Ubwandilo 47:26 - IBAYIBOLO 2024

²⁶ U Yosefu akalupela pakuba lulaghilo muchisu icha Ijiputi, sona nilelo bulo luliko, ulwakuti u Falabo asendayeko ichigaba choka pa vigaba vyosi fayivi; chene ichisu cha baputi chitakaba icha Falabo.

Ubwandilo 47:26 Iomraidhean Croise

Ubwandilo 14:20

U Chala Uwakumwanya Nkani, yuyo akakupa amaka aghakubapotela abalwani bako, apaliwanje.” Po u Abulamu akabika kwa Melekizediki ichigaba choka pavigaba 10 ivya katundu wesi yuyo akafyula.

Ubwandilo 28:22

Ibwe ili lilyo nalyimika pakuba chikumbusyo, likwiza pakuba Nyumba iya Chala, sona nkwiza pakukupa ichigaba choka pa vigaba 10 ivya vintu vyane vyosi vivyo ukwiza pakumpa.”

Ubwandilo 41:34

Usale sona abantu abasongo ukuti babunganike ichigaba choka pa vigaba vyosi fayivi ivya nyinulo iya mu Ijiputi pamaka ghosi seveni ghala agha vyakulya ivyinji.

Ubwandilo 47:22

Loli atakaghula umughunda uwa muputi, pakuti u Falabo akabapa abaputi ivyakulondiwa vyabo, sona bakikalilagha pavyakulondiwa vyabo vivyo u Falabo akabapanga. Polelo ichi cho chifukwa batakamughulizizya Yosefu amaghunda ghabo.

Ubwandilo 47:25

Po bakamula bakati, “Songo, ndagha wabomba. Tukwiza pakuba twe bazya ba Falabo, pachifukwa ichakuti ukaba muntu umwiza nkani kukwitu, sona wabupoka ubumi bwitu.”

Ezila 7:24

Uzimanye sona ukuti awe ute nu bulaghili nabumobumo pakubasonkezya umusonko abantu, pamo ukusangulizya ivyabupi ni vintu ivinji ukufuma ku baputi naba Levi na bimbi na balindilili aba pamulyango sona na babombi aba mu Nyumba iya Chala pamo abambombo abanji bosi aba mu Nyumba iya Chala yiniyi.

Ezekiyeli 7:24

Nkwiza na bantu ababibi aba inko, pakufyula inyumba zyabo. Nkwiza pakumazya amaka abakwituvya, sona ubuzilo bwabo ubuzelu, bukwiza pakuba bunyazu.

Aba Levi 27:30

Ichigaba choka pavigaba 10 ivya mumughunda manyi mbeyu manyi vikomwa, vya Mwene, pakuti vipaghuliliwe kwa Mwene.

Ukubelengiwa 18:21

U Mwene akati, “Nabapa aba Levi ichigaba choka pavigaba 10 vyosi ivya ba Izilayeli pakuba mpyana yabo pachifukwa icha mbombo yiyo bakuyibomba mu Chisakasa icha Mwene.

Ukukumbusya Amalamulo 14:22

Muchipaghulaye ichigaba choka pavigaba 10 ivya mumaghunda ghinyu umwaka nu mwaka.

Ukukumbusya Amalamulo 26:12

Umwaka ghosi uwabutatu, mubapanje aba Levi, na bayeni, na balanda, na bakolo abafwilwe ichagaba choka pavigaba vyosi 10 ivya nyinulo yinyu, umwakuti bangalya nukwikuta mutwaya twinyu.