munkumbukilayepo.”

Yoshwa 14:13

Po u Yoshwa akamusaya u Kalebu umwana uwa Yefune nukumupa akaya aka Hebuloni pakuba mpyana yache.

Yoshwa 22:6

Po u Yoshwa akabasaya nukubabwezya, sona bosi bakabwela.

1 Pitala 2:17

Mumuchindikaye umuntu wesi, sona mubaghanaye abitiki abamwinyu. Mumunyilaye u Chala, sona mumuchindikaye umulaghili uwa chisu.

1 Samuweli 2:20

U Eli akamusayagha u Elikana nu muchi wache nukuti, “U Mwene akupe abana abanji mu mukolo yunuyu, ukuti asende ubuzilo ubwa yuyo ukamupa u Mwene.” Pisinda pache bakabwelagha kunyumba.