Ubwandilo 47:4 - IBAYIBOLO 2024

⁴ Twiza pakwikala muchisu chinichi, pachifukwa ichakuti muchisu icha Kenani muwiye izala inkulu nkani sona litalimo nisote ilya ing'ozi ni mbuzi zyitu. Po tukukulaba ukuti ubitikizye ababombi bako ukuti twikale muchisu ichi.”

Ubwandilo 47:4 Iomraidhean Croise

Ubwandilo 12:10

Loli muchisu icha Kenani mukawa izala inkulu nkani. Pachifukwa icha zala yilayila u Abulamu akabukagha kuntende mupaka akafika muchisu icha Ijiputi nukwikala kulakula akabalilo akanandi bulo.

Ubwandilo 15:13

Po u Mwene akamubuzya akati, “Naloli uzimanye ukuti abaluko lwako bakwiza pakuba bayeni muchisu chicho chite chabo. Kulakula bakwiza pakuba bazya, sona bakwiza pakuyiviwa amaka 400.

Ubwandilo 43:1

Izala yikendelela pakukula nkani muchisu icha Kenani.

Ubwandilo 45:10

Mukwiza pakwikala muchisu icha Gosheni, sona mukwiza pakwikala papipi nane, amwe na bana binyu, na bizukulu binyu, ni ng'ozi zyinyu, ni mbuzi zyinyu, ni ng'ombe zyinyu, sona na vyosi vivyo muli navyo.

Ubwandilo 46:34

Mwamulaye ukuti, ‘Ababombi bako bateka ng'ombe mubumi bwabo bosi ngati mumo bakabombelagha abanyenya bitu.’ Nanti mwanena bunubu mukwiza pakwikala muchisu icha Gosheni.” U Yosefu akanena zinizi pachifukwa ichakuti aba Ijiputi batakahobokagha na badimi.

Ubwandilo 47:5

Po u Falabo akamubuzya u Yosefu akati, “Ughuso na bakamu bako biza kukwako.

Masalimo 105:23

Po u Izilayeli akinjila mu Ijiputi, u Yakobo akikala ngati muyeni muchisu icha Hamu.

Yesaya 52:4

U Mwene Uwamaka Ghosi akuti, “Pakwanda abantu bane bakabuka pakwikala mu Ijiputi. Pisinda pache aba Asiliya bakabayivya nkani.”

Imbombo 7:11

Po izala yikawa muchisu chosi icha Ijiputi nicha Kenani, yiyo yikapela amayimba amakulu nkani, umwakuti abanyenya bitu bakapotwa pakuchagha ichakulya.

Imbombo 7:6

Izi zyo zizyo u Chala akamubuzya ukuti, ‘Abaluko lwako bakwiza pakuba bayeni muchisu chicho chite chabo. Kulakula bakwiza pakuba bazya, sona bakwiza pakuyiviwa amaka 400.

Ukukumbusya Amalamulo 26:5

Po munenaye pamaso pa Mwene, u Chala winyu mutinji, “Umunyenya witu akaba mu Alamu uwakwendakwenda, yuyo akabuka ku Ijiputi na bamunyumba yache, babo bakaba banandi nkani nukwikala kulakula. Pisinda pache lukaba luko lukulu nu lwamaka, sona bakaba binji nkani.